النصراوي يوسف طلع أحسن منه , ,

صحيح لازم نتقد بس مب كل مباراه للهلال

اتوقع حتى لو جاب الهلال الكآس بيقول فيصل الهلال فيه نقص ولو انه قابل فرق خآرجيه مابيقدر ههههههههههاي

,:,

ماتابعت له استديو تحليلي
بس ان كان مثل ماتقول
فهذه وجهة نظر
واهم شيء النتيجة

,:,

مو مهم وش يقولون الناس عن الهلال

فيصل او غيره (خل العذال يموتون )

المهم الهلال مين يكون


تحياتي لك

وليه تعصبون منه
هذي وجهة نظره والمفروض الكل يحترمها

طيب وش المشكلـه ؟؟؟
فيصل ابواثنين لاعب كبير جداً وهلالي معروف ماله داعي الردود والكلام اللي يقول
عذال ومالك في الهلال .. :/
فيصل قد يكون خدم الهلال أو هو بالاحرى خدم الهلال أكثر منا نحن المتكلمون هنا ,,

يعني تعتقد يقول وجه نظره كرهاً للهلال ؟؟
هو لولا حبه للهلال لما أنتقد طالب وطالب وحتى بعد فوز أمس والسباعيه من قالك
أن الهلال مافيه أخطاء ؟؟!!
الفريق مليء بالاخطاء والاخطاء ونجران أمس فعلاً ساهم في هزيمته ماننكر أن
الهلال فاز بنتيجه كبيره وفاز بقوه وتكتيك وأنضباط لكن نجران لو قدم ربع مستواه
في الدور الاول ماكان حصل اللي حصل .. :/

الفوز المفروض يكون دافع لنا لاجل نصحح الاخطاء مهب ننتقد من يطالب بتصحيح
الاخطاء ..!!
فيصل معروف بهلاليته وعشقه لكل ماهو أزرق واذا على ولي وش اللي يزعل ..!!
ماهو أنتم تحاربون أبناء النادي الشلهوب والتمياط ونامي وغيرهم وش معنى تزعلون
لو محلل وناقد مثل فيصل أنتقد ويلي ؟؟!!
لو الهلال مهزوم بتجي تقول فيصل كرهت القناه لانك تحلل فيها وأنتقدت مستوى
الهلال ؟؟!!
معليش ياشباب معليش ياجمهور الهلال خلونا عقلانيين شوي ,,
لعيبه الهلال كلهم بحاجه للدعم بحاجه للمسانده بحاجه للوقفه منكم ,,
كلهم ماقدموا وحتى ويلي أنا أقف بصف فيصل ابوثنين ويلي الى الان ماقدم شيء
على المبلغ المدفوع له وبرضو أقول لازم نصبر عليه .. :/

الدوري فيه تقريباً 22 مباراه بعد 22 مباراه أنت تقيم اللاعب هل هو قدم وأعطى
أو لا ..؟!!
مب خلال 3 او 4 مبارايات تنتقد وتطالب وتقول فزنا أولا ..؟؟!!
بعدين صادق فيصل لازم تحط بعين الاعتبار ان الفرق اللي راح تقابلك أكثر صعوبه
وأن الاتحاد ينافسك على الدوري يعني لازم تصحح أخطائك بكير وتضبط أمورك علشان
ماتتعب بعدين ,,


أتمنى تكون الفكره وصلت ..
الموضوع مطروح لأنها وجه نظرك لكن ياليت وأرجع أقول ياليت ماتصل لحد
الأساءه لنجم كبير مثل فيصل لان إي أساءاه لإي نجم هلالي بظطر أحذف الرد
خلونا علاقيين تظل ماطرحته وجه نظر خاصه فيك أنت ..

فيصل ابو اثنين ..:/

شفت له اكثر من استديو تحليلي , تعرض فيه لكثير من الاحراجات ..
اذكر في استديو تحليلي له كان يسب ناصر الجوهر بعد نهاية مباراه المنتخب مع
كوريا , فاتصل احد المشاهدين فـ قاله تعال مكان ناصر الجوهر ودرب المنتخب
فسكت وماقدر يرد . وقال ناصر اكفى مني بالتدريب .
طيب من الاساس ليش هالانتقاد الداايخ من الاساس ...!!

اوكييه انا ما انكر انه موب لاعب هلالي على رااسي من فوووق
بس يكون انتقاده بعد كل مباراه ضد الهلال , ونقعد نقول انه يدور مصلحه الهلال
هذي مالها اي معنى ابد !!!!

بالعكس هذا دليل على خلل فيه ,, يعني امس سباعيه وانتظام وتكتيك وكل لاعب قدم اللي عليه
واخرتها يقول نجران فريق ضعيف ومدري وشهو , طيب انا وش دخلني اذا نجران ضعيف ..؟
انا مايهمني انضباط فريقي واللي ادى الى الفوز بسباعيه اقل مايقال عنها مجنونه ..

لابد على فيصل ابو اثنين مراجعة حساباته في كلامه الموجه لنادي الهلال ..
ويضع في عين الاعتبار انه لايجابه 11 لاعب لكنه يجابه شعب باكلمه .. باستطاعتهم ان يخفووه
مثل ما اخفوو غيره من النجوم البارزين في النااادي بقوة انتقادتهم امثال الشلهوب والتمياط ونفسه هو ابو اثنين وغيرهم كثير ... الخ
فالهلال أكبر من ان ينتقد من اين ما كااان

والله على ماقول شهيد ..

فيصل أبو أثنين لاعب رائع ومميز

مشكلتهـ أنهـ صريح زيادهـ عن اللزووم

فيصل أبو اثنين قبل أن يكون محلل فاهم فهو مشجع هلالي غيور ولايرغب في مشاهدة هلال ناقص
فيصل من قبل المباراة تحدث عن أن غالبية أهداف الهلال تأتي من الجهة اليمنى وجاءت السباعية لتثبت صحة كلامه وبعد نظره فخمسة أهداف من السبعة كانت بدايتها من الطرف الأيمن قبل دخولها للعمق النجراني في ثلث الملعب الأخير وحتى الهدفين المسجلين من اليسار كانا عبارة عن مجهود فردي لفهد المبارك سواء هدف ياسر المرتد من العارضة أو هدف المبارك بعد فاول ياسر (لاحظوا أن هذين الهدفين كانا بعد تغييري كوزمين بالزج بالخثران والمبارك) وهذا يعني أن كلام أبو اثنين عشرة على عشرة
وللأمانة لاأتذكر للهلال كرة متكاملة من الطرف الأيسر قبل التغييرات الا كرة الزوري التي أحتسبها الحكم ضربة جزاء ثم تراجع عن قراره واحتسبها تسلل (أعتقد أن قرار الحكم كان غير صحيح)

فيصل يبحث عن هلال متكامل.. وهو كمشجع هلالي وكمحلل ليس مطالب بالتمجيد للفريق بل بالبحث عن الأفضل للهلال
فيصل ليس مشجع مبتديء يقف عن الفوز.. بل يبحث عن حلول لتحقيق ماهو أكبر من الفوز
وهو شخص صريح لايعرف المجاملة ومن يتذكر قصة اعتزاله سيتأكد من هذا الشي, وأتذكر أن الكابتن بشار عبدالله تحدث عن فيصل كمحلل وقال ( لايجامل ويقول الحقيقة بصراحة)وتحدث أيضا عن هجوم الصحافة الكويتية عليه بسبب انتقاده لأسلوب التعاقدات مع اللاعبين الأجانب عن طريق السماسرة برغم أن الجميع يرى أن كلامه صحيح

هذي و جهة نظره و لازم نحترمها ..

اول شي هو محلل مباراة ما جا يمدح

ويقول هذا هدف احلى من هذا الهدف

هو يبين الاخطاء الذي وقع فيها

الفريق ومافي فريق لايقع في اخطاء

ويبينها للمشاهدين و مع احترامي لكل

من يقول انة يتحامل على الهلال اقول له

لا تفقه في الكرة شيء

ومدام احنى زعماء لابد تدارك الاخطاء

حتى ولو كانت صغيرة ...............

وجهة نظر لا غير