.
بسم الله الرحمن الرحيم
القصد بسرعة الغالق Shutter Speed هي
الفترة الزمنية اللي ينفتح او يتسكر الغالق في الكاميرا
و بكذا الفترة الزمنية لتعريض sensor للضوء اللي يمر
وطبعاً ممكن نتحكم بالغالق عن طريق الكاميرا
فاذا كان الضوء كثير زدنا سرعة الغالق لتقليل الاضاءة و التعريض
و العكس صحيح ..
و الغالق هو الجزء اللي يتحرك
ويطلع صوت ( تشييك ) اذا ضغطنا على زر التصوير
يشار لسرعة الغالق في الكاميرات الرقمية بالحرف S
وفي بعض الكاميرات بالرمز TV دلالة على ( Time Value)
ايش الفايدة من استخدام سرعة الغالق ؟
في التحكم بالممدة اللي بين وقت فتح الغالق ( الشتر ) ووقت اغلاقه نعطي
الصورة تأثير اكبر ..
يعني كل ما كانت سرعة الغالق عالية ..
كل ما كان تجميد الاجسام المتحركه في الصورة اضبط ..
و هذي الصورة خير مثال :
المصور يقدر يوثق لحظة من الزمن و هذي اللحظة ممكن تكون صغيرة جدا [ سريعة جدا ] مثل :
نصوير ماء يتدفق بسرعة أو قطرات او تصوير صقر وهو يهاجم فريسته وهذا النوع من
الصور يحتاج سرعات عالية للغالق عشان يكون الضوء اللي يوصل للحساس sensor
لوقت قصير و بكذ تتجمد الحركة .
اما اذا ضبط سرعة الغالق على سرعة قليلة فـ اي حركة اثناء التصوير بيسبب نوع من
الضبابية
Blurring .
طبعاً سرعة الغالق تقاس بالثواني و اجزاء الثواني .. مثل كذا :
1/2000 –1/1000 – 1/500 – 1/250 – 1/125 – 1/60 – 1/30 – 1/15 – 1/8 – 1/4 – 1/2
1" – 2" – 4" – 8" – 10" – 15" – 20" – 30"
BULB
الارقام بالاسود يعني جزء من الثانية
.. و نحسبها بأننا نقسمها على رقم واحد ..
مثلا 1/500 يعني 500 جزء من الثانية
وهي سرعة كبيرة جداً .. ممكنه لتصوير سيارات السباق و الطيارات ..
اما اللي باللون البني .. تعني عدد الثواني
و غالباً نقرا جنبها " او s
مثلا 10" أو 10s يعني 10 ثواني
BULB
يعني انك انت تحدد سرعة الشتر بمقدار ضغطك على زر التصوير ..
ملاحظات مهمة لنتائج مرضية :
١ - مثل ما قلنا لتجميد الصورة نستخدم سرعه غالق عالية ..
و اذا كنا نبي الصورة تكون ضبابية نستخدم سرعة غالق قليلة ..
٢- اذا اخترنا سرعة غالق قليلة يفضل استخدام الحامل الثلاثي - الترايبود -
عشان نتفادى اهتزاز الصورة ..
٣- يتأثر اختيار سرعة الغالق بفتحة العدسة ..
بمعنى اذا كانت فتحة العدسة صغيرة ..
و سرعة الغالق كيبرة
تصير الصورة مظلمة شوي ..
عشان كذا لازم نوازن بين سرعة الغالق و فتحة العدسة ..
و الصورة هذي توضح مقدار الضوء اللي تسمح سرعة الغالق بدخوله :
امثلة على سرعة الغالق بطيئة :
امثلة على سرعة الغالق سريعة :
خالص التقدير والاحترام
مشرفي التصوير الضوئي
.
.