السلام عليكم ورحمة الله وبركاته يارب توفق كل طالب وطالبة بإختباراتهم وتعمي عنهم عيون المراقبين وتسهل لهم الأسئلة وتفرحهم يارب بنتائجهم العالية يالله شباب بنات ورونا وش مسويين بإختباراتكم كيف تذاكرون كيف نظامكم اليومي للمذاكرة ورونا كيف حوستكم أوقات المذاكرة كمان الله على أيام زمان .... كنت أسوي حركات بهلوانية وقت المذاكرة كنت أخذ المذكرة وأنسدح على ظهري فوق السرير وأرفع سيقاني ع الجدار وأمسك الكتاب فوق راسي وأقعد أقرا وإذا حبيت أسوي مجتهد انسدح على بطني فوق السرير برضو وارمي الكتاب ع الأرض وأرفع سيقاني وأقعد العب بهم بالهواء وطبعا طول الوقت عيوني على تحت وما أقوم إلا راسي مصدع وكل اللي قريته طااااااااااااار مع سيقاني المرفعه يالله يالله طولت عليكم لو اني مشرف وقتها كان صورت لكم حوستي أبيكم تبدعون بالله في حوساتكم عشان بنسوي مسابقة بنفس الموضوع بعد الأختبارات ونصوت لـ : أطرف صورة ... أكشخ حوسة ... أسوأ حوسة ... وأحسن حوسة مرتبة . أنا متأكد بتجيني كشخة VIP ونبغى أشيائكم الغريبة وقت المذاكرة يعني يمكن يجيني واحد مصور كبسة وجنبها فنجال شاهي وكتاب كيمياء <<< طبعا هذا من تأثير الإختبار اللي قبلة أحس إنه مختبر فيزياء وأكيد ياشباب بعد الإختبارات فيه فلة ووناسة .. وهيصة كمان يعني والكلام موجه لشباب الرياض صوروا لنا تفحيط .. مانبي البنات يفوزون يالله أبدعوا << أمزح يالله يالله طلعوا خبالكم والوعد المسابقة بعد الإختبارات إن شاء الله وفالكم يارب شهادة مختومة وعليها المعدل اللي تتمنونه ..... قولوا آمين طبعا الصور لازم تكون واضحة وحجمها مناسب للصفحة ... وأي شيء غير كذا على طول Delete ومو لازم التصوير يكون بكاميرا رقمية أو احترافية لكم الحرية في نوعية الكاميرا الموضوع برعاية : MBC .