***
السلام عليكم ورحمة الله
يسعدني ان اقدم لكم قصيدة [ الهنوف ]
للأخ الغالي سعيد بن مانع الرفيدي ( قحطاني الواديين ) 
بمقطع صوتي له
لسماع القصيده صوتياً اضغـط هـنــا
****
القصيده كتابياً
الهنوف الساكنه بين الضلـوع المنحنيه
والله ان تبطي وتبطي ماتناحت عن سكنها
اهنفت قلبي بلا ميعاد .. بالعين البريـه
وارحلت عني بلا ميعاد .. ويل القلب منها
خابرنها من لدود العين خفره مستحيه
وخابرنها مهرةٍ ياصعب تجويدة رسنها
وخابرنها من حلاها ما اتركت لأحدٍ بقيه
كنها بعرش الحـلا متربعه تامر وتنها
وخابرنها لا تـثـنّت ارسم بلوحه بهيـه:
(ثمرتينٍ ناضجه من نضجها ميّل غصنها)
وخابرنها تحبني .. وتشتاق لي .. وتحن ليه
وخـابرنها خابرنهـا والله اني خـابرنهـا
ليه خلتني معرّض للريـاح الموسميـه
وليه خلتني .. بلا علم بمرابعها ووطنها
قبل انا لا من حزنت القى من يهـون عليه
وعقبها ... احزاني يتيمه مالقت من يحتظنها
واوجودي وجد من نص العزا عيد الضحيه
آتوجـد وأتكتـم .. لكن العين اتعلنهـا
أشهد بأن الوفى في شخص ما عاملك زيه
مثل من خلى فرايضها ويهـتم بسننهـا
اسنتينٍ منّها والشـوق ناره مصطليـه
وغلطةٍ منها وأنا اللي للأسف دافع ثمنها
انتظر مرسالها والانتظـار أكبر بليـه
ولا لفى مرسالها من يوم ماقفى ضعنها
بس تبقى ساكنه بين الضلـوع المنحنيـه
لو نحت عن ناظريه .. ماتناحت عن سكنها
عادتي لامن حملت لشخص حب ومقدريه؟
لوتناسى مانسيته .. عادةٍ ماأجوز عنها
دمتم بـود 
***
14-07-2008, 01:41 PM
العرض الشجري
