.
.
وش بقالي من سواليفٍ عطت
كل أمانيّه ملامح حب جريح
أكذب الضحكات بسماتٍ بكت
وصدق الضحكات دمعاتٍ تصيح
ووفى اللحظات جرحٍ بي سكت
وقسى اللحظات واقع بي كسيح
ضاقت الدنيا بعيني وصغرت
كل جميعي حل بياسي ظَل نزيح
لا تساومني على كلمه سرت
من شفاتي تلتمس عذرٍ يبيح
ذي حياتك عيشها زي مابدت
شوف نفسك وبتسم خلّك فريح
كل طعون القلب ياما إشهقت
من مواجع أوقعت فيني طريح
بين حزني ضيْ مفاتنها عطت
ذي حلومي كل معالمها تشيح
في رياضي هم ظنونك كم طغت
دمّرتني وستباحتني صريح
خاف ربّك ياظنيني ما شَفَت
هاك جرحي لامس الفرح الذبيح
جالسٍ مابين أيّامٍ مضت
أنظر الحسرة هلاكٍ بي فسيح
ما كفاكي كم طعونك إقتلت
ناظري وردك غدا ماضي...ضريح
بوعدك بنسى عهودٍ إذبلت
ذابحٍ حبّك بسيفي...مستبيح
كل دروبك ملّها حضني هوت
هات قلبي وش تبيبي... بستريح
خــالد بن عـلـي
.
.
.
.