ما فيني شي !
حبيبي لا تقلق علي
جرح في طرف اصبعي
بـ يطيب و يمكن يختفي
لما يدك تلمس يدي
ضحكتني !!
لو تشوف جروح قلبي وش تقول ؟؟
لو تشوف همومي و أثقال الحمول
لو تحس بـ ظما روحي لـ فرحة
كان صابك من مقاومتي ذهول !!
مافيني شي !
اللي شفته في حياتي مو قليل
لا تغرك ضحكتي حزني أصيل
ما يفارقني أبد لو حتى لحظة
ما عطى أحبابي من وصله بخيل
مافيني شي !
العذر منك حبيبي و السموح
غار جرح القلب أجبرني أبوح
لا تلومه من عذابه حن لنفسه
و اختلطت الجد مع بعض المزوح
مافيني شي !