السلام عليكم ورحمة الله وبركاته:
كيفكم ...إن شا الله بخير
هذا تصميم بدائي لي سبق أني نزلته بس ماطلع مدري وش العله
وهذا أنا نزلته مرة ثانيه وأبي رايكم
التصميم: لشعر ناصر القحطاني (تناساني)
حبيبي ما كفاني في الحضور الصوت والصوره
ولا طفت لهيب الشوق ثنتين تحلاني
سقا الله ليلتـ(ن) فيها القمر غاب وطفى نوره
بعد ما سلمك يانور ليلي وجهه الثاني
سقا الله يوم كان الحب غصنـ(ن) نقطف زهوره
عسى الريح اللي رمت به تنام ويسعد الجاني
حبيبي علها تكبر جروح منك مغموره
نصيبـ(ن) جابني لك بتجاه الشمس وداني
ادخرت اغلى شعور وكل خفاق ووحضوره
لعينك يالجريح المستريح القاصي الداني
وشلتك داخل الوجدان حملـ(ن) لزني جوره
ولو اشغلتني واشغلت بي تفكير خلاني
ابولع لك الدنيا قصايد عشق منثوره
وابعزف بك نغم للحب يا جتارة ألحاني
عليك عيون الناس وكل قلب ضامي وشعوره
تمنتك العيون وجيت ياعيني تمناني
أحبك .....
كيف ما أحبك وأنا اللي لك بنا سوره
على جمر(ن) يدفي بارد أشجانك من أشجاني
حبيبي والمشاعر فيك مختاله ومغروره
تدلل وأنت في ساحة غلاي اليوم وحداني
وإذا ملت خطاك الدرب مسموحه ومعذوره
تناساني دخيل الحب لو تقدر تناساني.
أترككم مع البطاقه
أختكم :دفا الروح