لــعـــيون خــداااااامـتـنـاااااا........ - شبكة القناص

هـــاجر · 19-12-2008, 09:26 AM

سوزي ":

نسوري قومي يلا..
روهي دوام

نصوري يتشقلب يمين ويسار ع السرير طبعاً
في اشارات واضحه للخادمه انه لسه ما شبع نوم
يعني ضفي وجهك .

سوزي في محاوله اخيره يائسه تسحب اللحاف
و سيقان نصوري طالعه و سرواله الشرعي متعلقن فوق ركبته ههههههههههه

نصوري: الله يلعنك هاتي اللحاف
و يسحبه بقوه

سوزي تضحك: قومي قومي ..بأدين ماما عسب عليكي ..

نصوري بعصبيه : طيب خليها تعصب و انتي اطلعي قبل اعصب عليكي

سوزي : أوك سير خلاص انا ما فيه مسكله
انته مسكله كبير

و تطلع تصك الباب و يتمتم ناصر في خاطره
وش ذي الفلبينه القشره ؟؟؟

فوق انها قشره كمان كبيره و عمرها خمس و اربعين
الله يحوم تسبدها على حب الشباب اللي منثور بوجهها و مدري ليش يطلع لها للحين على انها كبرت خلاص

ياخي متى أمي تكفل لنا خدامه حلوه مثل الناس
فلبينيه تفتح النفس
مثل فلبينة عبود صاحبي

أف عليها

تدخل الأم بعصبيه بينما نصوري غارق ف أحلامه الفلبينيه ..!

و ينهض نصوري واقفاً قبل ان تنطق بكلمه و يسرع للحمام و يقفل الباب

و تنظر الأم بصمت لدقائق معدوده ثم تخرج ..

بينما يأخذ ناصر دشاَ سريعاً ..و اجباريا لا محاله ..
يخرج ..بعد دقايق عده

لازل يتثاوب طبعاً ..
و افلقوني اذا نظف اسنانه ..

لبس ملابس بسرعه و نزل يبي يلحق الدوام ..

و يتكرر الموقف نفسه غداً ًً..

يا ترى

كم نصوري زي هذا بالخلييج ؟
و كم فلبينيه زي سوزي ؟

بعض العوائل تسمح للخدامات بدخول غرف الأولاد يصحوهم من النوم و البعض يكتفي بالسماح لها
بتنظيف غرفهم اثناء عدم تواجد الأولاد ..

لكن تتوقعون لو كانت سوزي صغيره و حلوه ..و تصحي نصوري بذات الطريقه اياها فوق و سحبة اللحاف ..
و نسوري و نسوري ههههههه

يا ترى نسوري وش بسوي ..؟؟

كيف كان ممكن تكون ردة فعله هه الأطخم..

طبعا هه النسوري انا شخصيا احب شخصيته و كاتبه فيه قصص كثيره
ما بعد شفتو شي من هاجر ..
<<تكتب قصص
انتظروها <<

بس الموضوع هذا اهداء لخدامات الخليج المظلومات اعلامياً ..

والله الحق بقوله و انتو قولوه كمان
يمكن الغالب و الأغلبيه يتكلمون عن جرائم الخدم ..
و مشاكل الخدم ..
لكن تتوقعون ..اذا الخادمه هذه احسنتو معاملتها راح تقترف ذنب أو جريمه أو مشكله !!

بغض النظر عن بعض الخادمات خصوصاً الاثيوبيات اللي يجون خلقه و هم ساحرات و يتعاملون بالسحر دغري قبل سلامو عليكم..

لكن القصد يجب ان لا نعمم

بعض الخادمات زي العسل ..

فلبينية اختي قطعت شريان ايدها لما ولد اختي الصغير مات رحمة الله عليه ..

كانت تبي تنتحر
لحقوها بآخر لحظه
طبعا مسيحيه كانت

القصد ..انها ملكت قلباً رحوما محباً ..

مستعد للموت من أجل من احببتهم هنا في غربة عملها ..

ايضاً..
خادمه لنا عندما كنت صغيره ..حفظتني جزء عم..

الله يجزاها الخير
حافظته بسببها أنا ..

الخادمه مظلومه اعلاميا تماماً ..كزوجة الأب

التي يصورها الاعلام بالبعبع و المجرمه
و الشريره التي خطفت الأب منا..؟

طيب ليش؟؟

فيه زوجات أب تبرعو بكليتهم لأبناء ازواجهم ..!
لا يذكرهم الاعلام ..

فيه زوجات أب ..سهر و ربو و أحبو من قلوبهم أبناء أزواجهم ..
لا يذكرهم الاعلام ..

لماذا هناك فئه تغيّـب تماماً ..
من الاعلام ..فقط لأن الشريحه الأكبر منها طالحه ..!!

الخادمه و زوجة الأب

يا لكم من مساكين

خلوني أفرد الصفحه هذه للخدامات اليوم

و لي رجعه مع زوجة الأب ان ربي كتب

تقول احدى الخادمات شعرت اني عبده للأسره الخليجيه التي عملت معها
كنت اشعر انني اخدمهم كعبده لهم

يجبروني على الوقوف بجانب المائده عندما يتناولون طعامهم (هذه حركه سخيفه موجوده عند عوايل كثيره للآن
و يسوون فيها متطورين )

بعذر التقديم و تلبية الطلبات ..
طيب كل شي ع الطاوله ..

يعني ضروري هيه تصب و تقرب لك الصحن و المويه و العصير ..
ياخي مد ايدك ..

جعلها الكسر

< متحمسه

ناس تقهر يعني والله خدامه زي هذه تعور قلبي ..ليه كذا يخلونها واقفه لين يزطون أكلهم
جعلهم المغص

تقول المسكينه ..حتى ولدهم الذي يبلغ الثانيه عشر أنا أربط رباط حذائه ..تقول طول الوقت أنا أربط و هو يركلني
و يسمعني السب و الشتم و يقول لي ..سأقتلك و أدفنك في بيتنا ..

الحين ذا عمره 12 بالله مو بعير ..يعني ليش يخلونها تربط له الجوتي.؟

و كمان متعلم العنف و القسوه من اهله و صاير يسب المخلوقه و يقول لها بقتلك و بدفنك

يا حلاوتك بس

الزبده
المسكينه هذه هربت و مسكوها الشرطه و أدلت باعترافاتها يلي فوق

و بعدها تم ترحيلها و اعتقد انها ما ناويه ترجع للخليج
ان شاء الله تموت جوع برا

ياخي والله ارحموهم

ام بي سي تحط دعايه حلوه فكرتها انه ربة البيت تهاوش الخدامه و تجيها الساعه 12 بالليل و الخدامه مسكينه
تمسح ف ارضية المطبخ

تهاوشها تقول لها ما تنامين إلا البيت يلق ..و يلمع ..و بالأخير يطلعون عبارة .
.من لا يرحم ..لا يرحم < بضم الياء)

يعني ويا وجهها الحين البيت حقها ذا بطير .عبالها قصر الوليد ع غفله ..

اتحداها هيه تسهر تلمع ف البيت للساعه 12 لو كان ما عندها خدامه

خلي الفقيره تنام ..يا جعلك ال.... .. !!

و الصباح رباح على ما قالو و يقولون ..منتي بطايره و لا الخدامه و لا البيت كمان .!

البعض يجيب خدامه على أساس تنظف البيت ..

و لما توصل ..مسكينه تحس انها اخطبوط ..
تصير تنظف البيت
و تصير تطبخ
و تصير حاضنه للاطفال
و تروح مع الدريول تجيب اغراض البيت

و ترد ع التلفونات
و تسوي مساجات لبنات العايله الكريمه ..

تفرد شعر هذه و تحني هذه ..و تقلم اظافر هذه
و تهمز هذيك ..
و سوزي تعالي سشوري شعري
و سوزي تعالي حطي لي كريم الرجول لرجولي
و سوزي

<ماسكه ع سوزي

سوزي مثال للخادمه المظلومه

يحليلها ..تحس انها اخطبوط مو سوزي أم خمس و اربعين سنه ..و حب شباب لاعبن بخريطة وجهها
..

بس سؤال يعني سوزي هذه وين بتصك براسها
لو منها بخليهم يصايحون باسمي و بدخل و اقفل داري قفلين و انام

عنبو داركم

مرات تحس العيله فيها شلل رباعي

الأم جالسه و تتأمر و البنات مثل ..و الأب يدخل بس يأشر بايده لها ..يعني روحي هاتي الأكياس من السياره
طيب تروح و تلقى كيسين صغار .؟؟ طيب ورى ما نزلتهم انت يعني..؟؟

يجي الولد الكبير ..

من الحوش ينادي ..سوووووووووزي غسلي السياره ..

سووووووووووووووزي

و ينادي و ينادي المسكينه تكون نايمه و تقوم تغسل سيارته الساعه 3 الظهر ..بعد الغدى الناس نايمه مرتاحه

و هو بدخل ينام برضو ..بس هيه حرام تنام ..لازم تغسل سيارته عشان بعد العصر يبي يروح يفحط فيها ..

وراك غسلتها يا مال الغبار..

تراك بتفحط فيها و بتصير كنها تل رمل من الغبره ..

ياخي والله مواقف مؤسفه

يمكن انا اخترت عمداً اني احكيها باسلوب ساخر و عامي و بسيط
عشان أكسر حدة القسوه و الحزن اللي في داخل السطور و المواقف هذه

لو كتبتها بقلم صريح و جاد ..
لسالت هنا دماء حمراء ..
و ستسيل دموع القلوب الرحيمه ايضاً ..

لكن ..من باب التلطيف فقط ..

و انما القسوه و اللا انسانيه هنا ..فوق مستوى الوصف

خادمتي العزيزه ..

اهديك ورده
والله من قلبي

خدامتنا احنا مسافره الحين ارسلت لي مسج بالعيد ..والله يا اني دمعت

تقولي عيدك مبارك و كيفك و اشتقت لك و راجعه قريب ..تقول أكيد تورطتي بالأضحيه
لحالك

<<ودو اضحيتهم الجمعيه الخيريه ذبوحها هناك و ودوها للفقارى احسن صح
بس لو ف البيت جد بنتورط لنها مسافره

يا جماعه
الحين الخادمه مو بشر..؟؟

يعني نفرات
يعني أوادم..

ياهوووووو

حسو وووووووو

حطو نفسكم مكانها

جرب تتخيل انك خدامه

تخيل معي الحين يالله

قولي وش بكون فعلك لو اقولك تعال سكر الباب و اساسا انا واقفه حوله ؟؟

المفروض اسكره انا

ورى اجيبك انت من على بعد أمتار تسكره

بس لنك خدامه..؟؟

و انا سيدك و تاج راسك..؟؟

ياخي ادري انهم هذا شغلهم و جايين يشتغلون عندنا ..
بس عاد والله ما بقى غير يسبحونا و يغسلونا ..

القصد نرحمهم و نخفف من أعباء الشغل عنهم و يلي نقدر نسويه بدون مساعدتهم
خلونا نسويه بدونهم ..ليش لأ ..

و لا ينط لي واحد يقولي خل تحلل راتبها ..

الله و ال600 مدري ال700 يلي تاخذها عاد ..!!

الحين

انت تشتغل ع مكتب ما تسوي شي بس تنام و يجيك 5000 آلاف آخر الشهر ..

و هيه تكرف كرف الكلاب و نعطيها 600 ..بالله هذه لو نعطيها 10.000 آلاف ..والله حلال فيها و شويه كمان ..

بالنهايه نصيحه لوجه الله
يعني اذا ما تخاف من ربك ..خاف ع عيالك و نفسك ..لنه اذا اسأت معاملتها أكيد بتسيء لكم بطريقتها الخاصه عاد !

و كل اناء بما فيه ينضح ..

اعرف خادمه كانت سبب في زواج البنت الأكبر العانس ف البيت ..عمرها ثلاثين
كانت كل ما تروح بيت توزع أكل أو تودي غرض الأم ارسلتها فيه
تقول لهم هذه فلانه بنت فلانه مسويته و تمدح البنت و تتغزل فيها

لنه البنت ذي كانت مدلعه الخادمه هذه و لطيفه معاها و تاخذ لها ملابس جديده ..و تعطيها مصروف غير يلي تاخذه الخادمه من
أبو البنت هذه

و رحومه معاها يعني

يعني والله الإحسان ما يأتي إلا بالإحسان ..

في عايله كويتيه سوت حفل عرس فخم للخادمه يلي عملت معاهم عشر سنوات ؟؟

و اعطوها شقه و طلعت من بيت

معزبها لبيت زوجها مكرمه معززه ..كنها بنتهم مو خادمتهم ..

لنه والله العيش و الملح يسوي هوايل..يا جماعه

خدمتهم عشر سنوات ..

مهب بسيطه

و ما هو كثير عليها حفلة العرس يلي سووها لها ..صح..؟

نتمنى وجود عوائل أرحم في خليجنا المعطاء..
و الخادمه الغريبه هذه عندما تأتي لبيتك ..
فهي أمانه عندك ..
أولاً..

يعني أكرمها و أعطها أجرها (أعطي الأجير أجره قبل أن يجف عرقه)....ولا تستعبدها ..
العبوديه لله ..
فقط لله

شوية اسئله لطيفه للدردشه:

1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟

هيه السبب و إلا انتو..؟

2- وش افضل جنسيه للخدامات تتوقع..؟

3- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟

بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟

4- لو توك كافل خدامه و قالت الحرمه ما أبيها ..هذه بطيئه و كسوله ؟

يعني تتوقع سبب وجيه يخليك ترجعها و تصرف فلوس اقين على غيرها ؟

5- على راحتكم قولو اي شي سولفو عن خدااماتكم ..؟

دمتم برحمه..

تحياتي هاجر

اهداااء سبشل للحريم

**بيلســــــــان** · 19-12-2008, 09:58 AM

اقتباس:

المشاركة الأصلية كتبت بواسطة مسلم التمياط

هاجر قسم بالله أحسن أسم بالدنيا أسمك

حسيتها مشتكيه من اسمها

اهلين هاجر

موضوع بالصميم والله

مثبت

**هل تعلم** · 19-12-2008, 11:33 AM

أقتباس1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟

امم ايه ع افضل وجه ..

أقتباس
2- وش افضل جنسيه للخدامات تتوقع..؟

مافيه والله ..

..

وبعدين هي جاية تنكرف ولا ترتاح ..

اما سكري الباب .. ارفعي السماعة ..

اذكر جت عندنا خدامة ..
في الصيفية ..
من يوم ماجت وهي متى بتبدا الدراسة متى بتبدا ..

المهم من اول يوم من الدراسة انحاشت ..

..

وجتنا وحدة ثانية .. من اول يوم وهي بجلس عندكم 5 سنين ..

انا حبيتكم ومدري وشو

المهم طلعنا من البيت وانحاشت ..

..
وبس ..

**تــوّاق** · 19-12-2008, 12:13 PM

..

موضوعك بطل بالحيل
وين ياتي بس عن مثل هالمواضيع

على طاري ياتي ,
ماتلاحظون معي إن نص الشغالات الإندنوسيات إسمهن ياتي

أقتباس2- وش افضل جنسيه للخدامات تتوقع..؟

والله انا عن نفسي أحب الهنديات

أول يوم أنا بزر كانت بيني وبين شغالة عمي الهندية علاقة حب

أنا كنت احسبه حب من طرف واحد , لكن اكتشفت مع الأيام إنها تبادلني نفس الشعور

لأنها جات تشتغل عندنا كم شهر , وحبينا بعض بهالفترة

بس وشسمه بعد مارجعت لبيت عمي , ماطولت عندهم

انتحرت بعد شهر على ما أظن , كانت رابطه حبل برقبتها والظاهر رابطة بالمروحة او شي زي كذا ,

لا من جد أذكر يوم كنت صغير , عمي جاب شغالته عندنا لأنها كانت تصيح تبي ترجع لأهلها
وقعدت لها كم شهر عندنا وعجبها الجو وكذا , والشهادة لله إنها كانت عسل

يوم رجعت لبيت عمي مادري ماطولت عندهم , إنتحرت الله يرحمها

هقوتكم ماقدرت تتحمل فراقي

<< كل تبن بالله

أقتباس3- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟

بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟

مانيب حاط ببالي إنها عجازة ومهمله

بس تبطي أجيب لها خدامه , أول كم سنه

أقتباس4- لو توك كافل خدامه و قالت الحرمه ما أبيها ..هذه بطيئه و كسوله ؟

يعني تتوقع سبب وجيه يخليك ترجعها و تصرف فلوس اقين على غيرها ؟

على حسب الخشه

بس وشسمه والله موضوعك على الجرح

الله يكون بعون الشغالات

أبدعتي هاجر

..

نقاء · 19-12-2008, 12:27 PM

..
هلا وغلا هاجر
منوّرهـ القسمـ

الخدامات وماأدراك مالخدامات

أنا أستغرب من معاملة بعض الناس لهم
ليش هم مو بشر مثلنا يحسون

حنا ولله الحمد خدامتنا نعاملها كأنها وحده مننا
الطلبات مو كلها عليها يعني الشيء اللي لك انت تسويه مو هي

مثلا أننا نقول روحي جيبي لي مويه
ولا تعالي أعطيني الريموت وهي المسكينه تشتغل
هذي كثييير تصير عندنا وأولهم عيال عمي
كل شيء موكلينه عليها أعتمدوا عليها بكل شيء

بالعكس أمي إذا جا العيد راحت فيها للسوق تشتري اللي تبي
واذا صار فيه مناسبه بعد تروح للسوق مع أمي
وأحيانا اذا راحت أمي للسوق وشافت شيء حلو لها لازم تشتريه
والحمدلله موفرين لها كل شيء
غرفتها النوم نغيرها لها إذا أحتاجت تغيير
وكل سنتين تسافر لأهلها تجلس كل العطله الصيفيه عندهم
وحنا نستأجر وحدهـ ثانيه

وأنا أعتبرها أختي الكبيره
طبعا هي لها 5 سنوات عندنا
الله يخليها لنآ

أقتباسماتلاحظون معي إن نص الشغالات الإندنوسيات إسمهن ياتي

تواق الا والله شغالة عمي وخالتي أسمهم ياتي

اي أذكر مرهـ خالتي سافرت شغالتهم
وقالت لها امي شوفي هذا رقم وحدهـ تأجر شغالات
أتصلت خالتي عليها قالت لها الحرمه عندي وحده صغيره عمرها 20 سنه بس فيها عيب كل الناس مايبونها أنها تشبه لميس
خالتي على طول قالت لاخلاص مشكورهـ عندي ولد كبير مااقدر
انا رحمت المسكينه يعني وش ذنبها حلوهـ محد يبيها

شطحه / سمعتوا خبر الخدامات الباكستانيات وأنهم خلاص فتحوا لهم المجال يشتغلون عندنا
عاد والله من زين هالوجيه صاروخ وأنا أعترف
بس الله يعين العوائل اللي عندهم عيال

نجي للأسئله :

أقتباس1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟

أقتباس

أسمها رونا
أكيد زينه

أقتباس2- وش افضل جنسيه للخدامات تتوقع..؟

أقتباس

حنا بالنسبه لنآ مانستقدمـ إلا أندنوسيه

هاجر
لكـ من اعماق قلبي أرق التحايا

**GivenChy** · 19-12-2008, 12:41 PM

*

هـلا والله ’ حيّاك هاجـر

اممم موضوعكـ مهم ’
بصراحة اكثر شي يقهرني ويفقع مرارتي هالـخدّامات المسيكينات
اللي يقعدون بمقاعد البوابة ينتظرون عماتهم ’
والله بعضهم من الصبح لين الظهر وهي قاعدة

الاخت في الله تداوم وهذي قاعدة ع الكرسي ينكسر ظهرهـا عشان ايش ؟!
عشان عمتي خلصت دوامها تجي ذي تشيل لها الشنطة وتعطيها عباتها

تقـل يدينهم متكسّرة الوحدة تعجز تشيل شنطتها بروحهـا !
قسم بالله عـالم مـدري وش تبي !

أقتباس
1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟

هيه السبب و إلا انتو..؟

الأولى اسمهـا جوهارا

يالبى قلبها بس
والثانية اسمهـا ياني \
وكلهم ولله الحمد مرة كويسات

أقتباس2- وش افضل جنسيه للخدامات تتوقع..؟

مـدري يختي \
ساعات اقول فلبينية وساعات اقول حقين اندونيسيا

السؤالين الباقية حقات العيال مالي دخل صح

بس من جـد من لا يرحم لا يـُرحم \
يعني هم بشر حدّتهم الحاجة الله لا يحدّنـا يارب ’
انا اقول للناس اللي يسوون معاهم عنف ومايرحمونهم طيب جربوا لو مرة
تكونون مكانهم قسم بالله ماراح يتحمّلون \
بعدين وش راح ينقص من عمر الواحد لو احسن لهم ’ ترى والله ممكن يسوون اي شي
كـ انتقام وردّ فعـل للمعاملة السيئة

هـاجر ’

شكراً لـ روعتكـ

**ĦỉหĐ** · 19-12-2008, 12:55 PM

موضوع رائع ياهاجر ...
راجعة لك ان شاء الله ..ابغى اروق واصحصح

ابو نجوى السهلي · 19-12-2008, 01:48 PM

الصراحه موضوع رهيب

مع ان مدري ليش الخدمات ينحشون من البيت بسرعه

يعني مره انحاشت خدماتنا ونا السبب عشان مصكيت الباب بس

- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟

هيه السبب و إلا انتو..؟

كلهم اندنيسا الشيقيقه

الاولى وي وي والله عليها اسم يجيب الهم وشغل وخر عنه متعرف له

الثانيه رحمه

والله هذي طويله مره اطول مني عربجيه مره

تقومني الصبح وتدلعني انا اخاف مها

تقول : ابدالله قومي روهي امل كدا بدين في تاكير تريق

الترجمه لها ( عبدالله قم رح للعمل بعدين انت بتتأخر اذا في الطريق بسبب الزحمه )

والله مافيهم الزين

يقولن الشغالت الكبار احسن من الصغار هذي نظريه مهي حلوه ( نظريه ابوي )

2- وش افضل جنسيه للخدامات تتوقع..؟

انا احسن شي تكون زينه بس لاتكون سوداء يعني اندنوسيه فلبينه اهم شي الجمال

3- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟

بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟

انا بحس ان العروس متعرف تطبخ واشك انها عن بيت اهلها متعرف طريق المطبخ

او انها دلوعه مررره

طبعن اذا العروس جديده وحلوه مره اكيد برضخ لها واجيب <<<<< محروم من الجمال

4- لو توك كافل خدامه و قالت الحرمه ما أبيها ..هذه بطيئه و كسوله ؟

يعني تتوقع سبب وجيه يخليك ترجعها و تصرف فلوس اقين على غيرها ؟

بقول عطيها فرصه اخيره ولا رجعتها للمكتب بس

او اخليها بس العروس كسلانه والشغاله كسلانه

- على راحتكم قولو اي شي سولفو عن خدااماتكم ..؟

في الحقيقه والواقع ولامره جاب ابوي شغاله زينه مدري ليش

والله شغالتنا رحمه هذي مشكله انا اول مره اشوف شغاله عربجيه وطويله مره وجسم

مدري انا احس انها تلعب حديد

اما الشغاله وي وي ونا نايم تجي تفتح الباب وتنظف مدري وش تحس فيه يوم النظافه العالمي على الصبح ونا مدري

انا اشكرك على هذا الموضوع الرائع وتقبل تحياتي ومروري

الزعيمااات · 19-12-2008, 02:20 PM

اهلين فيك هاجر

اما الشغاله تقوم اخواني هنا مشكله مستحيييل

أقتباس

1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟

هيه السبب و إلا انتو..؟

اسمها (يانتي) شكل اسم يانتي وواتي وياتي عندهم زي حصه ونوره وساره عندنا

بس قسم بالله يااهي طخممممممه نبتلش معها اذا رحنا لاسواق ابو يمن (طيبة) وشلتها

حنا يالبنات نخق معها بس اشوى انه اخوي توه نص كبير

لان كل من شافها قال الحمدلله انه ماعندكم ولد كبير

أقتباس

2- وش افضل جنسيه للخدامات تتوقع..؟

من عرفت نفسي وابوي مايجيب الا اندنوسيات

أقتباس

3- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟

بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟

لو اني ولد والله تبطي عظم من اول شي شغاله لين يجون العيال

بالنسبة لشغالتنا والله انها وش حليلها على نياتها يعني مرة درجة
تقولين لها اكنسي الحوش تغسله

هاذي تجوز عليها الرحمة

بس فيه شغالات سعالوه (سوسه بالعربي) ممشين كل البيت على كيفهم حتى الام والابو مثل شغالة عمي قسم بالله اني اقمط منها بشكل موطبيعي بعد الساعه 11 تسكر المطبخ وياويل احد يطبخ

مره سهرنا عندهم قامت الساعه 9 وجلست تهاوشنا ليش نضحك بصوت عاالي تقول ماخليتوني انام مع ان عيونها شوي وتطيح من كثر ماهي متفخه لين خلتنا مانسوى شي وخلتنا نضف الغرفة وضفينا الغرفة وحنا مانشوف الدرب لاا وبعد قالت لامي لاعد تخلين بناتك ينامون عندنا

موضوعك بطل جوجو

**.. فــهد الســـهلي ..** · 19-12-2008, 02:44 PM

.
.

وش هالموضوع الزين ياهاجر
فتحتي جروح كانت مدفونه < --

1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟

هيه السبب و إلا انتو..؟

على طاري الشغالات ( مشكله الي حظه مايصيب الا مرهـ ) كل شغالتنا كل وحده ركبه الا آخر شغاله
ياهي صاروخ آرض جو

لا وصغيرهـ

لكن كانت ماليه حياتي < --

شغالتنا ( اسمها ) نامي

الصدز آخر شغاله جتنا صاروخ قال ابوي يافهد بكره الظهر بنروح نجيب الشغاله
من المطار قالت ابشر وبنفسي اقول اذا شينه بصدم بقرب ماصورهـ كهرب لو مره
يجي الحظ زين !!
رحت المطار وكلي تشائم اني بشوف كالعادهـ ركبه متجها لنا وتقول انا خدامتكم
بس يوم شفتها قلت لا لا مضيعين يايبه موب هي يمكن
وبعد التآكد صارت لنا

المهم جبناها البيت وكلي فرح
لكن ياحظ ماتم نشبت آمي وخالي سفروهـ والسبب المقنع ان ولدكم منحرف
لكن الوالد كان يقول تقعد سته شهور وبعدها نسفرها وثاري ابوي جلسها عشانها
تفتح النفس ( ) < -- للوالد

2- وش افضل جنسيه للخدامات تتوقع..؟

الجنسيه ماتهم لو تكون ايش آهم شي آنها تفتح النفس
على الاقل اذا طلبت منها شي آكله بشهيه موب تجيبلي
ونا مغمض عيوني ولا آخرتها ميت من الجوع

3- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟
بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟

والله ياهي تسمع الاأذا كان فيه سبب مقنع

4- لو توك كافل خدامه و قالت الحرمه ما أبيها ..هذه بطيئه و كسوله ؟

يعني تتوقع سبب وجيه يخليك ترجعها و تصرف فلوس اقين على غيرها ؟

على حسب خشت الشغاله اذا زينه الشغاله وديتها لمي
وذا شينه قلعتها بنفسي انا من دون ماتقول شي

هاجر

شكرا ً على هيك موضوع يوسع الصدر
دمتي متآلقه

الحرمــ ( 07 ) ــان · 19-12-2008, 02:59 PM

*
*

هلا هاجر ، أحس إن كل الخدمات يدعولك هإلحين
بس واللهي خدامتنا شئ ما أحد يقدر يتصوره
خدامتنا جات عندنا وعمري يمكن سنتين أو أقل بشوي
وإلحين عمري 19 وباقي موجوده
طول هالسنين ما شفنى منها إلا كل خير حتى صارت تعرف تطبخ ذبائح
وعريكه ومضغوط ومشوي وأكلات رمضان كلها والحلى كله والسمك بعد
أقول شئ خرافي
الصراحه أنا أعتبرها في منزله أخت
أول قبل 3 سنيين كانت تقول أبي أروح الفلبيين وحنا موب راضيين
طبعا شغالتنا برحه مره الجمال من هنا وهي من هناك
بس أخلاق ودين وكل أبوي شئ
الله يخليها لنا
حتى هي إلي تصحينا من النوم ، تفطرني ، تكوي ثيابي ، وتودعني خخـ
بيننا ميانه

{| MaFiA |} · 19-12-2008, 03:36 PM

والله تتطورنا صرنا نكتب موضوع حق الخدامات

وبعدها السواقين أحسن

أنا ماأذكر خدمة قعدت عندنا كل سنتين شكل خدامة جديد حنا عايله جربت كل الخدامات السرلنكية والاندونسية

والفلبينة مافي زي الفلبينة شيء خياااال جمال وعمل بضميراما الباقي يوووم تعبانه ويوم ماله خلق تشتغل

والعذر انتم كثير

أقتباس1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟

هيه السبب و إلا انتو..؟

اسم شغلتنا فطيمه اندونسية صغيرة بس ربي ماعطاك حلاه بس لو ابوي يجيب فلبينة مو احسن

أقتباس- وش افضل جنسيه للخدامات تتوقع..؟

اتوقع فلبنية متاثر كثير في اللي معاي بشغل يوووووووه هم ابطال لو وحده تشتغل في البيت عندنا ماطلعنا

من البيت

أقتباس- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟
بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟

مااتوقع يحتاج شغاله لانه ماله داعي في بداية الزواج شغاله من كثر العيال اللي عندنا عاد

اما اذا هي طلبت راح يدل انها مو قد مسؤولية البيت عشان كذا ليه اتزوج انسانه مو قد المسؤولية

أقتباس- لو توك كافل خدامه و قالت الحرمه ما أبيها ..هذه بطيئه و كسوله ؟

يعني تتوقع سبب وجيه يخليك ترجعها و تصرف فلوس اقين على غيرها ؟

عاد يلا عاد ايش الدلع ماتبي الشغاله جايب الفلوس من الشارع اذا تبي شغاله مرة ثانية بتكون على حسابة هي

اما انا مو دافع شيء وحده وبس وترضى في الامر والواقع وغيره ماعندي كلام

هااااااااااجر ياخطيرررررررررررة انتي لاتنسين السواقين زوجة الاب طيب

إلى الامام دوما هاجر

قلبتي المواجع ويارب موضوعك يكون سبب لمعرفة فوائد الشغالات مو بس مضارهم كم يوضوح الاعلام

مع تحياتي

ღروحـ الأمــلღ · 19-12-2008, 04:48 PM

مـسلم التميـآط

أقتباس
الشينه اسمها شاندرا

لآيـكون آللي عندنـآ

..

أقتباس1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟

هيه السبب و إلا انتو..؟

آلموجوده اللحين آسمهآ شـآندرآ ..والله آنهـآ شينـه موب سنعه آبـد,, كل مـآنقول شيء ماتسمع الكلآم
ودآئما تشتكي من رجلينهـآ

أقتباس2- وش افضل جنسيه للخدامات تتوقع..؟

آلفلبـين..يـآعندهم طـآقه بالشغل مـآشآء الله تنـآم الساعه 10 وتصحى5 تلقى كل شيء جـآهز

5- على راحتكم قولو اي شي سولفو عن خدااماتكم ..؟

آلخدآمه اللي اللحين عندنآ تشتكي من خوآتي الصغآر لان سوآلفهم كثيرهـ ومـآلتلقى اللي يسمعها غير اخوي اللي بسآدس
عـآد الاخ متكي عندهـآ يوآسيها
بس والله انها تنرحـم

..
يـآقدعه انتـي
يعطيك العافيه ع الموضوع

رو‘ح

بصمات الزمن · 19-12-2008, 06:28 PM

والله نسمع حكايات كثيرة عن الشغالات تحزن

بس اهلي من يوم احنا صغار ما يجيبون شغالات في

البيت وحتى مرة جيبنا شغالة قعدت بس يومين وما ارتحنا لها

كثير ورجعتها أمي ومن بعدها ما جبنا شغالة

..........

هــــــــــــاجر

مشكورة عالموضوع المميز

..

هـــاجر · 19-12-2008, 07:08 PM

يالله ..

يا سلااااااااااام ..

قمـــــــة الروعه انك تنزل موضوع و تروح تنام بعدها ع طول ..ثم تصحى بعد خمس ساعات أو سته ..

تلقى موضوعك مثبت و حول 13 ..رد ..

<<أنواع الوناسه و الانبساط و الانشراح ..

بس تدرون بتوهق في الرد عليكم ..مو كنكم واجد....ربي زيد و بارك ..

والله الخدامات ماشي سوقهم ..

بنزل موضوع عن السواقين المره الجايه زي ما اقترح أحد الأعضاء ..ههههههههه

يا حبي لكم ..

عاد جد فتحتو نفسيتي ....انبسطت بتفاعلكم

نجي للردود..

مسلم التمياط ..\\ عطرت الأجواء بتواجدك ..لك ورده بمناسبة انك أول واحد يرد ..

بس بالنسبه للخدامه يلي تقولك سلمان خان ..تدري يعني انا كمان عبالي مسلم ..ذا مجرد لقب لك بالمنتدى هنا

ما توقعت اسمك الحقيقي كذا ..

بالنسبه لي ..انت أول سعودي اعرف انه اسمه مسلم..

<<مسلمه

لا تزعل مسلم ..انا احب الأسامي المميزه ..المش مكرره ..و النادره زي اسمك ..

شاكره تفاعلك

بيلســــان \\ يا شيخه يا عسل انتي ..أشكر تثبيتك و كانت فرحتي ستكتمل لو شاركتي بوجهة نظرك

ع الأقل لو حطيتي اسم خدامتك هههههه

يا حبي لك ...و لاسمك ..

هههههههههه بالنسبه لردك ع التمياط بخصوص اسمي ههههههههههههه مدري بس ضحكني يومه يحلف

على قولتك كني مشتكيه من اسمي ..

مير تصدقين كثار يقولون اسمي حلو و انا أشوفه اسم حزين ..فيه فراق و هجر ..و سفر..

<دمعت

شاكره لك بيلسان ..تواجدي دائماً مع هاجر ..لا تهجريها ..

هل تعلم ..\\ اشكرك اولاً ثانيا يومك تقولين هيه جايه تنكرف و إلا ترتاح ..فأنا أقولك هيه جايه

تاكل لقمة عيشها ..بكرامه ..

يعني حرام تاخذ لقمتها بكرامه ..ضروري تنذل و تستعبد و تنكرف ع قولتك ..؟

بعدين الراحه مطلوبه ..و هيه مو جايه تنام اربع و عشرين ساعه ..بس لازم بعد العمل و الاجهاد ترتاح

بعد الظهر ترتاح و بالليل ترتاح و اذا مريضه ترتاح و اذا متضايقه ترتاح ..لنها بكل بساطه بشر حالها حالك ..

افرضي انتي مريضه ؟راح تقدري تنظفي البيت ..؟؟

افرضي فيك النوم؟؟ راح تقدري تسوي شي..؟؟

الرحمه حتى يرحمنا الرب ...عزيزتي ..شاكره لك ..مررورك ..

تواق\\ هلا والله ..(تواق) لقبك من أول جايز لي كمان ..اقول التواق ذا ..تواق لمين يا ترى ..؟ كح

المهم ياتي الإسم ذا أول مره يمر علي لاندونسيه احنا كان عندنا وحده اسمها تاتي ..

بس الله يسعدك ع سالفة الهنديه يلي حبيتها ياخي ضحكت لين جتني أم الكحه ..

و خصوصا انتحارها بالنهايه ..تحس فعلاً فلم هندي ..لو ما انتحرت ما تصير هنديه ..

ربي يسعدك تواق و ان شاء الله تقر عيونك باللي انت لهم تواق...!

هواها هلالي \\ النور نورك يا غاليه ..فرحتي قلبي بمعاملتكم للخادمه حقكم

جعل العوايل كلها زيكم ..و الأمهات كلهم زي أمك ..في معاملتها للخادمه ..

و جميل جدا ً حين قلتي انك تعتبريها اخت لك...

Givenchy\\اسفرت و انورت بقدومك و حضورك ..و سالفة البوابه يلي قلتي عنها بطت جبدي

توني اسمعها منك ..ما قد صدف و لاحظتها يعني ..بس لو انها موجوده على ما قلتي ..فعلاً شي يفطر القلب

لحضورك نكهه ..أضيفها دائماً..لمواضيعي ..

Zohour alreef\\ باقي ما صحصحتي وينك ههههههههه؟

أبو نجوى السهلي \\ سلم لي على نجوى أول ..ثانياً ..شاكره تشريفك للموضوع ..و قصم خدامتك رحمه هذه

اسمها جاي ضابط مع موضوعي حقين رحمة الخدم ! ملاحظ معي ..؟

اسمها يقول لكم ارحموني ...بس الظاهر على طولها و عربجيتها هذه ..مثل ما قلت ..الظاهر لازم هيه ترحمكم
هههههههههه

الله يسعدك بو نجوى ..و يخلي لك نجوى لو انها موجوده و لو بعدها ربي يرزقك فيها ..

الزعيمات \\ أبي أفهم انتو كم وحده ؟كم زعيمه عفواً ؟؟ ههههههه يعني أرد على مين الحين ..خلاص أبكلم الكبيره أنا ..وخرو انتو ..

ههههه شاكره لكم المرور و عجبني الصراحه و الوضوح لما قلتي ..لو كنتي ولد ما تجيبين خدامه بأول الزواج

تحياتي لكم ..

فهد السهلي \\ ما كنت أبغى أفتح الجروح أنا لكن الموضوع هو عباره عن جرح دامي أصلا ..لازال مسلسل
نزفه مستمراً ..إلى أن نجد حلاً و رحمه غير منقطعه لهؤلاء الخدم ..

بس ضحكني اسم خدامتكم ..أجل (نامي)..

أتخيل اناديها تقوم تروح غرفتها و تتلحف و تنام ..هههههههه

عجبتني كمان قصة المطار و لما طلعت حلوه ما صدقتو انها هيه ..حسيت اني رايحه معكم ..و اشوف نظراتك
اللي كلها فرح و استغراب انها و أخيراً طلعت حلوه .. ههههههههه

يسعد لي مسائك ..(فهد) اسم غالي جدا ً ..قريب لقلبي..

الحرمان \\ اعتذر اولا ..ما حطيت رقم 7 باسمك زي منت كاتبه ..ما عرفت خفت اخربط بالمسافه هههههه

بالنسبه للخدامات انهم يدعون لي ع موضوعي ذا ..يا ريت عاد بس ما اعتقد يدرون ان هاجر تؤازرهم هنا

ما يعرفون عربي ..لكن جد مشالله ع خدامتك أجل من انتي تحبين و هيه معكم و الحين انتي 19 سنه

ما ماتت ؟ متى بتنقرض ههههههههههههه امزح اسفه ..ربي يسعدها و يسعدكم يا شيخه ..أحس انها صارت

جزء لا يتجزأ من العايله ..و فراقها صعب مرير أكيد و الدليل يلي صار قبل 3 سنوات لما جت بتسافر صح ..؟

شاكره لك ..ورده لحضورك ..

هلالي إلى الصميم \\ هههههههههههههههههه فكره جميله والله ..السواقين فلم آخر ..و زوجة الأب فلم درامي أكبر منه ..

لي معهم اذا شاء القادر عوده ..

يعطيك العافيه لمرورك الكريم ..

روح الأمل \\ صدقتي من ناحية الفلبينيات نشيطات ..و الأهم شغلهم نظيف يا اختي و ريحتهم كمان ههههههههه

اوما السيلانيه و الهنديه ..الله الغني عاد ..لكن تبقى الاندنوسيه هي الحل الوسط ..

كوني قريبه يا روح ..أشكرك يا غاليه ..

تحياتي لكم ..تفاعلكم جميل رائع ..رحمتكم شاسعه لخدمكم كما ظهر في سطوركم ..عسى ربي يظللنا برحمته

دائماَ و أبداً ..

تقبلو ردي ..هاجر

19-12-2008, 09:26 AM	#1
هـــاجر ( تلاوين المجلس )	لــعـــيون خــداااااامـتـنـاااااا........ سوزي ": نسوري قومي يلا.. روهي دوام نصوري يتشقلب يمين ويسار ع السرير طبعاً في اشارات واضحه للخادمه انه لسه ما شبع نوم يعني ضفي وجهك . سوزي في محاوله اخيره يائسه تسحب اللحاف و سيقان نصوري طالعه و سرواله الشرعي متعلقن فوق ركبته ههههههههههه نصوري: الله يلعنك هاتي اللحاف و يسحبه بقوه سوزي تضحك: قومي قومي ..بأدين ماما عسب عليكي .. نصوري بعصبيه : طيب خليها تعصب و انتي اطلعي قبل اعصب عليكي سوزي : أوك سير خلاص انا ما فيه مسكله انته مسكله كبير و تطلع تصك الباب و يتمتم ناصر في خاطره وش ذي الفلبينه القشره ؟؟؟ فوق انها قشره كمان كبيره و عمرها خمس و اربعين الله يحوم تسبدها على حب الشباب اللي منثور بوجهها و مدري ليش يطلع لها للحين على انها كبرت خلاص ياخي متى أمي تكفل لنا خدامه حلوه مثل الناس فلبينيه تفتح النفس مثل فلبينة عبود صاحبي أف عليها تدخل الأم بعصبيه بينما نصوري غارق ف أحلامه الفلبينيه ..! و ينهض نصوري واقفاً قبل ان تنطق بكلمه و يسرع للحمام و يقفل الباب و تنظر الأم بصمت لدقائق معدوده ثم تخرج .. بينما يأخذ ناصر دشاَ سريعاً ..و اجباريا لا محاله .. يخرج ..بعد دقايق عده لازل يتثاوب طبعاً .. و افلقوني اذا نظف اسنانه .. لبس ملابس بسرعه و نزل يبي يلحق الدوام .. و يتكرر الموقف نفسه غداً ًً.. يا ترى كم نصوري زي هذا بالخلييج ؟ و كم فلبينيه زي سوزي ؟ بعض العوائل تسمح للخدامات بدخول غرف الأولاد يصحوهم من النوم و البعض يكتفي بالسماح لها بتنظيف غرفهم اثناء عدم تواجد الأولاد .. لكن تتوقعون لو كانت سوزي صغيره و حلوه ..و تصحي نصوري بذات الطريقه اياها فوق و سحبة اللحاف .. و نسوري و نسوري ههههههه يا ترى نسوري وش بسوي ..؟؟ كيف كان ممكن تكون ردة فعله هه الأطخم.. طبعا هه النسوري انا شخصيا احب شخصيته و كاتبه فيه قصص كثيره ما بعد شفتو شي من هاجر .. <<تكتب قصص انتظروها << بس الموضوع هذا اهداء لخدامات الخليج المظلومات اعلامياً .. والله الحق بقوله و انتو قولوه كمان يمكن الغالب و الأغلبيه يتكلمون عن جرائم الخدم .. و مشاكل الخدم .. لكن تتوقعون ..اذا الخادمه هذه احسنتو معاملتها راح تقترف ذنب أو جريمه أو مشكله !! بغض النظر عن بعض الخادمات خصوصاً الاثيوبيات اللي يجون خلقه و هم ساحرات و يتعاملون بالسحر دغري قبل سلامو عليكم.. لكن القصد يجب ان لا نعمم بعض الخادمات زي العسل .. فلبينية اختي قطعت شريان ايدها لما ولد اختي الصغير مات رحمة الله عليه .. كانت تبي تنتحر لحقوها بآخر لحظه طبعا مسيحيه كانت القصد ..انها ملكت قلباً رحوما محباً .. مستعد للموت من أجل من احببتهم هنا في غربة عملها .. ايضاً.. خادمه لنا عندما كنت صغيره ..حفظتني جزء عم.. الله يجزاها الخير حافظته بسببها أنا .. الخادمه مظلومه اعلاميا تماماً ..كزوجة الأب التي يصورها الاعلام بالبعبع و المجرمه و الشريره التي خطفت الأب منا..؟ طيب ليش؟؟ فيه زوجات أب تبرعو بكليتهم لأبناء ازواجهم ..! لا يذكرهم الاعلام .. فيه زوجات أب ..سهر و ربو و أحبو من قلوبهم أبناء أزواجهم .. لا يذكرهم الاعلام .. لماذا هناك فئه تغيّـب تماماً .. من الاعلام ..فقط لأن الشريحه الأكبر منها طالحه ..!! الخادمه و زوجة الأب يا لكم من مساكين خلوني أفرد الصفحه هذه للخدامات اليوم و لي رجعه مع زوجة الأب ان ربي كتب تقول احدى الخادمات شعرت اني عبده للأسره الخليجيه التي عملت معها كنت اشعر انني اخدمهم كعبده لهم يجبروني على الوقوف بجانب المائده عندما يتناولون طعامهم (هذه حركه سخيفه موجوده عند عوايل كثيره للآن و يسوون فيها متطورين ) بعذر التقديم و تلبية الطلبات .. طيب كل شي ع الطاوله .. يعني ضروري هيه تصب و تقرب لك الصحن و المويه و العصير .. ياخي مد ايدك .. جعلها الكسر < متحمسه ناس تقهر يعني والله خدامه زي هذه تعور قلبي ..ليه كذا يخلونها واقفه لين يزطون أكلهم جعلهم المغص تقول المسكينه ..حتى ولدهم الذي يبلغ الثانيه عشر أنا أربط رباط حذائه ..تقول طول الوقت أنا أربط و هو يركلني و يسمعني السب و الشتم و يقول لي ..سأقتلك و أدفنك في بيتنا .. الحين ذا عمره 12 بالله مو بعير ..يعني ليش يخلونها تربط له الجوتي.؟ و كمان متعلم العنف و القسوه من اهله و صاير يسب المخلوقه و يقول لها بقتلك و بدفنك يا حلاوتك بس الزبده المسكينه هذه هربت و مسكوها الشرطه و أدلت باعترافاتها يلي فوق و بعدها تم ترحيلها و اعتقد انها ما ناويه ترجع للخليج ان شاء الله تموت جوع برا ياخي والله ارحموهم ام بي سي تحط دعايه حلوه فكرتها انه ربة البيت تهاوش الخدامه و تجيها الساعه 12 بالليل و الخدامه مسكينه تمسح ف ارضية المطبخ تهاوشها تقول لها ما تنامين إلا البيت يلق ..و يلمع ..و بالأخير يطلعون عبارة . .من لا يرحم ..لا يرحم < بضم الياء) يعني ويا وجهها الحين البيت حقها ذا بطير .عبالها قصر الوليد ع غفله .. اتحداها هيه تسهر تلمع ف البيت للساعه 12 لو كان ما عندها خدامه خلي الفقيره تنام ..يا جعلك ال.... .. !! و الصباح رباح على ما قالو و يقولون ..منتي بطايره و لا الخدامه و لا البيت كمان .! البعض يجيب خدامه على أساس تنظف البيت .. و لما توصل ..مسكينه تحس انها اخطبوط .. تصير تنظف البيت و تصير تطبخ و تصير حاضنه للاطفال و تروح مع الدريول تجيب اغراض البيت و ترد ع التلفونات و تسوي مساجات لبنات العايله الكريمه .. تفرد شعر هذه و تحني هذه ..و تقلم اظافر هذه و تهمز هذيك .. و سوزي تعالي سشوري شعري و سوزي تعالي حطي لي كريم الرجول لرجولي و سوزي <ماسكه ع سوزي سوزي مثال للخادمه المظلومه يحليلها ..تحس انها اخطبوط مو سوزي أم خمس و اربعين سنه ..و حب شباب لاعبن بخريطة وجهها .. بس سؤال يعني سوزي هذه وين بتصك براسها لو منها بخليهم يصايحون باسمي و بدخل و اقفل داري قفلين و انام عنبو داركم مرات تحس العيله فيها شلل رباعي الأم جالسه و تتأمر و البنات مثل ..و الأب يدخل بس يأشر بايده لها ..يعني روحي هاتي الأكياس من السياره طيب تروح و تلقى كيسين صغار .؟؟ طيب ورى ما نزلتهم انت يعني..؟؟ يجي الولد الكبير .. من الحوش ينادي ..سوووووووووزي غسلي السياره .. سووووووووووووووزي و ينادي و ينادي المسكينه تكون نايمه و تقوم تغسل سيارته الساعه 3 الظهر ..بعد الغدى الناس نايمه مرتاحه و هو بدخل ينام برضو ..بس هيه حرام تنام ..لازم تغسل سيارته عشان بعد العصر يبي يروح يفحط فيها .. وراك غسلتها يا مال الغبار.. تراك بتفحط فيها و بتصير كنها تل رمل من الغبره .. ياخي والله مواقف مؤسفه يمكن انا اخترت عمداً اني احكيها باسلوب ساخر و عامي و بسيط عشان أكسر حدة القسوه و الحزن اللي في داخل السطور و المواقف هذه لو كتبتها بقلم صريح و جاد .. لسالت هنا دماء حمراء .. و ستسيل دموع القلوب الرحيمه ايضاً .. لكن ..من باب التلطيف فقط .. و انما القسوه و اللا انسانيه هنا ..فوق مستوى الوصف خادمتي العزيزه .. اهديك ورده والله من قلبي خدامتنا احنا مسافره الحين ارسلت لي مسج بالعيد ..والله يا اني دمعت تقولي عيدك مبارك و كيفك و اشتقت لك و راجعه قريب ..تقول أكيد تورطتي بالأضحيه لحالك <<ودو اضحيتهم الجمعيه الخيريه ذبوحها هناك و ودوها للفقارى احسن صح بس لو ف البيت جد بنتورط لنها مسافره يا جماعه الحين الخادمه مو بشر..؟؟ يعني نفرات يعني أوادم.. ياهوووووو حسو وووووووو حطو نفسكم مكانها جرب تتخيل انك خدامه تخيل معي الحين يالله قولي وش بكون فعلك لو اقولك تعال سكر الباب و اساسا انا واقفه حوله ؟؟ المفروض اسكره انا ورى اجيبك انت من على بعد أمتار تسكره بس لنك خدامه..؟؟ و انا سيدك و تاج راسك..؟؟ ياخي ادري انهم هذا شغلهم و جايين يشتغلون عندنا .. بس عاد والله ما بقى غير يسبحونا و يغسلونا .. القصد نرحمهم و نخفف من أعباء الشغل عنهم و يلي نقدر نسويه بدون مساعدتهم خلونا نسويه بدونهم ..ليش لأ .. و لا ينط لي واحد يقولي خل تحلل راتبها .. الله و ال600 مدري ال700 يلي تاخذها عاد ..!! الحين انت تشتغل ع مكتب ما تسوي شي بس تنام و يجيك 5000 آلاف آخر الشهر .. و هيه تكرف كرف الكلاب و نعطيها 600 ..بالله هذه لو نعطيها 10.000 آلاف ..والله حلال فيها و شويه كمان .. بالنهايه نصيحه لوجه الله يعني اذا ما تخاف من ربك ..خاف ع عيالك و نفسك ..لنه اذا اسأت معاملتها أكيد بتسيء لكم بطريقتها الخاصه عاد ! و كل اناء بما فيه ينضح .. اعرف خادمه كانت سبب في زواج البنت الأكبر العانس ف البيت ..عمرها ثلاثين كانت كل ما تروح بيت توزع أكل أو تودي غرض الأم ارسلتها فيه تقول لهم هذه فلانه بنت فلانه مسويته و تمدح البنت و تتغزل فيها لنه البنت ذي كانت مدلعه الخادمه هذه و لطيفه معاها و تاخذ لها ملابس جديده ..و تعطيها مصروف غير يلي تاخذه الخادمه من أبو البنت هذه و رحومه معاها يعني يعني والله الإحسان ما يأتي إلا بالإحسان .. في عايله كويتيه سوت حفل عرس فخم للخادمه يلي عملت معاهم عشر سنوات ؟؟ و اعطوها شقه و طلعت من بيت معزبها لبيت زوجها مكرمه معززه ..كنها بنتهم مو خادمتهم .. لنه والله العيش و الملح يسوي هوايل..يا جماعه خدمتهم عشر سنوات .. مهب بسيطه و ما هو كثير عليها حفلة العرس يلي سووها لها ..صح..؟ نتمنى وجود عوائل أرحم في خليجنا المعطاء.. و الخادمه الغريبه هذه عندما تأتي لبيتك .. فهي أمانه عندك .. أولاً.. يعني أكرمها و أعطها أجرها (أعطي الأجير أجره قبل أن يجف عرقه)....ولا تستعبدها .. العبوديه لله .. فقط لله شوية اسئله لطيفه للدردشه: 1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟ هيه السبب و إلا انتو..؟ 2- وش افضل جنسيه للخدامات تتوقع..؟ 3- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟ بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟ 4- لو توك كافل خدامه و قالت الحرمه ما أبيها ..هذه بطيئه و كسوله ؟ يعني تتوقع سبب وجيه يخليك ترجعها و تصرف فلوس اقين على غيرها ؟ 5- على راحتكم قولو اي شي سولفو عن خدااماتكم ..؟ دمتم برحمه.. تحياتي هاجر اهداااء سبشل للحريم التوقيع: مكسـب عـيونـي من الفـرقـى مـزون تمطر لـطاريه.. و البرق أصدقـاي..!! ===== الله يرحمك التعديل الأخير تم بواسطة هـــاجر ; 19-12-2008 الساعة 09:31 AM سبب آخر: كح ..نسيت أحط لكم اسئله...احم..

19-12-2008, 11:33 AM	#3
هل تعلم . . : زعيم القناصين : . .	رد: لــعـــيون خــداااااامـتـنـاااااا........ أقتباس1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟ امم ايه ع افضل وجه .. أقتباس 2- وش افضل جنسيه للخدامات تتوقع..؟ مافيه والله .. .. وبعدين هي جاية تنكرف ولا ترتاح .. اما سكري الباب .. ارفعي السماعة .. اذكر جت عندنا خدامة .. في الصيفية .. من يوم ماجت وهي متى بتبدا الدراسة متى بتبدا .. المهم من اول يوم من الدراسة انحاشت .. .. وجتنا وحدة ثانية .. من اول يوم وهي بجلس عندكم 5 سنين .. انا حبيتكم ومدري وشو المهم طلعنا من البيت وانحاشت .. .. وبس .. التوقيع:

19-12-2008, 12:13 PM	#4
تــوّاق . . : زعيم القناصين : . .	رد: لــعـــيون خــداااااامـتـنـاااااا........ .. موضوعك بطل بالحيل وين ياتي بس عن مثل هالمواضيع على طاري ياتي , ماتلاحظون معي إن نص الشغالات الإندنوسيات إسمهن ياتي أقتباس2- وش افضل جنسيه للخدامات تتوقع..؟ والله انا عن نفسي أحب الهنديات أول يوم أنا بزر كانت بيني وبين شغالة عمي الهندية علاقة حب أنا كنت احسبه حب من طرف واحد , لكن اكتشفت مع الأيام إنها تبادلني نفس الشعور لأنها جات تشتغل عندنا كم شهر , وحبينا بعض بهالفترة بس وشسمه بعد مارجعت لبيت عمي , ماطولت عندهم انتحرت بعد شهر على ما أظن , كانت رابطه حبل برقبتها والظاهر رابطة بالمروحة او شي زي كذا , لا من جد أذكر يوم كنت صغير , عمي جاب شغالته عندنا لأنها كانت تصيح تبي ترجع لأهلها وقعدت لها كم شهر عندنا وعجبها الجو وكذا , والشهادة لله إنها كانت عسل يوم رجعت لبيت عمي مادري ماطولت عندهم , إنتحرت الله يرحمها هقوتكم ماقدرت تتحمل فراقي << كل تبن بالله أقتباس3- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟ بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟ مانيب حاط ببالي إنها عجازة ومهمله بس تبطي أجيب لها خدامه , أول كم سنه أقتباس4- لو توك كافل خدامه و قالت الحرمه ما أبيها ..هذه بطيئه و كسوله ؟ يعني تتوقع سبب وجيه يخليك ترجعها و تصرف فلوس اقين على غيرها ؟ على حسب الخشه بس وشسمه والله موضوعك على الجرح الله يكون بعون الشغالات أبدعتي هاجر .. التوقيع: وراء كل انفراد ، بيرلو ( L ) ووراء كل برب باك قراوند : $ : P brb

19-12-2008, 12:27 PM	#5
نقاء قناص مميــز	رد: لــعـــيون خــداااااامـتـنـاااااا........ .. هلا وغلا هاجر منوّرهـ القسمـ الخدامات وماأدراك مالخدامات أنا أستغرب من معاملة بعض الناس لهم ليش هم مو بشر مثلنا يحسون حنا ولله الحمد خدامتنا نعاملها كأنها وحده مننا الطلبات مو كلها عليها يعني الشيء اللي لك انت تسويه مو هي مثلا أننا نقول روحي جيبي لي مويه ولا تعالي أعطيني الريموت وهي المسكينه تشتغل هذي كثييير تصير عندنا وأولهم عيال عمي كل شيء موكلينه عليها أعتمدوا عليها بكل شيء بالعكس أمي إذا جا العيد راحت فيها للسوق تشتري اللي تبي واذا صار فيه مناسبه بعد تروح للسوق مع أمي وأحيانا اذا راحت أمي للسوق وشافت شيء حلو لها لازم تشتريه والحمدلله موفرين لها كل شيء غرفتها النوم نغيرها لها إذا أحتاجت تغيير وكل سنتين تسافر لأهلها تجلس كل العطله الصيفيه عندهم وحنا نستأجر وحدهـ ثانيه وأنا أعتبرها أختي الكبيره طبعا هي لها 5 سنوات عندنا الله يخليها لنآ أقتباسماتلاحظون معي إن نص الشغالات الإندنوسيات إسمهن ياتي تواق الا والله شغالة عمي وخالتي أسمهم ياتي اي أذكر مرهـ خالتي سافرت شغالتهم وقالت لها امي شوفي هذا رقم وحدهـ تأجر شغالات أتصلت خالتي عليها قالت لها الحرمه عندي وحده صغيره عمرها 20 سنه بس فيها عيب كل الناس مايبونها أنها تشبه لميس خالتي على طول قالت لاخلاص مشكورهـ عندي ولد كبير مااقدر انا رحمت المسكينه يعني وش ذنبها حلوهـ محد يبيها شطحه / سمعتوا خبر الخدامات الباكستانيات وأنهم خلاص فتحوا لهم المجال يشتغلون عندنا عاد والله من زين هالوجيه صاروخ وأنا أعترف بس الله يعين العوائل اللي عندهم عيال نجي للأسئله : أقتباس1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟ أقتباس أسمها رونا أكيد زينه أقتباس2- وش افضل جنسيه للخدامات تتوقع..؟ أقتباس حنا بالنسبه لنآ مانستقدمـ إلا أندنوسيه هاجر لكـ من اعماق قلبي أرق التحايا التعديل الأخير تم بواسطة نقاء ; 19-12-2008 الساعة 12:35 PM

19-12-2008, 12:41 PM	#6
GivenChy . . : زعيم القناصين : . .	رد: لــعـــيون خــداااااامـتـنـاااااا........ * هـلا والله ’ حيّاك هاجـر اممم موضوعكـ مهم ’ بصراحة اكثر شي يقهرني ويفقع مرارتي هالـخدّامات المسيكينات اللي يقعدون بمقاعد البوابة ينتظرون عماتهم ’ والله بعضهم من الصبح لين الظهر وهي قاعدة الاخت في الله تداوم وهذي قاعدة ع الكرسي ينكسر ظهرهـا عشان ايش ؟! عشان عمتي خلصت دوامها تجي ذي تشيل لها الشنطة وتعطيها عباتها تقـل يدينهم متكسّرة الوحدة تعجز تشيل شنطتها بروحهـا ! قسم بالله عـالم مـدري وش تبي ! أقتباس 1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟ هيه السبب و إلا انتو..؟ الأولى اسمهـا جوهارا يالبى قلبها بس والثانية اسمهـا ياني \ وكلهم ولله الحمد مرة كويسات أقتباس2- وش افضل جنسيه للخدامات تتوقع..؟ مـدري يختي \ ساعات اقول فلبينية وساعات اقول حقين اندونيسيا السؤالين الباقية حقات العيال مالي دخل صح بس من جـد من لا يرحم لا يـُرحم \ يعني هم بشر حدّتهم الحاجة الله لا يحدّنـا يارب ’ انا اقول للناس اللي يسوون معاهم عنف ومايرحمونهم طيب جربوا لو مرة تكونون مكانهم قسم بالله ماراح يتحمّلون \ بعدين وش راح ينقص من عمر الواحد لو احسن لهم ’ ترى والله ممكن يسوون اي شي كـ انتقام وردّ فعـل للمعاملة السيئة هـاجر ’ شكراً لـ روعتكـ التوقيع: .. اللهـُمّ وفـّقنـِي لـِكُلِّ عمـلٍ صـالحٍ ترضـى بهـ عنّـي , وقـرّبـنِـي بهـِ إليـك زُلـفى ... أسـتغفركـ ربـّي وأتـوب إليـك ..

19-12-2008, 12:55 PM	#7
ĦỉหĐ . . : زعيم القناصين : . .	رد: لــعـــيون خــداااااامـتـنـاااااا........ موضوع رائع ياهاجر ... راجعة لك ان شاء الله ..ابغى اروق واصحصح التوقيع: أستغفر الله الذي لا إله إلا هو الحي القيوم أستغفره وأتوب إليه

19-12-2008, 01:48 PM	#8
ابو نجوى السهلي قلم المجلس النشيط	رد: لــعـــيون خــداااااامـتـنـاااااا........ الصراحه موضوع رهيب مع ان مدري ليش الخدمات ينحشون من البيت بسرعه يعني مره انحاشت خدماتنا ونا السبب عشان مصكيت الباب بس - وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟ هيه السبب و إلا انتو..؟ كلهم اندنيسا الشيقيقه الاولى وي وي والله عليها اسم يجيب الهم وشغل وخر عنه متعرف له الثانيه رحمه والله هذي طويله مره اطول مني عربجيه مره تقومني الصبح وتدلعني انا اخاف مها تقول : ابدالله قومي روهي امل كدا بدين في تاكير تريق الترجمه لها ( عبدالله قم رح للعمل بعدين انت بتتأخر اذا في الطريق بسبب الزحمه ) والله مافيهم الزين يقولن الشغالت الكبار احسن من الصغار هذي نظريه مهي حلوه ( نظريه ابوي ) 2- وش افضل جنسيه للخدامات تتوقع..؟ انا احسن شي تكون زينه بس لاتكون سوداء يعني اندنوسيه فلبينه اهم شي الجمال 3- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟ بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟ انا بحس ان العروس متعرف تطبخ واشك انها عن بيت اهلها متعرف طريق المطبخ او انها دلوعه مررره طبعن اذا العروس جديده وحلوه مره اكيد برضخ لها واجيب <<<<< محروم من الجمال 4- لو توك كافل خدامه و قالت الحرمه ما أبيها ..هذه بطيئه و كسوله ؟ يعني تتوقع سبب وجيه يخليك ترجعها و تصرف فلوس اقين على غيرها ؟ بقول عطيها فرصه اخيره ولا رجعتها للمكتب بس او اخليها بس العروس كسلانه والشغاله كسلانه - على راحتكم قولو اي شي سولفو عن خدااماتكم ..؟ في الحقيقه والواقع ولامره جاب ابوي شغاله زينه مدري ليش والله شغالتنا رحمه هذي مشكله انا اول مره اشوف شغاله عربجيه وطويله مره وجسم مدري انا احس انها تلعب حديد اما الشغاله وي وي ونا نايم تجي تفتح الباب وتنظف مدري وش تحس فيه يوم النظافه العالمي على الصبح ونا مدري انا اشكرك على هذا الموضوع الرائع وتقبل تحياتي ومروري التوقيع: . أعزف حزني بــ \|\| إِيْقَـاعٍ هـَــادِئْ \|\| ~ .

19-12-2008, 02:20 PM	#9
الزعيمااات قنــاص مبــدع	رد: لــعـــيون خــداااااامـتـنـاااااا........ *اهلين فيك هاجر* *اما الشغاله تقوم اخواني هنا مشكله مستحيييل* أقتباس 1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟ هيه السبب و إلا انتو..؟ *اسمها (يانتي) شكل اسم يانتي وواتي وياتي عندهم زي حصه ونوره وساره عندنا* *بس قسم بالله يااهي طخممممممه نبتلش معها اذا رحنا لاسواق ابو يمن (طيبة) وشلتها* *حنا يالبنات نخق معها بس اشوى انه اخوي توه نص كبير* *لان كل من شافها قال الحمدلله انه ماعندكم ولد كبير* أقتباس 2- وش افضل جنسيه للخدامات تتوقع..؟ من عرفت نفسي وابوي مايجيب الا اندنوسيات أقتباس 3- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟ بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟ *لو اني ولد والله تبطي عظم من اول شي شغاله لين يجون العيال* *بالنسبة لشغالتنا والله انها وش حليلها على نياتها يعني مرة درجة* *تقولين لها اكنسي الحوش تغسله* *هاذي تجوز عليها الرحمة* بس فيه شغالات سعالوه (سوسه بالعربي) ممشين كل البيت على كيفهم حتى الام والابو مثل شغالة عمي قسم بالله اني اقمط منها بشكل موطبيعي بعد الساعه 11 تسكر المطبخ وياويل احد يطبخ مره سهرنا عندهم قامت الساعه 9 وجلست تهاوشنا ليش نضحك بصوت عاالي تقول ماخليتوني انام مع ان عيونها شوي وتطيح من كثر ماهي متفخه لين خلتنا مانسوى شي وخلتنا نضف الغرفة وضفينا الغرفة وحنا مانشوف الدرب لاا وبعد قالت لامي لاعد تخلين بناتك ينامون عندنا *موضوعك بطل جوجو* التوقيع: ..اللهم اغفرلي ولوالدي وللمسلمين والمسلمات والمؤمنين والمؤمنات.. ..اللهم اهدني لاحسن الاخلاق لايهدي لاحسنها الا انت واصرف عني سيئها لايصرف عني سيئها الا انت.. اللهم صلي وسلم على محمد وعلى اصحابه الاخيار..

19-12-2008, 02:44 PM	#10
.. فــهد الســـهلي .. . . : زعيم القناصين : . .	رد: لــعـــيون خــداااااامـتـنـاااااا........ . . وش هالموضوع الزين ياهاجر فتحتي جروح كانت مدفونه < -- 1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟ هيه السبب و إلا انتو..؟ على طاري الشغالات ( مشكله الي حظه مايصيب الا مرهـ ) كل شغالتنا كل وحده ركبه الا آخر شغاله ياهي صاروخ آرض جو لا وصغيرهـ لكن كانت ماليه حياتي < -- شغالتنا ( اسمها ) نامي الصدز آخر شغاله جتنا صاروخ قال ابوي يافهد بكره الظهر بنروح نجيب الشغاله من المطار قالت ابشر وبنفسي اقول اذا شينه بصدم بقرب ماصورهـ كهرب لو مره يجي الحظ زين !! رحت المطار وكلي تشائم اني بشوف كالعادهـ ركبه متجها لنا وتقول انا خدامتكم بس يوم شفتها قلت لا لا مضيعين يايبه موب هي يمكن وبعد التآكد صارت لنا المهم جبناها البيت وكلي فرح لكن ياحظ ماتم نشبت آمي وخالي سفروهـ والسبب المقنع ان ولدكم منحرف لكن الوالد كان يقول تقعد سته شهور وبعدها نسفرها وثاري ابوي جلسها عشانها تفتح النفس ( ) < -- للوالد 2- وش افضل جنسيه للخدامات تتوقع..؟ الجنسيه ماتهم لو تكون ايش آهم شي آنها تفتح النفس على الاقل اذا طلبت منها شي آكله بشهيه موب تجيبلي ونا مغمض عيوني ولا آخرتها ميت من الجوع 3- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟ بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟ والله ياهي تسمع الاأذا كان فيه سبب مقنع 4- لو توك كافل خدامه و قالت الحرمه ما أبيها ..هذه بطيئه و كسوله ؟ يعني تتوقع سبب وجيه يخليك ترجعها و تصرف فلوس اقين على غيرها ؟ على حسب خشت الشغاله اذا زينه الشغاله وديتها لمي وذا شينه قلعتها بنفسي انا من دون ماتقول شي هاجر شكرا ً على هيك موضوع يوسع الصدر دمتي متآلقه

19-12-2008, 02:59 PM	#11
الحرمــ ( 07 ) ــان مطرود من الملعب	رد: لــعـــيون خــداااااامـتـنـاااااا........ * * هلا هاجر ، أحس إن كل الخدمات يدعولك هإلحين بس واللهي خدامتنا شئ ما أحد يقدر يتصوره خدامتنا جات عندنا وعمري يمكن سنتين أو أقل بشوي وإلحين عمري 19 وباقي موجوده طول هالسنين ما شفنى منها إلا كل خير حتى صارت تعرف تطبخ ذبائح وعريكه ومضغوط ومشوي وأكلات رمضان كلها والحلى كله والسمك بعد أقول شئ خرافي الصراحه أنا أعتبرها في منزله أخت أول قبل 3 سنيين كانت تقول أبي أروح الفلبيين وحنا موب راضيين طبعا شغالتنا برحه مره الجمال من هنا وهي من هناك بس أخلاق ودين وكل أبوي شئ الله يخليها لنا حتى هي إلي تصحينا من النوم ، تفطرني ، تكوي ثيابي ، وتودعني خخـ بيننا ميانه

19-12-2008, 03:36 PM	#12
{\| MaFiA \|} متكي في المجلس	رد: لــعـــيون خــداااااامـتـنـاااااا........ والله تتطورنا صرنا نكتب موضوع حق الخدامات وبعدها السواقين أحسن أنا ماأذكر خدمة قعدت عندنا كل سنتين شكل خدامة جديد حنا عايله جربت كل الخدامات السرلنكية والاندونسية والفلبينة مافي زي الفلبينة شيء خياااال جمال وعمل بضميراما الباقي يوووم تعبانه ويوم ماله خلق تشتغل والعذر انتم كثير أقتباس1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟ هيه السبب و إلا انتو..؟ اسم شغلتنا فطيمه اندونسية صغيرة بس ربي ماعطاك حلاه بس لو ابوي يجيب فلبينة مو احسن أقتباس- وش افضل جنسيه للخدامات تتوقع..؟ اتوقع فلبنية متاثر كثير في اللي معاي بشغل يوووووووه هم ابطال لو وحده تشتغل في البيت عندنا ماطلعنا من البيت أقتباس- ..اذا لسه عزوبي و بتتزوج و اشترطت العروس اول شي خدامه ؟وش بتحس فيه؟ بتحط فبالك ع طول انها عجازه و مهمله ؟ أو بترضخ عادي و بتجيب لنه الكل عندهم؟ مااتوقع يحتاج شغاله لانه ماله داعي في بداية الزواج شغاله من كثر العيال اللي عندنا عاد اما اذا هي طلبت راح يدل انها مو قد مسؤولية البيت عشان كذا ليه اتزوج انسانه مو قد المسؤولية أقتباس- لو توك كافل خدامه و قالت الحرمه ما أبيها ..هذه بطيئه و كسوله ؟ يعني تتوقع سبب وجيه يخليك ترجعها و تصرف فلوس اقين على غيرها ؟ عاد يلا عاد ايش الدلع ماتبي الشغاله جايب الفلوس من الشارع اذا تبي شغاله مرة ثانية بتكون على حسابة هي اما انا مو دافع شيء وحده وبس وترضى في الامر والواقع وغيره ماعندي كلام هااااااااااجر ياخطيرررررررررررة انتي لاتنسين السواقين زوجة الاب طيب إلى الامام دوما هاجر قلبتي المواجع ويارب موضوعك يكون سبب لمعرفة فوائد الشغالات مو بس مضارهم كم يوضوح الاعلام مع تحياتي التوقيع: . . . . أنا هنا عشـــــان خاطر عنونك . . . .

19-12-2008, 04:48 PM	#13
ღروحـ الأمــلღ الفَائِزه فِي فَعاليِات " النظَم الرمضَانيِه	رد: لــعـــيون خــداااااامـتـنـاااااا........ مـسلم التميـآط أقتباس الشينه اسمها شاندرا لآيـكون آللي عندنـآ .. أقتباس1- وش اسم خدامتكم ؟ هههه امزح..بس يعني هيه زينه و الا لا ..؟ تتوقع ليش مو زينه؟ هيه السبب و إلا انتو..؟ آلموجوده اللحين آسمهآ شـآندرآ ..والله آنهـآ شينـه موب سنعه آبـد,, كل مـآنقول شيء ماتسمع الكلآم ودآئما تشتكي من رجلينهـآ أقتباس2- وش افضل جنسيه للخدامات تتوقع..؟ آلفلبـين..يـآعندهم طـآقه بالشغل مـآشآء الله تنـآم الساعه 10 وتصحى5 تلقى كل شيء جـآهز 5- على راحتكم قولو اي شي سولفو عن خدااماتكم ..؟ آلخدآمه اللي اللحين عندنآ تشتكي من خوآتي الصغآر لان سوآلفهم كثيرهـ ومـآلتلقى اللي يسمعها غير اخوي اللي بسآدس عـآد الاخ متكي عندهـآ يوآسيها بس والله انها تنرحـم .. يـآقدعه انتـي يعطيك العافيه ع الموضوع رو‘ح التوقيع: - صَلُوا عَلى مَنْ بَكَى شَوقاً لِ رؤيَتِنا .. اللهُم صلِ وَ سَلِم على سَيِدِنا مُحَمَد . http://Ask.fm/loshii93 Twitter : @loosh20

19-12-2008, 06:28 PM	#14
بصمات الزمن قناص مميــز	رد: لــعـــيون خــداااااامـتـنـاااااا........ والله نسمع حكايات كثيرة عن الشغالات تحزن بس اهلي من يوم احنا صغار ما يجيبون شغالات في البيت وحتى مرة جيبنا شغالة قعدت بس يومين وما ارتحنا لها كثير ورجعتها أمي ومن بعدها ما جبنا شغالة .......... هــــــــــــاجر مشكورة عالموضوع المميز .. التوقيع: يارب ...

19-12-2008, 07:08 PM	#15
هـــاجر ( تلاوين المجلس )	رد: لــعـــيون خــداااااامـتـنـاااااا........ يالله .. يا سلااااااااااام .. قمـــــــة الروعه انك تنزل موضوع و تروح تنام بعدها ع طول ..ثم تصحى بعد خمس ساعات أو سته .. تلقى موضوعك مثبت و حول 13 ..رد .. <<أنواع الوناسه و الانبساط و الانشراح .. بس تدرون بتوهق في الرد عليكم ..مو كنكم واجد....ربي زيد و بارك .. والله الخدامات ماشي سوقهم .. بنزل موضوع عن السواقين المره الجايه زي ما اقترح أحد الأعضاء ..ههههههههه يا حبي لكم .. عاد جد فتحتو نفسيتي ....انبسطت بتفاعلكم نجي للردود.. مسلم التمياط ..\\ عطرت الأجواء بتواجدك ..لك ورده بمناسبة انك أول واحد يرد .. بس بالنسبه للخدامه يلي تقولك سلمان خان ..تدري يعني انا كمان عبالي مسلم ..ذا مجرد لقب لك بالمنتدى هنا ما توقعت اسمك الحقيقي كذا .. بالنسبه لي ..انت أول سعودي اعرف انه اسمه مسلم.. <<مسلمه لا تزعل مسلم ..انا احب الأسامي المميزه ..المش مكرره ..و النادره زي اسمك .. شاكره تفاعلك بيلســــان \\ يا شيخه يا عسل انتي ..أشكر تثبيتك و كانت فرحتي ستكتمل لو شاركتي بوجهة نظرك ع الأقل لو حطيتي اسم خدامتك هههههه يا حبي لك ...و لاسمك .. هههههههههه بالنسبه لردك ع التمياط بخصوص اسمي ههههههههههههه مدري بس ضحكني يومه يحلف على قولتك كني مشتكيه من اسمي .. مير تصدقين كثار يقولون اسمي حلو و انا أشوفه اسم حزين ..فيه فراق و هجر ..و سفر.. <دمعت شاكره لك بيلسان ..تواجدي دائماً مع هاجر ..لا تهجريها .. هل تعلم ..\\ اشكرك اولاً ثانيا يومك تقولين هيه جايه تنكرف و إلا ترتاح ..فأنا أقولك هيه جايه تاكل لقمة عيشها ..بكرامه .. يعني حرام تاخذ لقمتها بكرامه ..ضروري تنذل و تستعبد و تنكرف ع قولتك ..؟ بعدين الراحه مطلوبه ..و هيه مو جايه تنام اربع و عشرين ساعه ..بس لازم بعد العمل و الاجهاد ترتاح بعد الظهر ترتاح و بالليل ترتاح و اذا مريضه ترتاح و اذا متضايقه ترتاح ..لنها بكل بساطه بشر حالها حالك .. افرضي انتي مريضه ؟راح تقدري تنظفي البيت ..؟؟ افرضي فيك النوم؟؟ راح تقدري تسوي شي..؟؟ الرحمه حتى يرحمنا الرب ...عزيزتي ..شاكره لك ..مررورك .. تواق\\ هلا والله ..(تواق) لقبك من أول جايز لي كمان ..اقول التواق ذا ..تواق لمين يا ترى ..؟ كح المهم ياتي الإسم ذا أول مره يمر علي لاندونسيه احنا كان عندنا وحده اسمها تاتي .. بس الله يسعدك ع سالفة الهنديه يلي حبيتها ياخي ضحكت لين جتني أم الكحه .. و خصوصا انتحارها بالنهايه ..تحس فعلاً فلم هندي ..لو ما انتحرت ما تصير هنديه .. ربي يسعدك تواق و ان شاء الله تقر عيونك باللي انت لهم تواق...! هواها هلالي \\ النور نورك يا غاليه ..فرحتي قلبي بمعاملتكم للخادمه حقكم جعل العوايل كلها زيكم ..و الأمهات كلهم زي أمك ..في معاملتها للخادمه .. و جميل جدا ً حين قلتي انك تعتبريها اخت لك... Givenchy\\اسفرت و انورت بقدومك و حضورك ..و سالفة البوابه يلي قلتي عنها بطت جبدي توني اسمعها منك ..ما قد صدف و لاحظتها يعني ..بس لو انها موجوده على ما قلتي ..فعلاً شي يفطر القلب لحضورك نكهه ..أضيفها دائماً..لمواضيعي .. Zohour alreef\\ باقي ما صحصحتي وينك ههههههههه؟ أبو نجوى السهلي \\ سلم لي على نجوى أول ..ثانياً ..شاكره تشريفك للموضوع ..و قصم خدامتك رحمه هذه اسمها جاي ضابط مع موضوعي حقين رحمة الخدم ! ملاحظ معي ..؟ اسمها يقول لكم ارحموني ...بس الظاهر على طولها و عربجيتها هذه ..مثل ما قلت ..الظاهر لازم هيه ترحمكم هههههههههه الله يسعدك بو نجوى ..و يخلي لك نجوى لو انها موجوده و لو بعدها ربي يرزقك فيها .. الزعيمات \\ أبي أفهم انتو كم وحده ؟كم زعيمه عفواً ؟؟ ههههههه يعني أرد على مين الحين ..خلاص أبكلم الكبيره أنا ..وخرو انتو .. ههههه شاكره لكم المرور و عجبني الصراحه و الوضوح لما قلتي ..لو كنتي ولد ما تجيبين خدامه بأول الزواج تحياتي لكم .. فهد السهلي \\ ما كنت أبغى أفتح الجروح أنا لكن الموضوع هو عباره عن جرح دامي أصلا ..لازال مسلسل نزفه مستمراً ..إلى أن نجد حلاً و رحمه غير منقطعه لهؤلاء الخدم .. بس ضحكني اسم خدامتكم ..أجل (نامي).. أتخيل اناديها تقوم تروح غرفتها و تتلحف و تنام ..هههههههه عجبتني كمان قصة المطار و لما طلعت حلوه ما صدقتو انها هيه ..حسيت اني رايحه معكم ..و اشوف نظراتك اللي كلها فرح و استغراب انها و أخيراً طلعت حلوه .. ههههههههه يسعد لي مسائك ..(فهد) اسم غالي جدا ً ..قريب لقلبي.. الحرمان \\ اعتذر اولا ..ما حطيت رقم 7 باسمك زي منت كاتبه ..ما عرفت خفت اخربط بالمسافه هههههه بالنسبه للخدامات انهم يدعون لي ع موضوعي ذا ..يا ريت عاد بس ما اعتقد يدرون ان هاجر تؤازرهم هنا ما يعرفون عربي ..لكن جد مشالله ع خدامتك أجل من انتي تحبين و هيه معكم و الحين انتي 19 سنه ما ماتت ؟ متى بتنقرض ههههههههههههه امزح اسفه ..ربي يسعدها و يسعدكم يا شيخه ..أحس انها صارت جزء لا يتجزأ من العايله ..و فراقها صعب مرير أكيد و الدليل يلي صار قبل 3 سنوات لما جت بتسافر صح ..؟ شاكره لك ..ورده لحضورك .. هلالي إلى الصميم \\ هههههههههههههههههه فكره جميله والله ..السواقين فلم آخر ..و زوجة الأب فلم درامي أكبر منه .. لي معهم اذا شاء القادر عوده .. يعطيك العافيه لمرورك الكريم .. روح الأمل \\ صدقتي من ناحية الفلبينيات نشيطات ..و الأهم شغلهم نظيف يا اختي و ريحتهم كمان ههههههههه اوما السيلانيه و الهنديه ..الله الغني عاد ..لكن تبقى الاندنوسيه هي الحل الوسط .. كوني قريبه يا روح ..أشكرك يا غاليه .. تحياتي لكم ..تفاعلكم جميل رائع ..رحمتكم شاسعه لخدمكم كما ظهر في سطوركم ..عسى ربي يظللنا برحمته دائماَ و أبداً .. تقبلو ردي ..هاجر التوقيع: مكسـب عـيونـي من الفـرقـى مـزون تمطر لـطاريه.. و البرق أصدقـاي..!! ===== الله يرحمك