وين النآس ..؟! والله الموضوع يجنن <=تحب هالنوعيه من المواضيع اليوم جبت لكم الي لقيته من قشّي من خلال مسيرتي التشجيعيه ولـد عمّي (الله يحفظه) .. قهر كنت اتمنى ان عندي صورة للاولاد بالاستراحه ماشاء الله تبارك الله اكثر من 10 كلهم يتفقون ويلبسون تيشيرتات الهلال اشكالهم فلّه مايحتاج اقولكم.. هذي شنطة اعتزال سامي.. حاربت حرب عشان اجيبها كل ماقلت لابوي قال بكره جا يوم دقيت عليه بالشغل قلت ماتدخل البيت الا هي معك اخاف تخلص عني.. وجابها وماتتخيلون فرحتي فيها بس اصور معها هذي محتوياتها طبعا بالشتاء الشال والقبعه 26 ساعه وانا لابستهم.. والتيشيرت مع انه كبير الا اني البسه كل اسبوع تقريبا اذكر مره نزلت على اهلي ومعي كوره واقنع ابوي يسمح لي العب بالهلال قال تامرين امر اول مايسوون فريق بنات انتي اول وحده<=حسيت اني بزر يعطين على قد عقلي http://www.yaser20.com/vb/attachment...1&d=1220637292 هذي نقطه من بحر حووووستي نعرفكم على الاشياء اللي هنا: 1/ هذي أول مقاله لنواف بمجلة فواصل.. طبعا من كثر خوفي عليها ناسختها بكل مكان حتى بجوالي وحافظتها حفظ 2/ ههههه هذا قلب من فخار شاريته بصف اول متوسط وللحين ما استخدمته لافته بجريده وحاطته بالدرج 3/ مناكيري الي كلهم يتطنزون اذا حطيته طبعا لان لونه خايس بس ماعلي منهم احطه بالنهائيات 4/هذي هديه من وحده من البنات 5/خخخخخخخ.. هالدفترين قصتهم قصه.. واحد منهم خآص لاحداث نواف يوم كان بأمريكا يوم بيوم المشكله اني ما اقص الاخبار من الجرايد واحطهم !! اكتبهم بخطّي والدفتر الثاني نكته الي يبي يضحك يجي يآخذه ويقراه من صف رابع وانا اكتب فيه احداث المباريات طبعا مقسمته قسم الهلال والمنتخب ونواف.. احلى شي التعاليق الي تحت كل خبر(موضوع تعبير) وانا اقرأه قبل شوي لفت انتباهي صفحه عن كاس الخليج اول ماعرفنا ياسر مع تشكيلة المنتخب الجديده كاتبه(في لاعب جديد اسمع ياسر من القادسيه...الخ) 6/ ألبومات صور فيها مايقارب 4567545 صوره لنواف (نصها مكرره وش ابي فيها مدري) 7/الصندوق السّري اتذكر بصف رابع اشتريته عشان اهلي مايكشفوني اول مابديت اشجع .. اتذكر اول شي حطيته صوره لنواف مع المنتخب وصوره لصالح المحمدي ومقفله عليهم واي احد يسألني اقول رسايل صديقاتي الى ان انكشفت الامور واعلنت هلاليتي للملأ وصرت افتح الصندوق ما اقفله هذي اسواره مسويتها وانا بصف خامس ملاحظين صورة نواف.. ترى متعوب عليها قاصتها ومغلفتها.. اتذكر ضاعت وقمت اصيح واتهمت امي انها راميتها.. وطلعت تحت السرير للمعلوميه كل هالاشياء من صندوق الذكريات لكن حاليا الحمدلله توقفت عن هواية جمع الصور والطوابع بس المشكله ان عندي اكياس جرايد وصور ومجلات ومتحسفه ارميها وبنفس الوقت مسويه زحمه مرررره شكرا لكم على هالموضوع الفللللله