السلام عليكم ورحمة الله وبركاته

اسعد الله صباحكم بكل خير .. وكل عام وانتم بالف خير ومن العايدين الفائزين ان شاء الله ..


دعاتنا والشباب ..

|| ==========><==========||

قبل ان ابداء في الموضوع بـ اقول لكم قصة وقفت عليها بـ نفسي ..

في محاضرهـ في مسجدنا قبل مدهـ لـ داعيه مجتهد .. كان يتحدث عن التفحيط " كان محذراً " لكن للاسف اصبح جاذباً .. اغلب من في المسجد وقتها شباب واطفال .. ولكم بعض من حديثه انقله بـ المعنى ..( واركب الكامري واحطها بـ 2 وادز .. ويوم وصلت لـ اخر الشارع احذفها يسار ةاسحب الجلنط واثبت الطارهـ .. وافك الجلنط واعكس الطارهـ .. واجيب عقدهـ ونص ... الخ ) ..بعد كم يوم ولد عندنا في الحارهـ سرق سيارة ابوهـ واول ما شغلها ومشى .. صدم في سيارة جارهم انا ما اقول ان الداعيه السبب .. بس اتوقع .

في تجمع لـ بعض الشباب الملتزمين جزاهم الله خير في العزيزيه بـ الشرقيه .. وقفنا عندهم ونسمعهم واحنا في السيارهـ .. واحد من القائمين على التجمع يتكلم بـ المايك ويقول ( الليله بـ نفلها .. الليله بـ نشرب " يقولها بـ صوت عالي " ويكمل الجمله "بـ صوت منخفض" بيبسي ) .. وجمله ثانيه ..( من يخاويني لـ البحرين هاه يا شباب بنروح نأكل ونفلها " بصوت عالي قالها " وكلمها .. نأكل حلاوهـ بحرينيه ونفلها بـ طاعة الله " بصوت منخفض " )

||==========><==========||

نقاط :

# الله يوفق دعاتنا ومشائخنا الى ما فيه خير .. والله يجزاهم خير على حملهم هم صلاح شبابنا .. لكن يفتقد البعض منهم الى الاسلوب ..

# اقسم بالله العلي العظيم اني ما عرفت اسماء الحبوب المخدرهـ " الكبتاجون " الا من داعيه .. قالها في محاضرهـ وقال لنا اشكالها واللوانها .

# لـ نضع سنة نبينا عليه الصلاة والسلام هي القدوهـ .. ومن بعدهـ مشائخنا جزاهم الله خير .. امثال ابن باز وابن عثيمين وابن جبرين وال الشيخ .

# الفرق بين التحذير والترغيب شعرهـ واحدهـ .. اي خطأ بـ يغير المقصد والمبتغى .



مثال رائع ..

||==========><==========||

كثير من المواقف تهزني .. واتوقف واحاسب نفسي على تقصيري تجاهـ ديني ووطني ..

اخوي وصديقي الغالي ثامر القحطاني .. لم يتجاوز الـ 19 عام ومع انه يصر على تجاوزها وبكثير ايضا

انظم الى الكشافه في خدمة الحجيج .. ربما يكون امر طبيعي لدى البعض .. لكن ان يذهب من الجبيل الصناعيه الى مكه المكرمه براً ويترك الراحه طمعاً في الاجر .. تجاوزهـ كل المعوقات طمعاً بما عند الله ..!!




||==========><==========||

عدة نقاط :

# خدمة حجاج بيت الله الحرم شرف لنا .. نرى تجاهل الاعلام لـ من يذهب الى خدمة الحجيج " تطوعياً " .. منذ بداية موسم الحج ونحن نقراء ونسمع ونشاهد سيل كلامات الشكر لـ رجال الامن المتواجدين في المشاعر المقدسه وهم يستحقونه بكل تأكيد .. لكن الا يستحق ان تسلط الاضواء على شبابناً المتطوعين هناك .


# عندما نرى هذه الاعمال من شبابنا .. فهي تدفعنا الى عمل اي شي لـ هذه البلاد .. وتدعونا الى الفخر بهم .

# الشباب طاقه .. لا ينقصها سوى التوجيه الصحيح .

# لـ نقوم بـ واجبنا تجاهـ وطننا .




احس انكم تقولون هذا شايب لا تراي ما تعديت 21 .


اخوكم جرح يشكي

.

ياهلابك والله يامحمد منور المجلس بطلتك ياغناتي
ماشاء الله عليك حآمي حآمي , النقد ولا غير النقد في ضل تباريك العيد
..

ممم تفصيلاً وتمحيص بأمر الدعاة اعتقد راح استند مجبوراً
لقول ~ ان لكل مجموعه شوآذ ! يعني إنت تعرف وانا اعرف ان مو كل من قال انا مطوع
صار مطوع , ابداً وهالشي ولاحول ولاقوة الا بالله منتشر كثير ! :(
والبعض تلاقيه منصح ربنا وربه الله بس للاسف ماعرف شلون يسوق نفسه بالشكل اللازم !
والبعض تبارك الرحمن عرف كيف ينصح ولك بشيوخنا الكبار خير مثآل يعني الشغله متفاوته
..

يعني انا قبل فتره ايام الجنادريه قديمه , جيت احط اهلي في يوم النساء تفاجئت
بـ شيخين واقفين ع البوابه ويفصل بنات خلق الله ويقولها تستري من هنا ومن هنا .. خيـر وين حنا فيه !
اذا الشغله اثم , انت استر عينك من مناظرها بالاول !!
..

يعني الموضوع , جهل نوعا ما ~ اتمنى انك فهمت قصدي !
..



محمد حبيبي حبيت اعقب على شغله وهي اهتمام الاعلام بالمتطوعين
يعني بجد مو قاعدين نشوف هالشي ~ مدري عشانه مو منظم لـ لجنه او كيف يعني !!



محمد , هي وحده من ثنتين خلتك تنزل مواضيع خطيره زي كذا
يا انك للحين منخرع من حواري النظيم , ولا الشاي الانجليزي اثر فيك
محمد دايم شرفنا , تراني انتظرك دايم
لك يابطل ..

يعطيكـ العــافيــه ماقصرت

في تجمع لـ بعض الشباب الملتزمين جزاهم الله خير في العزيزيه بـ الشرقيه .. وقفنا عندهم ونسمعهم واحنا في السيارهـ .. واحد من القائمين على التجمع يتكلم بـ المايك ويقول ( الليله بـ نفلها .. الليله بـ نشرب " يقولها بـ صوت عالي " ويكمل الجمله "بـ صوت منخفض" بيبسي ) .. وجمله ثانيه ..( من يخاويني لـ البحرين هاه يا شباب بنروح نأكل ونفلها " بصوت عالي قالها " وكلمها .. نأكل حلاوهـ بحرينيه ونفلها بـ طاعة الله " بصوتمنخفض " )

حلوووووووووه هذي

خدمة الحجاج شي كبير يحس انه يقدم حاجه كبير المفروض

الاعلام على الاقل يكرم يحفزونهم عسان غيرهم يتشجع

على أجر انشالله ولله يتقبل منه صالح الاعمال

الله يهدي شبابنا على طاري التفحيط أخوي لو أموت ماركب معه سيارهـ

يسرع بشكل مو طبيعي المهم مرهـ كنت بروح المدرسه أخوي الكبير راح الجامعه

وخلني وماعندي الا هو ركبنا سيارهـ وسمي ونفخ عليه والله يحط رجله مايشيلهم

ونا ماسكه في الكرسي هذا ومابعد ياخذ الرخصه اذا خذاها مدري وش بيسوي

الله يصلحهم ويهديهم

عســـاكـ ع القــوهـ نحتــري جدــيدكـ

يعطيك ألف عافيهـ
واللهـ يهديهم إنشاء اللهـ

يعطيك العافيه

جزاك الله الف الف خير
تقبل مروري

مملكة الهلال

موضوع يستحق ان يرجع للصفحة الاولى لتتم مناقشته بشكل اكبر


قد ارجع ..لكن لضيق وقتي اكتفي برفع الموضوع