|
وجوه مختلفة ..
بسم الله الرحمن الرحيم ..
صباح / مساء / الخير كفيكم ان شاء الله تمام ... نبداء مع موضوعنا إلي هو وجوه مختلفة .. لا اقصد با الوجوه المشوهة أو الجميلة .. بل باختلاف المعاملة لك أو لغيرك .. تقابل بعض الناس وتعرفه من مده طويلة وتعرف انه طيب وكريم أو ما شابه ذالك .. ولكن تستغرب اذا غير معاملته معاك أو انك عرفت عنه شي وهو لا يعلم .. مثل معامله غيرك معامله ليست با الأخلاقيه .. مثل انت تعرفه انه لا يمكن ان يظلم احد لاكن هذا امامك فقط لكن اذا ابتعدت عنه وظلم احد من الناس وسمعت ان الناس يتحدثون عنه انت لن تصدق ابد مهما حصل حتى تراه امام عينك يفعل ذالك .. .... قد تحصل للبعض منا مواقف كثيرة .. بسبب خيانة صديقك لك في الحارة .. أو زميل أو زميله لكم في المدارس .. ... وشكرا .. قدمت لكم موضوع بسيط .. وأتمنى آن يكون جميل ومفيد .. ( .. قابل للنقاش .. ) دمتم ... |
رد: وجوه مختلفة ..
مساء الخير
ابشع شعور ممكن نعيشه :(: ان احد يتغير عليك :(: حتى ولو ماعرفته الا شهر اسبوع يوم تنصدم لما يتغير عليك فما بالك بصداقه دامت 12 سنه :(: يفصل بينا اخر اليل اروح انام وتروح تنام ونتقابل الصباح الى اخر اليل كنا اكثر من خوات يعني اتوقع لو عندي اخت ماتوقع تكون نفس غلاتها او حتى مكانتها في قلبي لما احد يسألني تبغين اخت اقول لا خلاص هذي اختي ولما صار عمري 15 خلاص صرت ماعجبها ولقت لها غيري والحين اتمنى عندي اخت تعوضني عنها :(::(: قهر تسلم انسان كل حياتك وهو مايستاهل صدق انها مو سعوديه وجمعتنا بلد مو السعوديه بس نبقى نحب بعض طوينا ايامها وراحت بخيرها وبشرها وايامها مابقى منها الا الذكرى الي عساني انساها mohammed-20 موضوعك في الصميم والله (F) الله يعوض كل انسان في انسان ابرك منه (F) والحياه بتمشي مع الصديق ولا بدونه (F) ماضمن لك اني ماراح ارجع للموضوع يعني احتمال ارجع خل الباب مفتوح :d باااااايو |
رد: وجوه مختلفة ..
اكيد هالاشياء تصير كثير خاصه في زماننا هذا p7 بذكر لك قصه حدثت لي في ثاني ثانوي انا من النوع الاجتماي احب اسولف واضحك وامزح مع فلانه وفلانه يعني علاقتي بالفصل مو بس مرتبطه بصديقاتي P9 والله كان الفصل مو نصه إلا كله زميلاتي يوم مع الشله هذي ويوم مع الشله الثانيه كنت اضحك معاهم واللي بقلبي على لساني .. يعني كنت احب بنات الفصل مره وكانو من قدامي يضحكون ويسولفون معاي وكل شي طبيعي .. تفاجأت بيوم من الأيام كان عندنا حصة فراغ إلا المرشده داخله الفصل ونادت بإسمي .. طبعا أنا طلعت بكل ثقه على انه مافيه مشاكل ولا حاجه لأني ماكنت راعية مشاكل او عداوات بالمدرسه .. واعرف الحمدلله نص بنات المدرسه <~ مافيه احد ماتعرفه ما شاء الله P9pp13 المهم .. دخلتي الغرفه بدت تتكلم في موضوع عن انحراف البنات ومكالماتهم للشباب ومن هالكلام أنا حسيت انها تقصدتي .. قلت ارجوك استاذه يا ليت تدخلين بالموضوع ماعاد اتحمل وش بيجيني .. قالت خلاص انا بقول لك .. قلت ايش .!! قالت انه واصلني كلام عنك انك تكلمين شباب < p6 يا سااااااتر يا كبرهااااا عندالله انا والله والله ما تماسكت نفسي ماقدرت جلست ابكي قدامها .. مع انه هذا يسمى ضعف وكنت ما احب ابكي قدام شخص .. لكن ذاك اليوم ماقدرت اتمالك نفسي .. قلت هالكلام هذا كذب وانا ما عمري فكرت بهالشي وانا متربيه وانت تعرفيني زين من يوم كنت بالمتوسط ماقد سمعتي عني سمعه شينه .. و تاصل فيهم الجراه ويقولون لك كلام مثل هذا .. رحت البيت ولا قلت شي حق امي .. بس درت بالسالفه لان انا قلت لمرت خالي معاي بنفس المدرسه عن الموضوع وهي قالت لامي .. الحمدلله اني تفهمت الوضع وناقشتني بهدوء وحذرتني من اني اكون طيبه زياده عن اللازم طبعا مرت خالي راحت من بكرا وكلمت المرشده وقالت اني انا اعرفها اكثر من نفسها وهي مستحيل تسوي اشياء مثل كذا و و و .. رحت بنفس اليوم تناقشت ويا المرشده قلت لها اذا كانت البنت صادقه ومتاكده من كلامها ميه بالميه خليها تكلمني وتواجهني وانا بواجهها قدامك .. هي رفضت وقالت ان البنت رافضه اني اعلمك .. من بعد ردها هذا قلت بصراحه انا واثقه من نفسي ودامك انتي مصدقتها بكيفك .. انا صحيح بالاول انصدمت لكن الحين الامر عندي ايزي ,, والزم ماعلي سمعتي .. وبعدها صرت ما اسولف مع اي بنت ولا افتح لها قلبي واقول اللي بخاطري إلا لصديقاتي P9 .. وهذا موقف صار لي بحياتي من ناس خوانه وآسفه على الإطاله .. (F) |
رد: وجوه مختلفة ..
اقتباس:
حياك الله اختي في اي وقت الباب مفتوح 24 ساعه ... خخ :d احساس ياسري .. ( مرورك يشرفني ..)..(F) |
رد: وجوه مختلفة ..
اقتباس:
مشكوره اختي روح الأنـوثــه.. . (F) (ومرورك يشرفني .. )..:$ والله يعينك .. |
رد: وجوه مختلفة ..
اكيد هالاشياء تصير كثير خاصه في زماننا هذا p7
اذكرانا قصه صارت لي امتدت سنتين لين اكتشفتها كانت طبعا من اقرب صديقاتي في الثنوي ولليوم هذا مانسى الي سوته ابد ومدري ليه سوت كذه اساسا وهي ماشايفه مني اله كل خير ...السالفه ان انا كنت يمكن الوحيده الي من بنات الشله اسولف واظحك بس لمن اتظايق خلاص اسكت ولا انطق بشي ويمكن يمكن الحركه الي صارت من اقرب الناس لي هي تفكيرها ان انا دايم كذه حزينه ولاودي افتح قلبي لحد ومالقيت الي يستاهل قالت لي يا..... انا عندي اخوي دكتور ووووووو... وحاب يجي يخطبك ......؟؟؟؟؟ انا سسسسسسسسسسسكت ولا قلت شي اليوم الي وراه تطورت الامور قامت تجيب صور له وتسوي ان الموضوع جد وبيتقدم يعني ... وتخبرني انه راح كلم امه المهم يعني تبي تغير نفسيتي ينقال... لدرجه ان احيان تالف حكي وتقول هو قال كذه عنك ... يعني حكي فاظظظظظي من خيالها كملت سنه وانا على نفس هل موال واخر ايام الثنوي ايام كنا نحظر لتخرج جاتني وحده من خوياتي بس ماكانت قربيبه مني بس قريبه وتمون حيل على البنت الي سوت الحركه بي وقالت لي ... تعالي ابيك ... انا يعني شكيت بل الاول بس ماكنت اظن في انسان ولا انسانه يقدر يسوي زي كذه ؟؟؟؟؟؟؟؟؟؟؟ قالت لي يا...... تره مافيه احد اسمه كذه وهي ماعندها اخوان والصور مب صورله انا جاتني صدمه مو طبيعيه لدرجه ان ماقدرت اسوي شي قعدت اظحححححححك بقوه في ممر الحمام وليومك ذا وهي مستمره في الكذبه يعني مرت 3سنين وهي مصممه ان تعيش وتعيشني بكذبتها عاد تزوجت هي قبل شهر تقريبا وعزمت بنات الفصل كللللهم اله انا وانا كنت اعز خوياتها ليش ان خايفه اكتشف حقيقتها الموضوع صراحه مره مؤثر ....وهاذا موقف صراحه انا مانسيته انا بكمل اولى جامعه وللحين في بالي مقدر انساه 3سنين مرت ولانسيت ولاقدرت اسامح .. اعذروني طولت عليكم بس صراحه ابي الكل يعرف ان مايفتح قلبي بسرعه..... ويصدق ... |
| الساعة الآن 10:57 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0