أون وريــاح الليـالـي تـوِّنـي والبرد في جوفٍ كما الغـار خـاوي
ما كن لـي قلـبٍ ولا عقـل كنـي جذع وقف فـي وجـه الايـام ذاوي
وبـي عبـرةٍ محبوسـةٍ تمتحـنـي في عيني وحلقي وصدري شكـاوي
وبي من قديم الوقت جـرحٍ مكّنـي وبي من جديد أيـام وقتـي مكـاوي
إن قلت زانت خالـف الوقـت ظنـي وإن قلت هانـت عاجلتنـي بـلاوي
أجامل أيامي ولا جاملني .. ماجاملني هامت بـي الدنيـا هيـام الخـلاوي
الوقـت جايـر والليالـي اسهرنـي والحزن ما بين الضلـوع متـلاوي
أون وكـلٍ يحسـب إنـي اغـنـي عليل وكـلِ يحسـب إنـي مـداوي.
خالد الفيصل
(( رحمك الله يا مشعل ))