قصيدة متواضعة كتبتها منذ فترة.. وأخترت أن أضعها بين أيديكم بمجرد توقيع ياسر للعقد النهائي
ولكن بسبب ضروف شخصية تأخرت خمسة أيام بين أوراقي
وأتمنى أن أكون وفقت فيها .. ووفقت في طرحها في وقت مناسب
وأحب أن أنوه أنها منشورة بالتزامن بين منتدى النمر ومنتدى ياسر.. وأتمنى نشرها بين المنتديات الهلالية مع التنويه بإسمي وإسم المنتدى
يابلوي وفر فلوسك ترا مالك مجال
قال ياسر مايبيكم.. وأنا ماقلت ليه
الأكيد إنه ماهو كل واحد بالريال
تقدر توديه.. وتجيبه.. وتبعد ثم تجيه
الرجال اللي تجيب المال.. وإلا المال مال
مايدوم لحد .. وأفطن لعمرك يانبيه
(لكن إنت تسوق عمرك على حد الهبال
تحسب إنه من بغى شي يقدر يشتريه)
لابغيت إنك تحدى.. لاتعرض للهلال
الهلال اللي تعلى ولا يعلى عليه
الهلال اللي ولادرب خلا لك مجال
إنك تحاول تجاري الموج ماغرقك فيه
كل ماتمشي يمين.. يحاصرك هو من شمال
وإن رماك الحظ عنده.. وش يفكك من يديه؟
هو هلال المجد والعز ما داموا الرجال
عاشقينه فهو راسي وماله من شبيه
الهلال اللي مكمل.. ولله الكمال
لأجل هذا قال ياسر .. الإتي ما أبيه
البيت الذي بين الأقواس للشاعر الكبير.. ضيدان بن قضعان العجمي مع تحوير بسيط مني
بقي أن أوضح أنني لم أتمكن من إيجاد كود تنسيق القصيدة.. لذلك وضعتها بهذا الشكل
وأتمنى أن تحوز القصيدة على إعجابكم ولكم الشكر
خالديني
05-12-2005, 11:07 AM
ياسر والبلوي .. قصيدة بمناسبة التوقيع من خالديني
العرض الشجري
