السلام عليكم
بمناسبه هالجو الحلو والامطار جعلها الله امطار خير وبركه
طرت علي هالابيات
بجــهز العــزبه وامشي على خــــــير
ودي بطـرد الـــــــهم عني والاتــعاس
وقـــت الفجرامشي مع صحوة الطـــــــير
واليل يدبر والفـــــــجر باول انفـــــــاس
واطـــلب مــن الرحمن خـــيرالمقــاديــــر
متــعوذٍ من كــــل شــيطان وســـواس
انا عشقــت الــبر سهــل ومحاديــــــــر
وخوة ارجالٍ علمهم فيـــــــه نومـــــاس
ومــــــــنزال روضٍ ممتلي بالـــــنواويـــر
عشـــبه رطــب مافــيه اعــواد يبـــاس
فيــــــــه الحباري مأخـــــــــذاتٍ دواوير
وماخـــذات اشكــــال من دون مقياس
تغـنيــــبه الـــــورقا باحلى التعابــــير
من لطـف جوه ماخــذه اجمـــل احســـــاس
واشب ناري بعـــد طـــــــــول المشــاوير
وحــط فــــوق الــــنار بنٍ امحماس
ولاصـــار لـــونه اشـقــر حـــول تســــمير
ادقـــه بنـــــجر ٍكــــــــــنه عـلى ســـاس
واخـــــــذ وحــــط فـي دلالٍ مبـــــاهيـــر
فنـجالهن يــطرد عــن الــراس الاعـماس
وقـــبل غـــروب الشـمس في حــزة عصـــير
الـي بـــــها يضــيق خــلق اكثرالنـــاس
ارقـى علـى المـرقاب وابـكيـفي اســــــير
ماصــابني همٍ ولا اوجســت هــــوجاس
وسلامتكم
بقلمي\عبدالحكيم السيف
03-11-2008, 01:04 PM
بجــهز العـــــزبه وامشي على خـــــــــير
العرض الشجري
