عرض مشاركة واحدة
قديم 21-07-2011, 09:25 PM   #6
Yasser Heart
. . : زعيم القناصين : . .
 
Arrow × ولاية مينيسوتا | State of Minnesota





















× ماراح أبدأ التقرير مثل يارا صياح وموادع وفراق
الصيف جى والسفر حان طاريه الرحلة كانت بدايتها أول أسبوع في العام
الدراسي الأول أمممم بالضبط بِـ الأربعاء 20 / شّـوال / 1431 هـ
وأنتهّـت بِـ 16 / ذو القعدة / 1431 هـ 26 يُوم أجمل أيام عمريّ
عشتها هيناك وكان وقتها على رجعتي مباراة الهلال والنصر ض1
بِـ دوري زين

,

طبعاً توجهت من البيت الساعة 9 أو 10 للمطار
والرحلة 12 ونص الإقلاع قبلها كنا ندور شيء دايركت أيام الحجوزات
فّـ كانت باريـّس المحطة من الرياض إلى باريس 6 ساعات
الرحلة على الخطوط الفرنسية وبطلة كانت




ياعليهم بسكوت بطل بطل بس مدري وش أسمه




ماكنت تبي تطيح ذي أبد



طبعاً التصوير ممنوع وذي كلها برنتات من الفيديو
بس الدقة موب زفت آل زفت واللقطة تبين أني زابن الكام ض1



وصلنا بااااااااريـّس
الجُو كان بارد بقووة وبعدين التوقيت
أظن متقدمين عننا ساعة بالضبط



وشفت السوني أستقبلني بالصالة بس الأشرطة خايسة
< يتشرط ض1 / طبعاً طولنا بالمطار تقريباً 10 ساعات بالمطار
بس فلللله ماكانها 10 يعني تجهيز المطار تجهيز كااامل ماتحس بالوقت
كلش متووفر سواء الصغار أو الكبار



وجى شغل الكّـام
هذي طريقة الصالة كانت تشمل محلات ومطاعم وألعاب
وأشياء كثيرة متوزعة بالصالة







أشكال التكيف عجبني
الزاوية توحي بحس مصور لازم ينزل بالضوئي ض1




الصالة من جانب آخر




هذي المنطقة مستلمينها العجّـز
مثل مايقولون ريلاكس بعيد عن الإزعاج داخل الصالة




هذي آخر الصالة طبعاً وراي النزلة بعدين الصورة
اللي قبل شوي حقت الجلسات اللي بها كراسي



آثناء رجعتي من آخر الصالة شفت هالمنظر
قايل لكم حس مصور ض1 قعدت على الكرسي ومتردد أصور
حاس أن الرجال قافلة معه خفت يسمع صوت الفلاش
وش أسمه عطونا بيت شّـعر عليها
< تأثرت وأنا أصورها ض1



بعدين أعلنوا الرحلة المتوجه لِـ مينيسوتا وبالتحديد
مدينة مينيابولس طبعاً هي أكبر مدينة بالولاية وركبنا
المترو اللي بالصورة








طبعاً أخذنا من باريس إلى مينيابولس 8 ساعات
واستأجرنا سيارة وتوجهنا لِـ روشستر تقريباً ساعتين أو ساعة

بس الطريقة متعة متعة




وقربنا من المدينة على الحدود



أخذنا برجر كينق لأنا كُنا نتضور جُوعاً ض1



المستشفى طبعاً له مباني كثييرة بالمدينة والمدينة قائمة عليه أصلاً
يعني الفنادق والشقق أغلبها مراجعين طبعاً له أنشطة خيرية وفعاليات
يسويها اللي بالأسبوع واللي بالشهر



اللي في الزاوية مطعم إيطالي شيء خااالع




كان فيه عرس قلت وش هالعرس الضحى ض1
ولا فيه أحد كانوا يصورون المعاريس ومعهم مصورتين بغيت أدخل
بس قلت توني واصل خلني أسحب نفسي العرس الثاني أن شاء الله ض1






هينا مبنى التنويم ومبنى التشخيص والمراجعة واحد ثاني الكبير
بس فيه جسر متصل لو تلاحظون بالصورة على اليسار



أبد ميب حارة خوال بس أنهم مسلمين متنويع من أفريقيا
فيه مسجد طبعاً من اللفة بانيه واحد إماراتي ويصلون فيه الفروض والجمعة
بس توفى الله يرحمه وصلوا عليه صلاة الغائب يمكن الأسبوع الثاني
من وصولي توفى رحمة الله عليه



هينا سوق ومحلات واللي على اليسار مكتبة





صورة المكتبة من داخل بطلة مرره ومنظمة وفيه تحت بعد




السوق من داخل



والشيء القزاز ذا البنك








هذا الفندق من داخل اللي سكنا فيه المدينة صغيرة وحلوة
يعني السوق والمستشفى والمطاعم تقدر تخلصه بدون سيارة




الفندق اللي على اليسار اللي لوحته زرقاء
تقريباً تعتبر المنطقة ذي وسط المدينة




مثل الخريف اللي عندنا
هذا وسط حي سكني



مبنى سكن طلاب وموظفين



أفلقني يا الخوال ض1



المدرسة شيء بططططل من جوى الثانوية
بس ملعب السلة وش كبره من داخل لو أنه كورة أبرك
عاد يوم زيارتي < أوخس يا الزيارة ض1
كان وقت الفسحة وكذا قروبات يأكلون عاد فيه طاولة أشرت
منها بنت تحسبني طالب جديد تبيني أقلط بالطاولة ض1
أبد ماجت نظرة من خالي خلتني أسحب نفسي ههههههه




هذا جانب من مبنى مايو كلينك مقره الرئيسي هينا بِـ روتشيستر
المُـلقبة بِ روش تأسس بِ 1889 وهذا الموقع الرسميّ
www.mayoclinic.org






من داخل المستشفى صورة المدينة من فوق المباني متركزة
حول المستشفى فقط والباقي سكن وبحيرات المدينة حلوة وهادية جداً
طبعاً العمارة الرصاصية هي عمارة لِـ شخص إماراتي





عجبتني هالرسمة
مثل اللي بالحواري عندنا إذا بدع بدع رسم كامري
حط لنا طبيعة ولا نهر نبي نتخيل بس ض1





الله العالم كان فيه محاضرة أو عرس القزاز اللي ورى مبنى المستشفى
طبعاً هي الساحة ذي تعتبر زي التحلية عندنا من ناحية لو فيه إحتفالات
أو مهرجان أو شيء يكون في الساحة ذي لأنه يعتبر وسط المدينة



صورة الممشى من جهة آخرى



قبل ما أرجع كان وقتها مصادف لِـ إحتفال الهالووين أو هالويين
اللي كنه نشوفه أحيان بالكارتون ولا ندري عنه له معلومات
فيّـذا هُـنا







تشيز أومليت < تراني جعت وأنا أناظرها ض1
فطورهم شيء بطل بطل هذا كان فطور الصبح الغالب



مره بالسيارة وحنا نتجول بالمدينة < متعوب على الصياغة
هالمشهد ذكرني بِـ فيلم مدري وشو بس







هذي منطقة محمية وكبييرة زي الفلل تستأجرها أو تشتريها ملك
جبت لكم فلتين ولا الصور كثار





ماذبحني بذا المقابر إلا هالورد الزين



هذي غالبا يصير بها عرس وتصوير



القوارب مره رحنا لها بس مافيه إلا يوم مافيه بالساعات





وهذي الحديقة إلهامي بالكتابة < مصور وكاتب ض1
طبعاً في الزاوية على اليسار اللوحة الزرقا هذا السكن



الحديقة الفجر تقريباً





هذا مجمع سكني توه فااتح حي جديد يعني
البيوت وأشكالها وشيء يفتح النفس



عجبني الكوفي ذا شكله



ذي الصُورة أخذتها من شباك الطابق اللي ساكنين فيه




ماكان فيه مشروع أقهر البزران اللي عندنا ض1
ألفت ألعاب ولا الفيلم كارتون يجيبها بس خليت الصورة دليل








الفطور كان فيه




الفجر الصورة بالشارع اللي حول السكن اللي على اليسار
هذي عمارة الإماراتي كنت بحضر فيها مباراة الهلال في أسيا يوم يطلع ض1
كان عندهم نقل أتوقع بس أشوى أني مارحت






المستشفى النور في الليل الطوابق أبطل شيء




يتشمسّـون



وألحين جى دور العيال ض1
ياكثرهم على دفعات ينزلون منظمين



عجبني الشيء المدري وش آسمه



تعرفون مهرجان الربيع حق الورد هذا مثله























السينمـا وفيه تقرير وصور إضافية خاص له بِ البانوراما
هُــنا










زي هذا الشيء فيه بقسم القلب لأنه الشيخ زايد الله يرحمه
دعم المستشفى أثناء فترة علاجه هينا وحاطين له زي كذا
بس فاتني أصورها ذاك اليوم
وعلى طاري الدعم عندهم
نادي بعد مسجل بأسم المستشفى لأنه كان فيهملياردير يعالج فيه
وسجل نادي رياضي اللي سواه للمدينة بأسم المستشفى
نادي زي بودي ماستر وذا الطقة






















صور لِـ المستشفى من داخل




مبـنى بجانب المستشفى إلا بدخله بشوف وش يطلع
طلع مكاتب



الممشى في الليل









تصوير إعلاني < خلاص الرجال مصور ض1






هذا شيء حلو عندهم كل منطقة سكنية يكون فيها مربع فيه كلش
سوق ومطاعم وسوبر ماركت يعني يخفف من الزحمة والقروشة




محد كان وده يطب يلعب شيء يفتح النفس
ودك تحرث الملعب













الصور ذي المفروض تكون حصرية لِـ موضوع أوطان
بس وقتها مانيب أعرف أنسخ الصور من الفيديو طبعاً الموضوع
اللي كان قبل فترة عن سرطان المرأة اللي يكافيكـم الشر : |
وطبعاً الأعمال الخيرية والمبيعات ربحها تكون للمرضى ومساعدات
القائم عليها المستشفى نفسه كان بطل منشورات وعروض أطفال
وأشياء كثيرة




لحد يفهم غلط
بس وش أسمه يارا هينا شغل الكناري ض1







هذي مينيابولس هي أكبر مدينة في ولاية مينيسوتا الواقعة
في شمال الولايات المتحدة الأمريكية طبعاً هي اللي أول ماوصلنا
أمريكا تبعد عن
روشستر ساعة أو ساعتين بالسيارة رحنا
لها يوم بعد ما أستقرينا حول أسبوع هيناك حلوة وتنفع
سيااحة بس السكن فيها إزعاج وتضيع

:

:

نرجع لِـ روشستر ولِـ الجامعة حقتهم




الـمدخل للجامعة





ملعب الجامعة طبعاً الدخول للملعب بِ فلوس تأخذ تذاكر
بس أنا ناوي أصور بس وخصوصاً مهنا حماس لو بدخل
فقلت أصور من برى فريق الجامعة




المباني بِ حرم الجامعة





ودخلنا العدسة غصب وش آسمه ذي أسمها الكورة الأمريكية
لأنه يوم سألت واحد إذا قلت له
Football يروح باله لذي لأنها المنتشرة
بأمريكا بس كورتنا كرة القدم يسمونها السكور أو شيء كذا
عاد يارا أزعجتني تقول موب أسمها كورة أمريكية اللي يعرف يكون
حكم بيننا




محد كان يبي يصورهم بس يوم بعدت
وش دراني أنه أنتهت الشوط عاد قلت قلعتهم لا يصدقون أعمارهم
مجمع طلاب




آخر يوم بمشي وجه خير أمطرت ديرتهم ض1
موب ناس تروح وتجي وتجيب لنا الغبار عاد يقولون لي
أنه المفروض هالوقت ثلوج من السنة اللي فاتت بس زين ماجى
ثلج لسني أحب البرد مرره ولا الحر مرره




كتاب الإنجيل مافتحته إلا يوم جيت بطلع مادريت أنه موجود إلا من كم يوم
بس مدري شعور غريب رغم أني ماقريته لأني مافهمت



وبدينا نجهز



وطوينا العفش ماشين للديرة اللي ذبحني غلاها ض1
< ميب للرياض لأننا ماشين باريس ض1



الهدوء إحساس تقتله الطُبولّ / والفراق الله يلعن والديه



الله يخلف على محطتنا اللي على الخطوط
طبعاً رايحين ساعة للمطار بِ
مينيابولس




وصلنا المطار



وصلت مطار باااريسّ
بس الصالة ذي خايسة اللي قبل أكبر وأفضل من ذي
اللي كانت بأول التقرير







هذي الصالة اللي كان فيها كراسي وكانت بأول التقرير
الكراسي باينه مع القزاز اللي شوفه شجر ينزل تحت




وأقلعنا للرياضّ




زي ماقلت بأول التقرير رجعتي على الديربي
الناس نايمة والفلاش مزعج وأنا يالله لقطت لِـ ملعبكم الخايس
وبس خلصتتتتتتتتتتتتتتتت < تعبت

* لِـ مزيد من المعلومات الجغرافية والتاريخية وغيرها








Yasser Heart غير متواجد حالياً   رد مع اقتباس