|
رد: || .. قليـلٌ من الشجب يكفي ! .. ||
جيفينشي فيه حلول ممتازة في رد روبن وهذا اللي يناقش في مثل هالمؤتمرات ، لكن فخار يكسر بعضه و ماعندهم سالفه و نايمين ما اعتقد اننا نقدر نحكم مثل هالحكم بسبب جهلنا بالسياسة ، برضو فيه ظروف تحكم المجتمعات انها في بعض الاحيان ما تتدخل
المملوح الهلالي .. وانا قايل مافي أمل نحارب اليهود ؟ عارف ان للمسلمين حرب مع اليهود ، لكن أتكلم عن اللي يطالبون بحرب الآن ، فعلاً الآن انت منت قدها ، حتى لو كنت أقوى منهم ، شعبك اللي عايش بأمن واستقرار تتوقع انه فاضي لحرب مع اسرائيل عشان الأخ هنيّة وحماس ؟ يهبون والله ، عشان تكون المملكة أقوى لازم تعرف الخطأ وينه فيه وتبتره ، يعني زي ماقال روبن الدول العربية لازم تعرف كيف تستبعد منظمة حماس من السلطة وتوقف ايران عند حدها لأنهم مصخوها صراحة ، بعدين حرب المسلمين على اليهود هذي من علامات الساعة الكبرى ، وترى ممكن تكون فيه حروب بين المسلمين واليهود مو معناتها قيام الساعة !! وحط في بالك اخوي ان الله سبحانه وتعالى بعد يبي من العبد أسباب ، موب تروح تنطل عمرك في النار وتقول جهاد !! الواحد ما يلقي بنفسه الى التهلكة ، وانت تدري انها لو حاربنا اليهود أكلنا تبن ، عاد اسرائيل تبيها من الله انك تتحرش عشان تجي للمدينة وتاخذها غصب من ورى خشومنا .. ودك ؟؟ ياجماعة هذا تاريخ مربوط في بعضه ، صعب حنا نغيير معتقدات دينية بهدنة أو حرب ، هذا دينهم وهذا معتقدهم من فلسطين وحتى خيبر ! شكراً لكم. شكراً |
رد: || .. قليـلٌ من الشجب يكفي ! .. ||
.
جفنشي الله يجزاك خير أن شاء الله P9 بس بقول شي أنتو مستوعبين وش تبون عارفين وش طالبون فيه !! حرب يعني خسارة أرواح وتشرد عوائل واشيااااء كثيره حنا ماحسبنا حسابها لأن العاطفه أثرت علينا ليه حنا كل مره نطير في العجه كذا من زود حماسنا وتأثرنا بالمشاهد ونقعد نسب ونشتم في انفسنا ليش ما نفكر شوي في عواقب الأمور يعني بالله حنا بس اللى فاهمين فيه ترا ناس افهم منا وعندهم بعد نظر الحرب ميب خذني جيتك !! بعدين ودي اقول شي يمكن البعض يعصب ويزعل بس هذا الصدق توقعون ان العرب ممكن تعترف برد الجميل لو فعلا صارت حرب ماودي أوضح أكثر من كذا بس اللبيب بالأشارة يفهم بنخسر اروحنا واهلنا وفي النهايه ولا كنك سويت ياسعودي ولا ولا شي غزه لها الله القادر على ان يحي العظام وهي رميم وحنا الله يديم علينا نعمة الأمن والأمان P9 حنا محرومين من الصلاة في القدس الله يردها ويبلغنا الصلاة فيها يارب مانبي نحرم من الصلاة بأمان في مكه والمدينه بعد P9 جفنشي شكرا مرة ثانيه (F) . |
رد: || .. قليـلٌ من الشجب يكفي ! .. ||
( ! ) نحن و الحصار إخـوة لا نفترق ؛ فـ أرواحنا تختنق و نحن مع الحصار لا نفترق , و قلوبنا تحترق و نحن مـع الحصار لا نفترق , و آمالنا تنشنق و نحن مع الحصار لا نفترق ! نحن عربٌ بلا عروبـة ؛ و رجال بلا رجولة !! لأننا أصبحنا أقـوال بعدمـا كنا أفعالاً .. , ( فـلـسـطـيـن ) : تحرق - تهلك - تُـدمر - تُـطحن - تُـشنق , و نحن أمـام التلفاز نـُعلِّق : - حــرام - قـهـر - لـيـه ؟ - ما يصير - ما يجوز - مساكين - يحزنون - ... إلخ ,, !! إلى متى و نحن العرب نظل صامتين أمـام هيمنة أمـريكا و تسلط بريطانيا و تـدمير إسرائيل ؟ , و إلى متى سنظل عبيداً لأصـحاب الجحور .. ؟ ! متى ستكون لنا كلمة بين دول العـالم ؟ و متى نعارض إذا أردنـا ؟ و متى نوافق إذا أردنـا ؟ إلى متى سنظل مجبرون على الذل و الهوان ؟ فـ لابـد من صحوة ,, و هذه الصحوة لن نسير فيها نحن البراغيث الصغيرة إلا إذا بـدأ فيها ( كبارنـا الأكـابر ) , فـ شعبنا العربي لا يملك إلا الدعاء فقط بـ رفع الضر عن شـعب شقيق يعاني الأمـرين من قبل تعذيب الصهاينة !! نـعـمـ ,, نحن نريد صحوة من أعلى منصب في كل دولـة عربية يكون نتاجها تدخـل العرب و إحـلال الجماعات المتحزبة في فلسطين و وضـع خـارطة سياسية لهذا الكيان الذي يعز علينا و على كل الأمـتين سـواءً كانت عربية أم إسـلامية !! فـ إلى متى سنظل متفرجين فقط على إخـوة يتقاتلون ؟ و إلى متى سيأكـل الأخ أخـاه و يفرح بـذلك العدو ؟ إذا كان هؤلاء الإخـوة المتحزبين راضين بهذه المعيشة التي يعيشونها فلهم ما يريدون و سنتركهم في مصائبهم يخوضون و يلعبون ,, و لكننا لن نرضـى بـأن نرى عـامة الشعب في حال متدهـور , بـلا سكن بـلا مأوى .. !!! مـتى سنستفيق ( ؟ ) جيفنشي .. (F) كل الود مع الشكر ! |
| الساعة الآن 07:29 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0