..... صباحم أزرق ولعطر الذاكرة الأزرق سحر لاينتهي أنا هـنا لأشتم بعض عبقهـ سأهديكم شيئا من عطـر الذاكرة الأزرق وأنتظر أن اشتم بعض عبقهـ برفقة ذكرياتكم .... هذه ميدالية اهداني هي اخوي في احدى بطولات الهلال >>ناسية اي بطولة طبعا لها معزهـ خاصة لأنها جاتني من اخوي غير الرياضي وجات في وقت بطولة وفرحه وصرت حاطتها لمفاتيحي وكاشخه فيها ...... راح ابدا حكاية ثانية بس لها ارتباط بالميدلية الي فوق تفتكرون نهائي الدوري الي كان بين الهلال والإتحاد وانتهى بهزيمة الهلال ايام منصور البلوي وتشمتوا وقتها على كيف كيفهم كان النهائي يوم الجمعة وعندي اختبار نهائي يوم السبت المادة حلوووه وطبعا ذاكرت اغلبها من بدري عشان انبسط على النهائي ومن العصر حماس وجالسه اتفرج على التغطيات وعلى القهوه والحلى والكل في البيت متحمس معي مع انهم مايشجعون الين ماجات المبارة وانتهت في الأخير بهزيمة الهلال وضاع الدوري تنكدت طبعا والمشكلة وراي اختبار والنفسية زفت آخر شيء الحمد لله قدرت اطلع من جو الهزيمة ورحت اذاكر والصباح وانا رايحة للإختبار كنت مستعجلة طلعت المفاتيح عشان بخرج من البيت ولما شفتها تذكرت الهزيمة وللأسف وانا افتح الباب انقطعت الميدلية وانفكت نصين تأملت في الموقف قلت جاتني هدية في موقف فرح ازرق وانقطعت وانكسرت في موقف انكسار ازرق هذي الميدلية تحمل ذكرى مفرحة محزنه وشوفوها في الصوره رجعت ركبتها بس مقطوعه مارجعتها لسلسلة مفاتيحي بس احتفظت فيها للذكرى أتمنى أن تكونوا وجدتوا شيئا من المتعة برفقة عطر ذاكرتي الأزرق لي عودهـ بإذن المولى ....... قسم الجمهور الهلالي شكرا لجزيل كرمكـم وسخائكم اللامحدود طبتم وطاب متصفح يفوح بالعطر الأزرق