{ مـدخل
مانشدتك يالذهيب اللي لمحتك فـي يديهـاخابرك بين الضلوع ولا تخيلتـك قبالـي
يوم قفت بك وانا ماابكي عليك ابيكي عليهاانت ماتسمع وانا انادي بعد عمري تعالـي
كلمة ً ياليتنـي ماقلتهـا واخطيـت فيهـاجعلني ماأعودها اللي سببت بفراق غالـي
عاد راحت بس تكفى قلها ياللـي تجيهـاوالله اني ماتناساهـا ولا يطـري فبالـي
قلها تعرف مكان فراقنـا فيـه احتريهـاقلها شفني لحالي ,, قلهـا شفنـي لحالـي
معي شي ً من بقاياها وشعـر ً مانسيهـاانثره فوق الـورق بغيابهـا واعزتالـي
أول دروب الغرام حكاية ً قلـت أبتديهـامادريت إنها تبي تلحق على عمري وحالي
شف مواريها ابتلتني مثل مانـي مبتليهـاوقع الله في ضلوعي سهمها والقفر خالـي
والله اني لو ماابيها كان قلت اني ماابيهـابس أبيها ثم ابيها ,, لو على حذفت عقالي
جادل ً لا سولفت كن السواليـف تحكيهـاكنها تنساب مثل الجدول اللي في خيالـي
من حورها نظرة ً لا قلت : يالله ورديهـاوردتها كن ماللطرفها (السكـران) والـي
كانها ماجت بقلبي حالف انـي لا أقتفيهـالين ارد الذاهبه غصب ً على خشم الليالـي
الوكاد اني قضيت وصرت انا مدمن عليهاكل ماشميت ريحة عطرها يرتـاح بالـي
[ نبذه عن الجـبل بدر الظاهري الحربي ]
الاسم / بدر سعود عبدالله بن مضيان الظاهري الحربي
العـمر / 28 ’ السكـن / الرياض
العمـل / القطـآع الخاص
بداية النشـ ’ ـر / بداية النشر عام 1418 ـ الإنطلاقة من المجلات الشعريه مجلة
مشاعر ـ فواصل ـ قطوف ـ فروسه وشعر ـ وصفحات وقنوات الشعر المختلفه
الامسـيات / أمسية الجنادرية عام 1425ـ تمثيل المملكة لمرتين متتاليتين بالإمارات
ـ الاولى في مهرجان الشعر والقصه ـ امسيتين بالجامعه الامريكيه بالشارقة
ـ وامسيه بالفجيره ـ وكذلك تمثيل المملكه في مهرجان القضيه العربيه بالامارات ـ
وامسيه بجمعية الثقافه والفنون بالرياض ـ وامسيه أمانة الرياض بالرياض ـ
وامسية في مهرجان جده غير ـ وغيرها من الامسيات المختلفه واللقاءات التلفزيونيه ـ وشاعر المليون
[ قصـائد بدر الظاهري الحربي ]
عـزف وعزوف
ألقاك في بحر القصايد عناوين وألقاك في بحر النوايا نوايا
لا تلومهم وان سولفوافيك يازين حتى المرايا سولفت للمرايا
الغايب اللي سولفت عنه الاقلام راح وترك له بالمعاليق صوره
والله غيابه ضيق صدور الايام ما كان لغيابه أساس وضروه
أمد لك قلبي وروحي ويدي أمد كلي لك ولا تسأل إشتقت
جيتك بعد ماوقف الوقت ضدي معاهدك / لا تصير ضدي مع الوقت
يالله .. علشان ناثر شعرك العاطر رح معك يومين لا أنقص ولا أزود
واحلف بربي وربي للسماء فاطر إنك مابين الضلوع العوج متجود
لو العمر يمه يدين وينباع لا أبيع لك عمري وانا أسدد الموت
ورده تجي يمه وورده توقف له هو بس يقطف وأحسه يقطف أحلامي
لا يقطف الورد قولوله انا اقطف له ماصارت الورد يقطف ورد قدامي
ماهو حرام الظلم .. طيب أجل ليه تهدي عليه : ماهي هالليله وبس ..
الله وأعلم منهو الله يخليه اللي تغير ( ماهي هالليله وبس ) .
أحس هذا الكون لا غبت مفقود مدري أحس اني عن الكون غايب
ماقلت لك لا تغيب غب بس بحدود وإلا الغياب يصير بين الحبايب
سألت قلبي قلت : تقوى فراقه قال أيه لكن بعد موتي وفرقاك
شف ذا جواد الشعر ملكك وهذا إرسنه سره مراقيب .. سره جرهديه خجيج
سره مثل ماسرى عشقك بقلبي سنه سره كثر هالعزوف وكبر هذا الضجيج
كل اللي أبغاه والله منك سو إحسنه أضمني لي انت العزوف أضمن لك أنا الخليج
محبوبك قريب
جيت تتهادى تمايل تقل مابك عظام ياصبر ارضك على خيزرانك يالحبيب
جيت يادنيا المحبه .. ويادين الغرام لاتغيب الله يخليك ليه لاتغيب
عام من يصبر على البعد .. والاحباب عام دامني بعدك وانا (من طبيب اليا طبيب )
لك عيون (ن) كل ماشفتها قلت : بينام واثرها عيون(ن) تحد السهر بعيون ذيب
وين رايح ؟ تو ماجيت يابدر التمام شوف كيف أستأنس الليل والكون الرحيب
انت من جدك بتمشي حبيبي او كلام شف كذا تراك ضيقت بالي يالحبيب
ادري ان الخوف يجتاح قلبك في سلام وادري ان الليل يربك ومحبوبك قريب
بس واللي شبك الليل بخيوط الظلام ان هالليله هي الصح والباقي(صليب)
حلـم وردي
مانسيتك جعل ينســـــــاني زمــــــــــاني كيف تبغى انســــــاك وانت العمر كلـــــه
دوك : هذي ..كلمــتن ..بلـــت لســــاني والله احبك وأمـــــــوتك حــــــب واللــــــــه
عاد ..ودي ..يــــوم جيتك لــــو عشـــاني جادلك هــــــذا ابي كفـــــــــك تفــــــــــــــله
ودي آبحـــر فيـــك ياااابحر الأمـــــانــي كل عرقن من عــــروق القلـــــب بلـــــــــه
ليــــــه تضحك ..!
ليـــــه تضحك ..!
ليــــــه تضحك ..! حط نفســـك في مكاني : أغنتك : عن شوفتي (صــــــورة مجله )
ياااابعدهم ما ســــكن بالقلـــــب ثاااااني لك بقلـــبي جمـــر حب .... وفوح دلــــــــــه
كل ما قلت : آلتقيبك ..قلت : (مــاااني) يااااااا حلوووو مااااني على رمشن تسله
آآآآه لبى الوصل .. كلــــــه لو ثواااااني واااااهني من شــــــم عـــــــودك يالمــوله
أنت غير الناس ..... لكنك آنـــــااااني فيه خلــــن ماااا يضحـــي لجل خلـــــــــه..!
وش تبي..؟ حتى القــصـــايد والأغاني غير دربك .... ما لهــــا .. دربن تدلـــــــــه
يااخذ ابو الحب .. ماطرب موودماني ما يروح .. الا بقلبـــه كــــم عـــلــــــــــه
والله ان العمـــر دون رضاااك فاني قد عطــــيتك وعــــــد .. يعني : ماأخلـــــه 
بس خفف هالدلع وآنا بمــــكاااااني في قـــــدومك .. شمعتينن مسفــــهلــــــــه
وان تعودت الخطا .. ثم قلت :ماااني لا تلوم القلــب .. لامن قال : ياللللله..!
ماجيت ضــ ’ ـدي
أنا ادري انك يوم ماجيت ضدي في فرحتي القاك والقاك اذا ضقت
والله غيابي عنك ماهو تحدي الوقت هو كل السبب ياخذ الوقت
لا الكيف كيفي لا ولا الود ودي شف من عذابات الزمن وش كثر ذقت
الحال بعدك يالحبيب متردي واضح لو انك في ردى الحال دققت
لولا على رجم القصايد ماأعدي يمديك ياملح المحاني تفتقت
بشر عسى جالك مع الوقت ردي وعساك عن صدق المحبه تحققت
واللي حرم عيني سواليف خدي ماطعت بك عاذل ولا فيك صدقت
أمد لك قلبي وروحي ويدي أمد كلي لك ولا تسأل اشتقت
جيتك بعد ماوقف الوقت ضدي معاهدك لا تصير ضدي مع الوقت 
ونـــآسه
بغيت أطير من الفرح والوناسه لا وش بغيت أطير الا قسم طرت
ولا دريت إلا وأنا ابوس راسه قبل اسئله وأقول وش بك تأخرت ؟
ماهو أنا قلبي من الشوق باسه وألا انا لو هي عليه تكبرت
يكفيني انه جاء وهذا إحساسه يحس فيه .. لا قلقت وتوترت
لا يابعد هالعالم وبعض ناسه عز الله اني يومي اخترته اخترت
جمعت له مابين لوله وماسه أحلى صور للشعر : يعني تصورت 
إن الفضاء هذا بكبره مقاسه رغم التفجر توني ماتفجرت
أمووووت من مبلوله إليا يباسه وامووت به واحياء ليا من تذكرت
إنه من أيام الصبا والدراسه وهو يداري خاطري لا تكدرت
واليوم جاء من دون حشد وحراسه مخطي عليه .. وتوني ماتعذرت
شفته وطرت من الفرح والوناسه وشلون طرت .. الله وأعلم ( كذا طرت ) .
دروب الغـرام
مانشدتك يالذهيب اللي لمحتك في يديها
خابرك بين الضلوع ولا تخيلتك قبالي
يوم قفت بك وانا ماابكي عليك ابيكي عليها
انت ماتسمع وانا انادي بعد عمري تعالي
كلمة ً ياليتني ماقلتها واخطيت فيها
جعلني ماأعودها اللي سببت بفراق غالي
عاد راحت بس تكفى قلها ياللي تجيها
والله اني ماتناساها ولا يطري فبالي
قلها تعرف مكان فراقنا فيه احتريها
قلها شفني لحالي ,, قلها شفني لحالي
معي شي ً من بقاياها وشعر ً مانسيها
انثره فوق الورق بغيابها واعزتالي
أول دروب الغرام حكاية ً قلت أبتديها
مادريت إنها تبي تلحق على عمري وحالي
شف مواريها ابتلتني مثل ماني مبتليها
وقع الله في ضلوعي سهمها والقفر خالي
والله اني لو ماابيها كان قلت اني ماابيها
بس أبيها ثم ابيها ,, لو على حذفت عقالي
جادل ً لا سولفت كن السواليف تحكيها
كنها تنساب مثل الجدول اللي في خيالي
من حورها نظرة ً لا قلت : يالله ورديها
وردتها كن ماللطرفها (السكران) والي
كانها ماجت بقلبي حالف اني لا أقتفيها
لين ارد الذاهبه غصب ً على خشم الليالي
الوكاد اني قضيت وصرت انا مدمن عليها
كل ماشميت ريحة عطرها يرتااااح باااالي
مـي مـي
نادوك في (مي) لكن (مـي) بلسانـي
************* بضمها لين تطرد (ميمهـم)( ميمـي )
يعني بناديـك (مـي) بلفظـه الثانـي
************* يحق لي يـوم أنـادي قايـد الريمـي
مادام لـك يالحبيبـه وسـط وجدانـي
************* مركب وموجة غرام وساحـل أقليمـي
خليني أشـب ليلـي واعـزم ألوانـي
************* أبرسمـك وأتفنـن مــع معازيـمـي
مدري عشـان الشعـر وألا علشانـي
************* يومـه ترزمـك هتانـي قبـل غيمـي
قصدي ترزمـك غيمـي قبـل هتانـي
************* أجل لي الحق فـي أخـذي وتسليمـي
لعيونك اللي بحرهـا يستـر أحزانـي
************* اللـي ليـا شفتـه ضاعـت مفاهيمـي
والله ماجيـت لعيونـك كـذا عـانـي
************* وانـا مغاتيـري تسابـق مجاهيـمـي
إلا عشان الهوى اللي شوقـه أضنانـي
************* مبطي وقلبي ياحلوه بالهـوى امريمـي
إيـوالله أغليـك ياسرايـة أوزانــي
************* يعزفك شعري وترقص لـك ترانيمـي
في غيـرك الشعـر ياحلـوه تحدانـي
************* واليوم أنا أحضر بعينك (حفل تكريمي )
قبـل تقوليـن ودعنـي ولا أعطانـي
************* رأيه بزيني .. ورأيـه فـي تقاسيمـي
أنتـي جمالـك قـسـم بالله ربـانـي
************* زينـك مقيمـي مايحـتـاج تقييـمـي
لكن محيرني اسمـك واسمـك الثانـي
************* فـي أي منهـم أنـادي قايـد الريمـي
تـدري أبجمعهـم الاثنيـن بلسـانـي
************* يعني : إذا جيت أنادي قلت : ياميمي ..
دم الخـليـج
الشعـر طيـر الضلـوع الـي يمـل الغيـابلاشاقهـا الطلـع سلمـتـه لفـكـر بــدوي
وفكت له اسبوقها الأفكـار واعطـى السحـابكنـه مـن السابـحـات وغيثـهـا يـرتـوي
ماكـل حـر ليـا منـه نـوى يجيـب جـاب بعض الحرار الله عالـم يبيـلـه شــوي 
وانـا ليـا حـام مقنـاص القلـم والكـتـاباسمع لصـوت القصايـد فـي المحانـي دوي
قولولهـا ماعلـى وجـه القصايـد حـجـابياقف علـى سترهـا الـذوق الرفيـع السـوي
يابنت يابنت يابنت لايشغلك ياكود نقش الخضابوالا المسافـات تطـوى فـي عيونـك طـوي
دمي سعودي وتجري فـي الضلـوع الصعـابمتـحـزم بالقصـيـد ومتـكـل بـالـقـوي
دمي خليجي وتجري فـي العـروق الصعـابمتـحـزم بالقصـيـد ومتـكـل بـالـقـوي
معـي ليـا قلـت الحيـلات شلـفـا ذيــابومعـي ليـا كبـرت القـالات شلفـا جلـوي
بالشعـر ماوصلـت فـي شلفهـا للـحـرابولـو أن كـلـن يفـورهـا بــدم حـمـوي
جمعـت ثنتيـن شعـر ومفحميـن الـركـابقبيلـة ( ن ) تلـوي ذراع الصعايـب لــوي
أطرح سؤالك علـى التاريـخ حـرب الجـوابلاعـودت لـلأصـول وكــل قــوم وذوي
والله ولا يحلـق الشاعـر مــلام وعـتـابلي مـع قبايـل هـل الطـالات درب وخـوي
كلـن واخـذ مايسـده مـن قـراح الـشـرابالـي ورد جمهـا مــن جمـهـا قــد روي
والا هجـوس القصايـد كـل مالقـاه شــابتنقـض جدايـل شعرهـا للـورق وتـحـوي
والشعـر حـر ركزلـي عاتقـه واستـجـابلاشاقهـا الطلـع سلمـتـه لــراس بــدوي
والقـصائد كثيره لكنني لا املك المساحه الكافيه ,, 
[ بدر الظاهري يكتب ]
الموضوع / بين جمادية التصويت وجمادية قلبي
أحبتي عشاق الشعر , عشاق المجد,أهل الشموخ والعزه , أخوان المكارم والنخوه , أصحاب المنازل العاليه .
في البداية لم تكن مشاركتي في برنامج شاعر المليون مقتصره على إثبات شاعرية بدر الظاهري فقط , وهو الحق المشروع لكل شاعر , و تقديم تجربته الشعريه في منبر إعلامي ضخم كـ برنامج شاعر المليون , الذي إستطاع أن ينقذ الشعر من موت محقق , في ظل تداعيات الساحه وأبوابها الموصده تجاه الشعر والشعراء .
ولكن من أهم الأسباب التي تدعي للمشاركه : هو السؤال الذي تكرر كثيرا على مسامعي منذ إنطلاقة شاعر المليون بنسخته الأولى , أين شعراء حرب من هذه المسابقه ؟ , حيث بات هذا السؤال الشغل الشاغل منذ الإنطلاقه الأولى للبرنامج , كما أن الإجابه لن تكون سوى إجابه فعليه بإعتلاء المنبر , والجلوس على الكرسي , وإمتطاء صهوة الشعر والإرتقاء به , والحمد لله أنه تحقق المأمول في تمثيل بلدي وقبيلتي وقبائل الشعر كما ينبغي .
طيلة مراحل المسابقه , وأنتم معي , كما أنا معكم , والهم والهدف جماعي ومشترك , وهذا ما ليس غريب عليكم ياجمهور الشعر وعشاق الإبداع وإنصافه , فعلا فقد أنصفتم الشعر قبل إنصاف بدر الظاهري , وانصفتم بدر الظاهري بعد إنصافكم للشعر , حتى جمعت بكم جميع المزايا الكريمه الطيبه التي لا تليق إلا بكم .
كنت أبحث عن جمهور متزن , عاقل , واعي , كريم , طيب , يفرض إحترامه على الجميع , والحمدلله إني حققت هذا التكامل الفريد بكم .
وعندما أقول جمهور كريم , فإني أؤكد بأنكم أكرمتموني وأهتديتموني قلوبكم الوارفه بالحب قبل أن أهديكم " البيرق " , ولكن قدر الله وما شاء فعل " .
أحبتي قبل أن تصل أصواتكم لجهاز التصويت " الجماد " , فقد وصلت إلى قلبي " الحي " وتربعت على عرشه , وعلى قدر سعادتي بكم , فإن السبب لحزني هو أنه لم يبقى سوى " خطــــوه واحده " للوصول لمبتغاكم , وتحقيق ما سهرت عيونكم من أجله , ولكن قدر الله وماشاء فعل " .
لن أقول "شكرا لكم" , لأنها لن توفي بما في داخلي لكم , سأقول " أنالكم " ماحييت .
وهذا وعد أخر مني , وهو تقديم ما يرتقي إلى ذائقتكم , وما يعزز هذا الحب بيننا , والعزه والشموخ والكرم والأصاله وكل ما تتميزون به , ولا يتميز به غيركم .
من البحر للخليج وفي كل مكان , كل المحبه والعرفان .
رساله عاجله قد تحتمل التقصير , وأنتم من يدمح الخطاء , ويكمل النقص .
محبكم
بدر الظاهري الحربي
[ صور الجبل بدر الظاهري الحربي ]
الصور من موقع الشاعر
[ بدر الظاهري الحربي على " اليوتيوب " ]
[ الخـتآم ]
اعتذر لـ عدم تنسيقي الموضوع بشكل يليق بهذا الشاعر وبالقسم
واتمنى اني لم اضع اي مخالفه لدستور هذا القسم
<--- خايف 
اخوكم / فهد القحطاني
22-05-2008, 11:15 AM
رد: | .. جـبل الشعر [[ بـدر بن سعود الظاهري الحربي ]] ’ في سطور ... ~ .. |
العرض العادي
