*بسم الله وخطوه جيده انكم تفتحون لنا المجال ونتكلم بكل اريحيه عن حال الهلال في هالموسم بالتحديد الفريق بشكل عام قدم مستوى ( جيد ) ولا وصلنا للمتاز ! وهذي غريبه على الهلال بكل صراحه في كل المشاركات اللي لعبنا فيها لحد اللحين عدا بعض ( الدقائق ) او بعض الأشواط لكن نلعب بمستوى عالي مباراة كامله للأسف ماتذكر شي المستوى كان من جيد جيدا الى جيد وبعضها اقل من جيد لكن خبرة اللاعبين عندنا ترجح الكفه لصالحنا في غياب المستوى او التكتيك الغير موفق بعض الأوقات ولا اقول كلها .
* اما بالنسبه لتفاوت المستويات الفنيه للاعبين او بعض اللاعبين مهوب كلهم بصراحه فأنه تبعات للمواسم الماضيه يوم كان العمل فوق الممتاز اي فترة استلام ايرك قريتس للفريق بمعسكر قوي وناجح ومتابعه دقيقه جدا وانتهاج عدة اساليب للمحافظه على الفريق لياقيا وفنينا وغذائيا , وقدمنا مباريات قويه جدا واكثر من ممتازه ( لعب / انضباظ / جماعيه / لمسه وحده ) , رحل قريتس وانفتح علينا باب سبب ربكه في الفريق جاء كالديرون وجاب معه جهازه رغم ان عندي تحفظ على مدرب اللياقه !! وتمنيت مدرب لياقه على مستوى عالي لان اللياقه عندنا مش ولابد والجهد يوضح على الفريق بشكل واضح , بعدين دخلنا في دوامة دكتور النادي راح الدكتور وتعاقد من آخر وفي هالفتره كثرة الأصابات بسبة هالأمر بنسبه كبيره جدا .
*اللي نحتريه بكل اختصار تحيقيق مستوى وجهد اكبر واستقرار تام وبطولات
* بالنسبه انو النادي يعاني من نقص غائب عن ادارة النادي والفريق فما اتوقع ان فيه شي غايب الاداره موجوده والدعم موجود والجمهور موجود يمكن جهاز فني جديد للموسم الجاي !! بصراحه كالديرون مايناسبنا مع احترامي له ولعمله الجيد وليس الممتاز
* البطوله الأسيويه لحد اللحين الوضع فيها غير مطمن الاولى خساره والثانيه فوز بهدف بعيدا عن المستوى , وفضل الله ثم العتيبي كان تعادل اقل تقدير لازم التركيز اكثر والعمل اكثر جديه ولازم يحس كلا الجهازين بأهمية البطوله ودورهم انهم يحفزون اللاعبين بعيد عن الأعلام ولا يتركون سبيل لدخول اليأس او شي من هالكلام البطوله سهله على الهلال والتاريخ يشهد شوي من التركيز والجديه و ( الروح ) .
* الواقع الهلالي يقول بأذن الله فيه تتويج هالسنه بس نبي التتويج الاكبر بأسيا محليا نبي اكيد لكن سيطرنا كثير ومايهمني اخسر ولي عهد او كأس الأبطال او حتى اني اشارك بفريق مزيج وعملية تدوير للاعبين ونركز على الدوري واسيا واما بالنسبه التهديفه العاليه في بعض المباريات فألاهداف ماهي مستوى على ان الفريق في القمه او العكس لانها تكون عن طريق اخطاء او ضعف بالفريق ويدخل فيها قوة فريق
كلها عوامل ترفع او تقلل نسبة التهديف .
* اما ماتبقى من مواجهات قادمه ففي الدوري صعبه ولازم نفوز مسألة اني بحط فرضيات فهذي مرفوضه تماما مواجهات تحدد ياتكسب الدوري ياتتركه لغيرك ..
اما نهائي كأس ولي العهد فـ الاقرب الهلال مع احترامي للوحده الهلال عنده خبرة نهائيات عكس الوحده اللي سنين وسنين مالعب نهائي ومسألة ان المباراة تقام بالرياض او مكه فكلها ماتفرق بالعكس بتضيف جو ثاني وتحفز الوحده ونشوف مباراة حلوه ان شاء الله , اما اسيا فعندنا مواجهات برضه صعبه والله يوفقنا .
وشكرا لكم من الاعماق