بسم الله ..
مساءكم عسل وبعد ( 10 ) دقايق أقول صباحكم سكر 
<< آوت
آوت والا تسلل
المهم جبت لكم اليوم صورة معبرة بعد ما سمعت عن الكثير من الحوادث بسبب السرعة الزايدة
وبعض الناس وخاصة الشباب - الله يهديهم - ما يبالون بالسرعة ولا بأهمية الطريق
أنا أول واحد يسرع لكن بعد ما سمعت عن قصص كثيرة قررت اني ما أسرع
لو الواحد يفكر شوي ويقول وش سبب السرعة وليش أنا أسرع ؟
جربت مسافة 50 كيلو في طريق سريع ومشيت فيه بسرعة 160 قطعتها في وقت معين
جربت مرة ثانية في الرجعة بسرعة 120 .. تدرون كم الفرق ؟؟
الفرق فقط 5 دقايق
يعني ليش أعرّض حياتي للخطر وأعرض حياة الناس للخطر معي
إما بانفجار إطار أو زحف السيارة خاصة ان السيارة كلما أسرعت يخف وزنها
وتصير عرضة للانزلاق في أي وقت
هذي مجرد نصيحة أخو لأخوانه ..
<< كني أشوفك تتفلسف شوي
لا صدق بكيفكم أنتم .. تبون تسرعون تبون تهدّون اللي تبون سوّوهـ 
اللي في قلبي قلته وصدقوني ما طلع من القلب إلا الشي اللي يحز في خاطر الواحد 
:: ما أطول عليكم هذي الصورة ::
دمتم بـ ود ,, 