[الموذي]<<يعني يؤذي الناس..<<ابو اللهجه الي كذا ..
فتلازمت عندي كلمة حب..بالحبوب...وإنك لو حبيت شي..أهلك يدعون عليك بالحبوب..
فقلت موب لازم ... عليكم تربيه يالسعوديين ..
ايه اقولكم ..يعني بحكم التغير البيولوجي في ارض الفضاء السابقة الذِكر ..يعني أحيان تسذا مدري وش يجيك
يعني اذكر بداياتي كنت احب يآسر القحطآني .. وصورته تحت المخده..ومرات اتخيل انه يلعب معي كيرم .. ومرات نلعب حبشه << ياكثر ما قمت من النوم ولقيت نفسي مسعبله عالزوليه
عادي جداً..
كان أبن القحطآني هو حبي ..واعتقد كان حب كثير من بنات جيلي ..
نتطاق عالمجلات الرياضيه ..ونجمّع صوره من الجرايد.. ونسوي ألبوم صور لـه
وأكثر وحد جمع صورر >> .
كآنو يحطون دعآيآت على اللوحآت عند الاشآرات
يجيني شد عضلي برقبتي عند الاشاره ..بس اتمقّل ..
((خشتي تسعبل))
انتهت قصة حبي يآسر القحطاني لسببين ..
الأول : خبر زواجه
الثاني :ابوي طال عمره لقاني [اموحر] بذا الصمغ <<اموحر يعني افرّه بقوه ..والصق بهالصور ..
مسك الصور قال وش ذا منهو ذا ..
قلت ذا لاعب...
قال: ..لعبة التسلاب بعضيان الموذي..<<ترجمة الدعاء..[ تلعب الكلاب بأعضاء الإنسان الذي يؤذي الناس ]
ياذا الموذي الي ماخلوه بحاله ..
ارتبط عندي بعدها أن الي تحب احد من المشهورين ..الكلابه تلعب بعضيانها
قررت انثبر واقضب ارضي..لا اقضب مخدتي ..
ومالي حيله الا اني اتخيّل مهند يلعب معي [أو نو ] الين الله يفرجها..
لأنه باختصار مافي حب بالسعوديه ..
وجايين تقولون [خليها تعنس]..
ماكفاكم تبتزون البنات ..بعد تضغطون عليهم حتى بالعرس..
مالت عليكم بس..>>
إخس عليكم <<خانها التعبير..
لا وقبل فتره كآن فيه عيد الحب وتسذا..
والعالم احمر بأحمر...
وبدى شغل النصب والهياط طبعاً...
يعني بيجي سعودي يسوي لي فيها حبــيب..!
وش عيد حب وش بطيخ مافي بالسعوديه حب...
والله مدزيه الهيئه بكم يوم تقش الورد الأحمر عنكم..
تضحكون على بنات الناس يعني.....قولوا [عيد النصب]...
بس لاتقولون [حب] ...ذا موب لكم يا سعوديين ..
<<تحسون حاقده
مآيستفـآد من الوضوع : 1/مافي حب بالسعوديه.. 2/الحب اسمى من أن تعبر عنه بوردة حمراء 3/تم كتابة الموضوع على عُجاله ..<<مين يبي يصور جنب الكلمه