وإلـــيكم بــعــض الأدلــــة :
1- التعاقد مع سعد الحارثي في صفقه غريبه وملفته لـ النظر
وكأن الرساله توجه لياسر بطريقة غير مباشرة ( ترى مالك مكان ومانبيك )
البعض منهم مايبيه كمنتمي للإدارة , لكن الجمهور يعشق شي اسمه ياسر وهذا أكبر شي يخوفهم ويشكل ضغط كبيييييييييرعليهم , فعلى اي اساس الادارة تدهور النادي لرغباتها ؟؟!
2- الاعاره لم تكن عن طريق الجهاز الفني بل كانت عن طريق الجهاز الاداري
يعني القرار مو مبني على أمور فنية مبني على أمور اخرى .
3- دول كان يُـلقن كلام من قبل الادارة لجل يظهر فيه قدام الإعلام ..
لكنه فضحهم بعد فسخ العقد , وايضا قبل فسخ العقد هو ردد كثييييييير انه يحتاج لياسر
لكن الادارة الهلالية سبحان الله تطلع [ تـنـظـِّر ] في الإعلام
وتقول إن المدرب يقول : لا أحتاج ياسر , وأحتاج عيسى أكثر من ياسر ..؟؟!
4- التضليل الاعلامي والجماهيري في الموسم الماضي كان فيه ان وخواتها لجل تتم عملية الاعارة ..
5- خالد عزيز ظهر في تصريح له يقول ان اجواء النصر ساعدت في ظهوري يعني بالعربي اجواء الهلال سيئة , لكن الاعلام الهلالي يحب تضليل الجمهور الهلالي لمصالح الادارة والادلة كثييييييييييييييرة , يعني إدارة النادي بالعربي كثر الله خيرها 4 مواسم والحمد لله طقت كبودنا .. شكرا لهم , نبي ادارة جديده تحترم الجمهور الهلالي !
6- الاخبار من المصادر المقربه لـ النادي في تويتر ما تبشر بالخير أبد مع الأسف
وانفضح الكثيييييييير من خلال هالمصادر اللي تكشف ماخلف الستار والمتابع للمصادر اكيد فهم كلامي ( على الطاير ! )
7- عضو مجلس الادارة طلع في برنامج كورة وأشرعلى ياسر وسعد ومالك وقال هـ الثلاثي مستواهم غير مرضي , نمشي مقارنة ياسر بـ هالاسماء اللي ماتلعب مع فرقها إلا مباريات لاتتجاوز عدد اصابع الايدي ..
لكن أن يتم التعاقد مع سـعـد ومستواه في ( الحظيظ ) , وبالمقابل يعار ياسر بطريقه مخزيه للعين .. أي استفاده فنية يدعيها هؤلاء ؟؟!
ألا يستحق هذا الأمر بـ أن نضع ألف علامة تعجب ؟؟؟!!!!!!!!!!
( هذه بعض وقليل من الأدلة والخافي " أعظم " )
^ انا كنت.. معك ف الموضوع لين وصصصلت لهكلامم .. بخصوص خالد عزيز صصراحه انصدمت من كلامك يعني بيئه النصر افضل من الهلال ممستحل .. وخالد يبي النصصر وهالشئ متعارف عليه وانتقاله للشباب كان كوبري , وياسر راججع لهلال , والادراه ما طقت كبودنا على قولتك سوت كل شئ عشان ترضي جماهير الهلال وانتقال ياسر بطلب منه هو شخصيا وياما قالها وكل يوم يقولها ف ماله داعي الفلسفه والشوشره ..
يعطيك الف عافيه ..