.
مكتبي , ماعاد يلبّي مطلبي
كل الكتب , تغير لون غلافها \ تقل تذبل
كل السطور طآح لحافها \ تبي ترحل
مكتبي " وش عآد منّي تبي ْ .. تعبت اسأل ْ
حتّى الاغآني سمعناها سوى , وغنينا
اذكر بدينا وما انتهينا .. ومآل غصن الحبر مني ماقوى
تذكر أنا ؟ وشلون عآنيت الهوى
تذكر يوم تقول لعيوني , ادمعي .. والله أن الدمع لعيونك دوى
تذكر يوم تقول لأذني اسمعي .. بحّة السهرآن إذا ما ارتوى
وأنت وقتها جآلس معي , مآسك المنديل لجل تمسح مدمعي
,
مكتبي , لاتضن أني نويت العشق غآوي , مير يغزيني غزو
تقل عدو , ما أبيه .. تقل نآوي : يبتليني بالعذاب اللي يجيه , وأنت خآبر بس تكآبر
تدري أني ع العنآ مانيب قآوي .. مكتبي تدري أن القآف صرت احبكه
صرت اقول القصيد \ كني شآعر , كني حآضر يبكي ع المآضي التليد
وأعترف للقآف ثآني , أني ما أجيد , ويقول إلا تجيد : يعني مسوي ماتعآني ..!!
مكتبي ,, حثني وقتي أني اكتبك
يمكن ينصآع للشيء اللي أبي , يمكن اللعنه تزيح
يمكن الميّت اللي سكن تحتك , يعآف القبر , ويحلف أنه مستريح
يمكن الهم يقنع , ويقول أنا ماني جريح
يمكن القس , يكفر بعلوم المسيح .. ويكف عن سرد القبيح
أي نعم , أنا عزمت أكتبك
وبريش مافيها حبر , وبيد ماليها الكبر
وامسك المفتاح للمرّه الاخيره , وأفتح الادرآج
وامسك الاورآق اللي عسفها العجآج , وانآظر للوجه الاول
وابدأ من أول , واقرأ حروفي اللي كتبت
وامسح بأيدي , على قطرآت الخمر اللي شربت
وابدأ اذكر , يوم نسكر , يوم تقول ياعايد خربت ؟
واضحك أنا بصوت عاااااالي , وأقول , ياعمي انطربت !!
.
.
كنت هنآ بأكثر من : عآيد
15-03-2009, 07:40 AM
مكتبي : خلنا نقفل الادآرج اللي فتحناها " سوى "
العرض الشجري
