ياليل ما اطولك على هلاخبار اللي صجونا فيها ولجونا والمشكلة رجعتوا لنا همومنا الله يسامح اللي حط هالاخبار ان كانت كاذبه >> حسبنا الله ونعم الوكيل وان شاء الله ياسر هلالي وان شاء الله الموسم الجاي راح يكون افضل من كل المواسم السابقة لياسر ويانادي العين ترى طيحتوا الميانه معانا اخذتوا رادوي ويالله يالله بلعناها عاد تجون تاخذون ابن النادي ياسر القحطاني هذي لا والف لا وان شاء الله انه ياسر راح يثبت وجوده الموسم الجاي رغما عن كل انف | رغما عن كل انف واذا كانت راحة ياسر في العين ما ادري وش اقول بس الله يوفقك في اي مكان واي زمان وبعدين ترى الدوري الاماراتي من اضعف الدوريات في العالم ونادي العين من اضعف الفرق في هذا الدوري يعني اتوقع انه روحت ياسر للعين راح تخلي ياسر ينتكس وهذا الشي مانبيه يا ادارة الهلال ! لاعب ترك ملايين البلوي عشان الهلال ولاعب خدم الهلال ولاعب كبير وافضل مهاجم سعودي في الفترة الحاليه تجون انتم تبيعون عقده او تعيرونه وفي السنه الماضية جاكم عروض افضل من ذا العرض من اندية انجليزيه وماخليتوا ياسر يروح لها !! والحين تبيعون عقده لنادي ضعيف عجبا لادارة يقال عنها مثالية وهي تفعل هذا الفعل لماذا ترخصون بياسر ولماذا الامير عبد الرحمن بن مساعد يتكلم في هذا التصريح اضغط هنا لمشاهدة ما قاله الامير ليش يقول لانية اطلاقا لاعارة ياسر وسيبقى نجم هلالي ليش مادام انكم بتعيرونه على قول الصحافه ليش تصرح وليش تكذب وليش تلعب على عقولنا ؟؟ >> اذا صدقت الاخبار وبعدين اعتمادكم على ياسر وحده وعدم الدفاع عنه هو سبب من اسباب نزول مستوى ياسر تذكرون كل شي سالفة اهازيج الجماهير وسلفة الامير فيصل بن تركي و.. و.. و.. وكله ياسر يتحمل لوحده !! حشا ماصارت تدافعون عن اللاعبين الاخرين وياسر ليش ماتدافعون عنه ؟؟ وليش تقولون اننا دافعنا عنه وحنا نسمع مالا نرى يا ادارة الهلال اعرف الامير عبد الرحمن انسان حقاني وانسان ناجح في عمله وايضا الامير نواف بن سعد وسامي الجابر اتحدث عن ادارة الهلال ليش كل هذا تسووه في ياسر ياناس ابي اقول الصراحه يقولون اننا دافعنا عنه وما ادري ايش بس مانشوف هذا الشي يعني كلام بس كلام كلام والله اعلم والجمهور الهلالي اول مره اشوف جمهور الهلال يحطون تواقيع ضد لاعب هلالي واول مره اشوف حملات ضد لاعب هلالي اول مره اشوف جمهور الهلال كذا طبعا البعض مو الكل الحين بتكلم مع اللي يعدون ارآئهم صحيحه ماعمري شفتكم تتكلمون عن محمد نامي محمد نامي وش وجوده في الهلال ؟ يعني وش دوره في الهلال تعدون ارواحكم انكم تعرفون للكورة وكل شي لكن نقطة الظهير ماتتحدثون عنها نقطة انه محمد نامي مايفيد الهلال لو انتم متابعين صدق كان تكلمتوا ومستوى نامي للاسف مايصلح للهلال ابدا واذا على اللي سويتوا في ياسر ترى نامي يمكن يستاهل اكثر من اللي صار لياسر لكن لانه ياسر سويتوا فيه كذا ليش ماتكتبون وتقولون هماكم تفهمون في الكورة وما ادري ايش وتهمكم مصلحة الهلال هل مصلحة الهلال في انه محمد نامي يبقى ؟؟؟ حسبك الله يا ياسر كل هذا تلقاه ويلومونك لانك تخرج في الاعلام وتتحدث يلومونك ويلومونك وانت بفضل الله صامد عجبا لكم من جمهور وعجبا لكم من ادارة مثاليه انا لا انسف عمل الادارة ابدا ادراة الهلال افضل ادراة في الوقت الحالي لكن مايحصل الان لايسكت عنه اعتذر ان اخطأت ولكن لابد ان اقول الحقيه وما اراه الله يوفقك ياياسر ويسعدك ويخليك تلجم كل من تحدث عنك بكلام خاطئ وسوا عليك حملات وما ادري ايش والله يحلي ايامك نيوز شكرا لكم جدا