عرض مشاركة واحدة
قديم 06-04-2008, 03:49 PM   #1
زيـآد
قلم المجلس الذهبي
 
الصورة الرمزية زيـآد
 
افتراضي [ .. راعي المعـارض قام يتحدى .. جاب الشبح والبنز من جده .. ]

...





السـلام عليـكم ورحمـه الله وبركـاته


مساء الخيـرات .. / صبـاح الخيـرات
<-- خيرات ولا المفرج
<-- كل تبن

ادري بتقولون وش هالادمي .. من وين طلع .. كح كح
غبار ياناس .. عج .. النصر فاتح دولاب البطولات

اعتذر عن القطـاعه الي راحت .. تراي اتغلى <-- ماحد درا عنك
ويقولون تغلي الحبيب مثل اكل الزبيب

مع ان طعم الزبيب شين

تبون ادخل بالموضوع ...
اوكي ما نأخركم

طال عمرك شفت بنتكم زينه وودي اخطبها
<-- كل تبن

ايه اقولكم


وش رايكم بـ عنوان الموضوع
هاذي اغنيه جديده ترا توها نازله

آآخ يا هالاغنيه لها ذكريات خاصه
ترا ماكنت اسمعها وانا طالعن مع خويتي

لالا لاتفهمون غلط
اخبرها للحين .. طلعه للرياض .. ياكثرنا ذاك اليوم
حتى ماكفانا جمس واحد

جمسين .. جمس رجالي .. وجمس نسائي
والله يا اننا كنا منطربين على ذا الاغنيه

اللي يبي يسمعها يروح موقع قوقل .. ويكتب " راعي المعارض "
اول رابط يفتحه .. حق احلام

وتلقونها .. راعي المعارض " جلسه "
تدرون امسكوا هذا رابطها

فيـذا

تنكس تنكس


طبعاً يمكن فيه ناس فهموا معنى الموضوع .. وفيه ناس تقول وش ذا الدلخ
موضوعي يتكلم عن اغاني زمان .. <-- ارحمنا يابو 50 سنه

يعني بالله .. ( وجه يقول معليش شمعة حياتي )
راشد اول ازين ولا الحين

اول كان اذا جاك بالشماغ والعقال الي لازق بالمرزام
والشماغ الي مصكوك ورقبته كنها رقبة الدكتور غسان

وقال .. ياناسينا ياناسينا
ولا يقول .. انا صاحي لهم

اغاني كنا نستمتع لما ننطرب بها
موب الحين يجيك ذا الخكيري جواد العلي

عباس ابراهيم ( الا اغنية دواك عندي )
رابح صقر لا جاك قال .. يادنيا ياشينه رابح اول .. كنه ضب

على الاقل سمن شوي الحين

يعني بالنهايه
موضوعنا للنقاش عن الطرب الي قبل الجيل ذا

يعني ناقشوا بالاسئله الي تحت




هاذي هي .. /

* برأيك الكريم .. الطرب الحالي .. افضل من الطرب الماضي ؟ .. ما اقصد طرب ابيض واسود .. لالا يعني قبل فتره بسيطه .

* مطرب تنطرب معه الان

* مطرب تنطرب قديم يعني

* مساحه مفتوحه لشخصك الكريم للتعليق على الموضوع

* ووش رايك بأغنية راعي المعارض



زيـآد غير متواجد حالياً   رد مع اقتباس