عرض مشاركة واحدة
قديم 07-01-2012, 12:44 AM   #1
قحطانيه والوفيه
قناص جديد
 
الصورة الرمزية قحطانيه والوفيه
 
افتراضي قسم بالله ما قبلك غياب ولا بعدك حضور

تدور الارض وتدور السوالـف والسنيـن تـدور


وانا لو أعرف اللي راح ماني بـعـرف الباقـي


يقولون القصيد شعور .. والشاعر بـدون شعـور


واقـول الله يعاقبنـي اذا ماهـو مـن اعماقـي


أنا لو أكذب بشعري وقف نبض ويبـس حنجـور


وقادر أخسـر الدنيـا .. عاجـز أخسـر أخلاقـي


ولاجل عنق المها والصوت الأدفى والعيون الحور


وقف عمري ولا أدري ويش أنا من وقفته لاقـي


قسـم بالله ماقبلـك غيـاب ولا بعـدك حظـور


لكـن ودي بفرقـاك لـو مــاودك فـراقـي


تعاتبنا بما فيـه الكفايـه مـن ثمـان شهـور


وسالت دمعتين وطاح قلـب وماتـت اشواقـي


تعدتـك المشاريـه وجفـاك اللـوم والمستـور


اذا ما يكشفه صوتـي كشفـه الحبـر بأوراقـي


تعبت أضحك على نفسي وأبرر لك وأعيش الدور


وتعبت أجامل ظروفك وأصـدق كذبـك الراقـي


يكفيني أغيب وخافقـي ماجـاك منـه قصـور


ويكفيـك أتذكـر كـل ليلـة لهفـة اعنـاقـي


تذكر يـوم أخليـك اتباههـا كبريـاء وغـرور


يوم اني أتحـدى بـك وأخيـب هقـوة الهاقـي


وتذكر يوم أعذرك وانـت لاصـادق ولا معـذور


أدور لـك عـذر وأصدقـه وأكـذب أحـداقـي


وتذكر يوم جيت من الحزن متضايـق ومكسـور


فرشت لك الضلوع وقلت لـك ياسيـد عشاقـي


خذ ضلوعي وابن فيها يسار الصدر بيت وسـور


ترى مافيه قبلك من سكـن صـدري وخفاقـي


وبعد هذا رحلـت ولا بقـى الا بيتـك المهجـور


ولا ياكبرها اليا من رحلت ومنزلـك باقـي ..!

قحطانيه والوفيه غير متواجد حالياً   رد مع اقتباس