شبكة القناص - الموقع الرسمي للاعب ياسر القحطاني - كل واحد منكم يقول وشلون شجع الهلال (خاص بالاعضاء)

- الجمـهور الهــلالي (http://www.alqanas.com.sa/vb/f34/)

كل واحد منكم يقول وشلون شجع الهلال (خاص بالاعضاء)

بسم الله الرحمن الرحيم
السلام عليكم :

طبعا اغلب الاعضاء المتواجدين في هذا القسم دمهم (ازرق وابيض) وانا احد هؤلاء الاعضاء .... فاتمنى من جميع الاعضاء انهم يكتبون بداية عشقهم للزعيم ..... انا اول واحد ابدا :::::::::: بسم الله

بدأ عشقي لهذا الصرح الكبير وانا بالروضه فكان ولا زال والدي من اكبر المتعصبين الهلاليين في منطقة الجوف فكنت دائما احضر مباريات الهلال المنقوله على التلفزيون بجانب والدي الذي اذا ضاعت فرصه هلاليه اما ان يكسر كاسه ولا ترمس اهم شي ماتخلص المباراه الا وهو كاسر اربعة اشياء على الاقل بس الحمدلله كان الهلال يفوز وياخذني للبقاله ويشتري لي اللي ابي اما اذا انهزم الهلال يقول (( رح نم بفراشك وراك روضه بكره )) ...... واستمريت على الحاله حتى وصلت للصف الرابع ........ وصرت مثل ابوي مستحيل ان المباراه تروح علي ...... كنت دايم اخلص واجباتي قبل العشاء علشان احضر المباراه بعد العشاء تدرون ليه ؟؟؟ لان لو انهزم الهلال مستحيل افتح الكتاب .......... المهم يوم كبرت وصرت نص رجال يعني بثالث متوسط صرت من اكبر المتعصبين الهلاليين واذا احد غلط على الهلال بكلمه كنت امسح فيه الارض ....... بس مره تلقفت على واحد وسطرني ............ وبعدين طلعت للثانويه وكان في مباراه بين الهلال وسامسونج على استاذ الملك فهد المهم ابوي واعدني اني اذا جبت ممتاز بالاختبارات الشهريه يخليني اروح عند عمي بالرياض واحضر المباراه ...... انا ماصدقت على الله ..... والله وانا اختم قبل لاتبدا الاختبارات باسبوع والحمدلله جبت الاول وحجزلي ابوي قبل المباراه بيومين وانا ماني مصدق اني اروح واشوف اللاعبين على الطبيعه ....... والله وانا اروح ويوم رحت للرياض وجاء يوم المباراه ورحت مع ولد عمي للملعب ......... ولد عمي هذا تربطه علاقات كبيره مع جميع لاعبين الهلال المهم واعدني ولد عمي اننا نروح ونسلم على لاعبين الهلال بعد المباراه وانا ماني مصدق .... المهم قال يالله نبي ندخل للمنصه انا كلمت واحد من اخوياي وقلتله يحجز لنا مكانين بالمنصه .......... قلتله لا ..... انا ابي اشتري علم واجلس مع الجمهور ........ قال يادلخ بعدين مانقدر ندخل للملعب بعد المباراه بس طعني خلنا نجلس بالمنصة وندخل بعد المباراه .......... المهم وافقت وانتهت المباراه واحد صفر للهلال وبعدين صار ضربات ترجيح لان الكوريين فازوا بكوريا واحد صفر الظاهر ...............المهم خسر الهلال بالبلنتيات ......... قال ولد عمي اللاعبين زعلانين وصعبه اننا ندخل ونصور معهم ....... انا ارتفع ضغطي بس الحمدلله بعد المباراه بثلاث ايام وداني للنادي وسلمت على جميع اللاعبين وصورت معهم ,,,,,, لا وابشركم خذيت ارقام جوالاتهم واكلمهم الى يومنا هذا ................. والحمدلله اني هلالي ودايم رافع رااااااااسي .............