صبــــــاح الخيـــــــر...


قصيــــــدة :: يا بحــر جيتك :: للشاعره ’’ النادرة’’

اتمنى تنال اعجابكمــ ..


يابحرانا جيتك وأنا اخفي همومـي
جيتك وجوفي هـم وأحـزان والآآم

جيتك وأنا دمعـي يغطـي كمومـي
وأخفي جروحٍ رافقتنـي بـا الأيـام

جيتك وفي صدري همومي تحومـي
وأكتم عباير سببـت كثـر الأسقـام

أخفيتها حيـث إن طبعـي كتومـي
من خوف يشمت بي عـدوٍ ولـوام

يفرح بهمـي وانكسـارة عزومـي
وده حياتـي كلهـا ذل وأحـطـام

جيتك وافضفض لك عناي وغمومي
جيتك أبيـن لـك معانـاه الأقـلام

برمي عناها فيـك وارتـاح يومـي
تعبت انا أحملها شهورٍ مع اعـوام

لياطرت لـي عفـت زادي ونومـي
ويسري معي همي وخلق الله نيـام

من نار وقتي صاب قلبي وسومـي
شوف الطعون وشوف نكبات الإجرام

شوف العذاب وطالع أثر السهومـي
ياما وياما حطمـت فينـي أحـلام

يابحر بشكي لـك زمـانٍ ظلومـي
اللي على فرحي حكم ظلـم وأعـدام

وغيري يعيش بفرحةٍ لـه تدومـي
وانا هنـاء عمـري ولا ساعـةٍ دام

وياما أرتجيت الحظ مـره يقومـي
ياللاسـف طايـح ولامـرةٍ قــام

تعَبت انا حالي وضاعـت حلومـي
وقلبي تجرع هـم دنيـاه وأنضـام

ولايابحر هذي ترى هـي علومـي
لك أختصرها دون نظـرات الانـام

جيتك وبرمي فيـك سلـة همومـي
وعساك تقدر حملها اعوام وأعـوام


وســــــــلامتكمــ ..