. يا منتخبنا بـ اسمك ننادي .. ........... شد العزايم | خلّك البادي ، واخيرا يالازرق بالنهائي .. واخيرا بعد غياب عن بطولة الخيلج واخيرا اقتربنا من البطولة العاشره .. كلي ثقه بـ رجال الازرق انهم يفرحون أهل الكويت ، ويرجعون بالكأس ان شاء الله وكلي أمل ان النتيجة تحسم بالوقت الاصلي وتكون زرقاء خالصه يارب .. ولا هي غريبه على منتخب الكويت .. اللي عنده ماضي صعب يضيع واحنا ماضينا يحمل 9 القاب والعاشره جايه باذن الله وبعزيمة رجال الازرق خليجي 20 يثبت انه جميل بكل تفاصيله ، ديربي بالمجموعات وديربي بنهايته لكن الفرق ان بالنهاية لازم فايز .. وعلى هالسيناريو بنشوف مباراة كبيره ومثيره ، المباراة بتكون صعبه ع الفريقين .. الفريقين عناصره شابه او عناصر رديف اللهم لاعبين او ثلاثه من الخبره .. بالكويت الحمدلله عندنا بدر المطوع ونواف الخالدي و وليد علي من عناصر الخبره اما البقية فـ هم انفسهم اللي حققوا قبل كم شهر بطولة غرب اسيا بالاردن وكان اسمه رديف رغم اني ما حبيت هالتسميه لانهم كانوا يستاهلون لقب الاول .. لكن هذي الحقيقه نظرا لصغر سنهم وعدم خبرتهم ، اتمنى ان غوران يستمر بقراءته الصحيحة للمباريات وتبديلاته اللي فعلا تغير من مجرى المباراة وتؤدي اللي عليها ، والفضل يعود لاختياراته اللي خلت الاحتياط الكويتي يقدر يجاري الاساسيين داخل الملعب اذا بتكلم عن التشكيلة اتوقعها هي نفسها اللي دخل مباراة العراق فيها اللهم غياب محمد راشد للأصابه واتوقع يكون بديله فهد عوض ، اللي دخل بمباراة العراق وصدمني انا تحديدا بمستواه المتطور ، فالتشكيلة والثبات عليها شيء مهم كل الامال على بدر المطوع ويوسف ناصر اللي ودي ينهي البطولة بهدف له مثل ما بدأها بهدف ضد قطر واكيد بدران نبيه يسجل ويخطف لقب هداف البطولة ، المنتخب السعودي اذا راح يسبب خطوره خطورته في دخول الشلهوب وتيسير اساسيين وهذا اللي ما اتمناه نهائيا استمر يا بيسيرو في ذكاءك الخارق وخلهم احتياط بالتوفيق للأزرق ومثل ما وعدونا قبل سفرهم بأن هالبطولة بتكون العاشره .. نقول لهم نبيها عشر ويارب يارب يارب نشوف الكأس بالكويت .. الله يعطيك العافيه ع التقديم \