أقتباس إلى ديان يوم الدين نمضي وعند الله تجتمع الخصوم بأذن الله ماتنام عينه ونعم بالله ونعم بالله يانايف .. ياليت الملك فيصل حي والله ماراح يرضى بقد أنمله من اللي يصير الأن .. ماراح يسمح بكل التجاوزات والضرب من تحت الحزام والتكميم على الافواه وقتل المواطنه في قلوب المواطنين .. راح فيصل بن عبدالعزيز وراح فيصل بن فهد.. تقول عبوديــه .. أقسم بالله اللي يصير أمتهان لكرامه الشعب السعودي عينك عينك .. وش ذا ..؟! عندنا كرامه يابشـر عندنا كرامه حسوا !! يعني يمكن لأننا نتكلم بلغه خطاب وكتّاب مايفهم الاتحاد خلاص نحول لغتنا لأبسط لغه بدويه عاميه.. والله أننا بشـر لدينا مقومات أكبر من مقومات العالم كله الله معانا وهذا يكفي .. إلى متى يظل الاتحاد السعودي مستّعبد الرياضيين في قراراته !! يصل الآمر بهم إلى طرد من البلد خلال 24 ساعه لمجرد أنه لم يقدس الشعــار!! أتحاد الكره : اذا يغيضك أن كوزمين وضع التيشيرت على المنصه !! تعال شوف !! أحنا نرمي الجرائد بالزباله وفيها صوركم أنتم يالاتحاد !! تدرون وإلا لا ..؟! ويمكن يوصل الامر ونتفل فيها اذا زاد الامر عن حده !! وش هالعبوديه اللي زادت عن حدها !! مابقى شيء ماصــار!! أقسم بالله اللي صاير الان هو أستعباد للشعب الرياضي السعودي بكل معانيه .. بدايه بالتلفظ وأتهامات بعدم التربيه والفاظ سوقيه ونهايه بالطرد والأبعاد بغير وجه حق !! يعني الان الاخلاق السعوديه والاسلاميه تحرض على العبوديه لتيشيرت وسلام ملكي ومادري كيف ..؟! وينك من منصـور البلوي اللي مارقى يتشرف بالسلام عليكم !! صدق يمكن مايتشرف بالسلام على أعضاء الاتحاد تدرون ليه ..؟! لأنه يشوف فيكم مسخره يحركم كيف مايبي ووين مايبي !! وماتقدرون عليه !! قدرتوا على الضعيف الأجنبي اللي ماله لاحول ولاقوه .. ماقول غير حسبي الله هو حسيبكم .. يعلم الله وش مقدار الغثى والقهر فينا مهب لأنكم كسرتوا شوكه الهلال لاوالله تبطون عظم وتخيسون ولاتكسرون شوكته بس لأنكم ربطتوا أنفسكم بأسم هالبلد الطاهر المسلم التقي .. شوهتوا سمعه الوطن بلا حسيب ولارقيب .. كرهتوا الشعب الرياضي بالكوره وخليتوهم خدام عندكم ..! مافيه أدنى أحترام من سلطان للرياضين مره يهزأ اللاعبين واخرتها مباراه قطر ومره يهزأ المحللين ومره يطرد مدربين وش بقيت ياسلطان ..؟! باقي تطردنا من ديرتنا ..؟! باقي تسحب جوازاتنا مننا برا الوطن !! اذا طردتوا كوزمين وسحبتوا باكيتا وخذيتوا لعيبه المنتخب وسامي بالطريق وطفشتوا ادارات الهلال وكرهتوا جمهوره بالكوره ترى الهلال بــاق لن يموت .. يبي يبقى الهلال مابقيت الدنيا غصه في قلبك يالاتحاد السعودي .. أصلاً حرام أحنا نلعب هنا أقسم بالله حرام نلعب هنا .. وكوزمين حرام يلطخ تاريخه بقذاره الاتحاد السعودي ودنائته وأرتجاليته .. خل الرجال الفاهم يروح لأوروبا للعالم الفاهم .. وتذكر دايم يالاتحــاد دعوه المظلوم مابينها وبين ربي حجــاب : ( اذا أخذتك عزتك بظلم الخلق فتذكر قدره الخالق عليك ) .. تذكروا يارجال الأتحاد فوقكم رب ماينسى ولايرضى بالظلم اللي تسوونه .. تذكر ياسلطان أن كل عمايلك بالهلال تشوفها يوم عن يوم في منتخبك اللي يكسر الوجه مثل سواد وجيهكم يالاتحاد .. يمهل ولايهمل يمهل ولايهمل يمهل ولايهمل يالاتحاد .. كوزمين .. تتذكر صراخك بالملعب ..؟! صوتك الجهور ..؟! حماسك لكل ماهو أزرق ..؟! عشقك للهلال ..؟! تتذكر كيف كنت تزرع فينا من خلال صراخك وأستهجانك أن كل شيء يعتبر لاشيء أمام الهلال.. أنت طردتّ لأجل أبنائك صدقني ياكوزمين سيجلب لك أبنائك الأنجازات .. من رومانيا تابع الهلال وتابع أشبالك الصغار بعد بضع سنين وهم أبطال للعالم وأسيا وقلّ مفاخراً هولاء من طردت من السعوديه بسببهم .. هولاء هم أشبالي وأبطال الهلال .. الله بظلمنـا كفيل .. الله بظلمنـا كفيل .. الله بظلمنـا كفيل .. نايف السعود : مقالاك صاخب جداً .. تجسيد لواقع الرياضه السعوديه مب بس من خلال هالحادثه وأنما للرياضه عموماً .. من فتره بعيده ماقريت مقال يجبرني على الطرح والكلام ويمكن من زمااااان مارديت رد ثري وطويل مثل هالرد .. لاعدمناك يارب .. مثبـــت + لمنصه التتويج بعد أكتمال الردود .. بيض الله وجهك ..