" و ( عقبال ) العزابيـه وكل ( شاب يلاقي صبيه ) " - الصفحة 3 - شبكة القناص

وعـــد · 13-03-2009, 01:32 PM

سالخيــر ..
( ج ـمعه مباركـه ) للجميع لاتنسون صوره الكهف ..

.
.
.

اليوم موضوعي مدري وش يحس به بس أنقهرت من شيء ..
( العرس ) كلنا نفكر به بنات وعيال والكل يتمنى هاليوم اللي يستقر فيه ويكون
عائله ويرتاح من الاوامر ويصير هو يأمر وينهي على مخ مخه ..
اول يعني يوم عرس امي وابوي يقولون انهم مايعرفون بعض الا ليله الدخله
سمعوا اصوات بعض وشافوا بعض ..
بس هالحين تغير الوقت اول ماتنخطب البنت تقول رجلي ابكلمه وهو بعد مايفرحون
على الله يصير شيء مرتبط بدين والا ماهو حرام علشان يهذرون ..
مايدرون انهم يبون يملون من بعض بعدين ..
بس به عوايل الى الان تقول لبناته لا ماتكلمون ولاعندنا حريم تكلم ..
احتسي صدز انا به واجد بنات ودهن يكلمن يقلن ابوي والا اخوي يقول لا ماعندي
بنات يكلمن الا عقب العرس ..
ان حصل بعد يمنعه عقب العرس ماتكلمه ؟؟

_

وحده من خوياتي انخطبت وتملكت تبي تعرس وخلاص دفعوا المهر وكل شيء
يعني صارت المره مرته يبي يكلمها يعيي اخوها ؟؟
قلت له ليه يعيي اخوتس وش دخله ؟؟
قالت يقول بس هذا اللي باقي تكلمين رجال غريب عقب العرس بكيفتس بس
هالحين لا مافيه حركات البنات المايعه مابيها ..
رجله يالعنبوهالدميجه منهو الرجال الغريب ؟

هالحين ليه ماتكلمه طيب وش المشكله عادي بالعكس احس يعني انه تطيح
بينهم الميانه ويصيرون عصافير حب ..
به بنات وعيال هالحين لهم نفس المبدأ به بنات بعد تقول لا مابي اكلمه الا
عقب العرس بكيفه ليله الدخله يشوفن ويعرفن وشوله اكلمه ؟؟
وبه عيال بعد يقول ماني مكلم زوجتي اشوفه ليله الدخله والا وشوله اختي
تكلم رجله هذا اللي باقي ؟؟

طيب ليه ماهو حرام انه احس انه العالم تطوروا به بنات ~ عيال صدز مايبون
يمكن قناعه بس على انفسهم يعني لو الولد معيي وعنده قناعه بكيفك هذي قناعتك
بس مالك دخل تمنع اختك ؟؟
انت بكيفك لاتكلم ومرتك لاتكلمه احسن ابرك له <-- عصبت ..
بس قصدي لاتدخل بغيرك انا ماحب اللقافه اللي يتدخل بشغل غيره ودي العنه ..

_

تدرون وش دايم افكر به ..
اقول ياسفابه الصرف من الدوله على بعض هالاشكال ..
كتب ودراسه وجامعه وبالاخير ماعنده حتى الدمقراطيه يمنع اخته من حلاله ؟؟
اذا امي عجوز ماتفهم وابوي مايفهم انت اخوي اذا مافهمتن وانت كبري وبعمري
ودارس مثل دراستي من يفهمن ؟ ولد الجيران ؟
صدز والله يعني الزمن تطور وصارت عندنا كتب وقنوات ومنتديات وجوالات ونشوف
وصرنا نسافر ونطلع نشوف العالم ..
اول لو ابحلف امي وابوي ان سافروا وهايطوا وصلوا جده وارجعوا بس هالحين حنا
وصلنا كل ديره نسافر بالصيفيات مانعترف بجده وشي جده هالحين عندنا نبي لندن والا
جنيف والا باريس ..
صدز والله احتسي يعني تغير كل شيء وش معنى هالسالفه بالذات ماتغير؟
والا علشان البنت به ماتغير ..
يعني لازم تقفلون بقفل على البنت وتحجرون له علشان ترتاحون بزعمهم تسذا زين
وحنا نبي نطيعهم معصي عاد والله لو انا من خويتي لااكلم رجلي واخوي يطق راسه
بالجدار ..
<-- الحماس مايمدحونه لي ..
والله انكم عجيبين يالبدو احسن شيء حلاها تعرف لكم ومضربه عن العرس كله ..
الا صدز ماتدرون هي ليه ماتبي تعرس ؟

_

عاد بما اني شخص مهم بالمجتمع قلت خلن افكر لهم بحل هالبنات المساكين
واطلعهن من هالسجن اللي ساجنينهن به اهلهن ..
وجبت لكن فكره ..
تري ماهو لازم يالبنت تسمعين حتسي اخوتس واهلتس بكل شيء يخص حياتس ؟
صدز والله يعني ماهو لازم اذا قالوا كذا يافلانه تروحين كذا خلي عندتس شخصيه
قويه قولي لا قولي ايه عارضي ..
يعني ماقولتس اعصيهم القاكن بكرا كل وحده فاقله ابوه والا معطيتن اخوه كف لا ..
قصدي اذا شيء يخص حياتس انتي مثل العرس وتسذا ماله دخل هو انتي اتخذي قرارك
لاتقولين اخوي يعيي يعيي ويطق راسه بالجدار ماله دخل ..

يعني خلي لتس شخصيه قويه وخلي لتس كلمه مثل بعض الناس ..
<-- اتحداكم تدرون من أقصد ؟؟
خلاص هذي حياتس وهذا قرارتس ولو اخوتس يبي يعرس ماهو جاي يشاورتس
يافلانه وش رايتس اكلم مرتي والا وش رايتس وش اقول لمرتي ؟
والا وش رايتس وتسذا ؟
انتي خليتس مثله اخوتس على عيني وعلى راسي بس مالك دخل بحياتي كلن
خلقه الله حر ..

.
.
.

خلص موضوعي امانه شرايكم بس ؟
هالحين اللي ابيه منكم ابي الصراحه يعني لايجي واحد يهايط يقول انا ماسوي كذا
لخواتي وهو مصيبه ..
لا انا ابي الصدز علشان نعرف اللي يرفض ليه يرفض واللي موافق ليه وافق ..
والبنت مثل بعد به بنات هن يرفضن يكلمن ابعرف ليه ترفضن ؟
والعيال بعد به عيال يرفضون يكلمون حريمهم مع ان يحول المره وده بس تقول
مستحيه ماطلب رقمي ولايبي يكلمن ليه ماتبي تكلمه ؟
نبي نعرف ؟
عاد فالكم العرس كلكم اللي وده واللي ماوده واللي مضرب عن العرس
بعد ..
واعزمونن هماه ؟

كان معكم من الاعداد والتقديم :
وعـد ..
الى اللقاء في حلقات مقبله ..

13-03-2009, 01:32 PM	#1
وعـــد قناص جديد	" و ( عقبال ) العزابيـه وكل ( شاب يلاقي صبيه ) " سالخيــر .. ( ج ـمعه مباركـه ) للجميع لاتنسون صوره الكهف .. . . . اليوم موضوعي مدري وش يحس به بس أنقهرت من شيء .. ( العرس ) كلنا نفكر به بنات وعيال والكل يتمنى هاليوم اللي يستقر فيه ويكون عائله ويرتاح من الاوامر ويصير هو يأمر وينهي على مخ مخه .. اول يعني يوم عرس امي وابوي يقولون انهم مايعرفون بعض الا ليله الدخله سمعوا اصوات بعض وشافوا بعض .. بس هالحين تغير الوقت اول ماتنخطب البنت تقول رجلي ابكلمه وهو بعد مايفرحون على الله يصير شيء مرتبط بدين والا ماهو حرام علشان يهذرون .. مايدرون انهم يبون يملون من بعض بعدين .. بس به عوايل الى الان تقول لبناته لا ماتكلمون ولاعندنا حريم تكلم .. احتسي صدز انا به واجد بنات ودهن يكلمن يقلن ابوي والا اخوي يقول لا ماعندي بنات يكلمن الا عقب العرس .. ان حصل بعد يمنعه عقب العرس ماتكلمه ؟؟ _ وحده من خوياتي انخطبت وتملكت تبي تعرس وخلاص دفعوا المهر وكل شيء يعني صارت المره مرته يبي يكلمها يعيي اخوها ؟؟ قلت له ليه يعيي اخوتس وش دخله ؟؟ قالت يقول بس هذا اللي باقي تكلمين رجال غريب عقب العرس بكيفتس بس هالحين لا مافيه حركات البنات المايعه مابيها .. رجله يالعنبوهالدميجه منهو الرجال الغريب ؟ هالحين ليه ماتكلمه طيب وش المشكله عادي بالعكس احس يعني انه تطيح بينهم الميانه ويصيرون عصافير حب .. به بنات وعيال هالحين لهم نفس المبدأ به بنات بعد تقول لا مابي اكلمه الا عقب العرس بكيفه ليله الدخله يشوفن ويعرفن وشوله اكلمه ؟؟ وبه عيال بعد يقول ماني مكلم زوجتي اشوفه ليله الدخله والا وشوله اختي تكلم رجله هذا اللي باقي ؟؟ طيب ليه ماهو حرام انه احس انه العالم تطوروا به بنات ~ عيال صدز مايبون يمكن قناعه بس على انفسهم يعني لو الولد معيي وعنده قناعه بكيفك هذي قناعتك بس مالك دخل تمنع اختك ؟؟ انت بكيفك لاتكلم ومرتك لاتكلمه احسن ابرك له <-- عصبت .. بس قصدي لاتدخل بغيرك انا ماحب اللقافه اللي يتدخل بشغل غيره ودي العنه .. _ تدرون وش دايم افكر به .. اقول ياسفابه الصرف من الدوله على بعض هالاشكال .. كتب ودراسه وجامعه وبالاخير ماعنده حتى الدمقراطيه يمنع اخته من حلاله ؟؟ اذا امي عجوز ماتفهم وابوي مايفهم انت اخوي اذا مافهمتن وانت كبري وبعمري ودارس مثل دراستي من يفهمن ؟ ولد الجيران ؟ صدز والله يعني الزمن تطور وصارت عندنا كتب وقنوات ومنتديات وجوالات ونشوف وصرنا نسافر ونطلع نشوف العالم .. اول لو ابحلف امي وابوي ان سافروا وهايطوا وصلوا جده وارجعوا بس هالحين حنا وصلنا كل ديره نسافر بالصيفيات مانعترف بجده وشي جده هالحين عندنا نبي لندن والا جنيف والا باريس .. صدز والله احتسي يعني تغير كل شيء وش معنى هالسالفه بالذات ماتغير؟ والا علشان البنت به ماتغير .. يعني لازم تقفلون بقفل على البنت وتحجرون له علشان ترتاحون بزعمهم تسذا زين وحنا نبي نطيعهم معصي عاد والله لو انا من خويتي لااكلم رجلي واخوي يطق راسه بالجدار .. <-- الحماس مايمدحونه لي .. والله انكم عجيبين يالبدو احسن شيء حلاها تعرف لكم ومضربه عن العرس كله .. الا صدز ماتدرون هي ليه ماتبي تعرس ؟ _ عاد بما اني شخص مهم بالمجتمع قلت خلن افكر لهم بحل هالبنات المساكين واطلعهن من هالسجن اللي ساجنينهن به اهلهن .. وجبت لكن فكره .. تري ماهو لازم يالبنت تسمعين حتسي اخوتس واهلتس بكل شيء يخص حياتس ؟ صدز والله يعني ماهو لازم اذا قالوا كذا يافلانه تروحين كذا خلي عندتس شخصيه قويه قولي لا قولي ايه عارضي .. يعني ماقولتس اعصيهم القاكن بكرا كل وحده فاقله ابوه والا معطيتن اخوه كف لا .. قصدي اذا شيء يخص حياتس انتي مثل العرس وتسذا ماله دخل هو انتي اتخذي قرارك لاتقولين اخوي يعيي يعيي ويطق راسه بالجدار ماله دخل .. يعني خلي لتس شخصيه قويه وخلي لتس كلمه مثل بعض الناس .. <-- اتحداكم تدرون من أقصد ؟؟ خلاص هذي حياتس وهذا قرارتس ولو اخوتس يبي يعرس ماهو جاي يشاورتس يافلانه وش رايتس اكلم مرتي والا وش رايتس وش اقول لمرتي ؟ والا وش رايتس وتسذا ؟ انتي خليتس مثله اخوتس على عيني وعلى راسي بس مالك دخل بحياتي كلن خلقه الله حر .. . . . خلص موضوعي امانه شرايكم بس ؟ هالحين اللي ابيه منكم ابي الصراحه يعني لايجي واحد يهايط يقول انا ماسوي كذا لخواتي وهو مصيبه .. لا انا ابي الصدز علشان نعرف اللي يرفض ليه يرفض واللي موافق ليه وافق .. والبنت مثل بعد به بنات هن يرفضن يكلمن ابعرف ليه ترفضن ؟ والعيال بعد به عيال يرفضون يكلمون حريمهم مع ان يحول المره وده بس تقول مستحيه ماطلب رقمي ولايبي يكلمن ليه ماتبي تكلمه ؟ نبي نعرف ؟ عاد فالكم العرس كلكم اللي وده واللي ماوده واللي مضرب عن العرس بعد .. واعزمونن هماه ؟ كان معكم من الاعداد والتقديم : وعـد .. الى اللقاء في حلقات مقبله .. التوقيع: بكرا يجيني" فارسي " فوق خيلـه يبي ( يلملم ) خافقي من شتاتك (w)